M
Mohamed Elsebaey
:: مسافر ::
هحكيلكم عن تجربتي في #دهب #جنوب_سيناء
انا جيت البلد دي سياحة 5 مرات في سنه ونص تقريبا واتمنيت استقر فيها زي ناس كتير جت وممشيت ومكانتش عايزه تمشي وبيمدوا فترتهم للاجازه لكن ظروف شغلي ومعيشتي افرضت عليا اكون زائر فقط
والقدر لعب دوره اني جيت البلد شغل وكان لمده شهرة تدريب وارجع القاهرة تاني ومن هنا بقى الحكاية قررت اقعد ومرجعش وعملت كده فعلا لقيت نفسي وراحتي هنا وسط ناس كتير هتلاقي فيهم اهلك وطيبه زمان اللي غالبا مبقتش موجوده في القاهره
وقولت لازم اعمل مشروع كامب أو كافيه ليا واستقرار أبدى ودي بقت بلدي
وبدأت الحكايه اني دورت ولقيت مكان حلو جدا على البحر شبه مهجور وعملت دراسه وحسابات لقيته محتاج 800000 الف جنيه والمبلغ مش متوفر نهائيا
قولت اعمل نظام زي تايم شير واجمع الفلوس واعمل مشروعي ناس اديتني positive energy وناس العكس وقابلت هنا صحاب بقالي سنيين مشوفتهومش واتعرفت على ناس اكتر بقينا أصحاب جدا
فقررت اعمل صفحه رحلات لدهب واستقر بدون رجعه للقاهرة واشتغل اي شغل لحد ما أحقق حلمي واللي حابب يعرف فكرة مشروعي هلاقي البوست على صفحتي الشخصية
وفي صور لناس كتير عرفتها بس مرديتش انزلها للخصوصيه
#القهوه على البحر الصبح ليها احساس مختلف
#الغطس من أمتع الحاجات اللي عملتها في حياتي
#الاصدقاء هتعمل علاقات مع ناس كتير واختار منهم اللي يناسبك
#الجبل هتطلع وهتقول سيبوني مش عايز انزل
#البحر ما أجمل ولا اروع من متعته لفتره وانت تنام تفتح تلاقيه قدامك
ورحلات كتير ممكن تروحها ومقولتش عليها لعدم إطالة البوست
لكن الحلم قادم بإذن الله واليقين
لو حد محتاج اي تفاصيل اكتر انا هكون مبسوط
انا جيت البلد دي سياحة 5 مرات في سنه ونص تقريبا واتمنيت استقر فيها زي ناس كتير جت وممشيت ومكانتش عايزه تمشي وبيمدوا فترتهم للاجازه لكن ظروف شغلي ومعيشتي افرضت عليا اكون زائر فقط
والقدر لعب دوره اني جيت البلد شغل وكان لمده شهرة تدريب وارجع القاهرة تاني ومن هنا بقى الحكاية قررت اقعد ومرجعش وعملت كده فعلا لقيت نفسي وراحتي هنا وسط ناس كتير هتلاقي فيهم اهلك وطيبه زمان اللي غالبا مبقتش موجوده في القاهره
وقولت لازم اعمل مشروع كامب أو كافيه ليا واستقرار أبدى ودي بقت بلدي
وبدأت الحكايه اني دورت ولقيت مكان حلو جدا على البحر شبه مهجور وعملت دراسه وحسابات لقيته محتاج 800000 الف جنيه والمبلغ مش متوفر نهائيا
قولت اعمل نظام زي تايم شير واجمع الفلوس واعمل مشروعي ناس اديتني positive energy وناس العكس وقابلت هنا صحاب بقالي سنيين مشوفتهومش واتعرفت على ناس اكتر بقينا أصحاب جدا
فقررت اعمل صفحه رحلات لدهب واستقر بدون رجعه للقاهرة واشتغل اي شغل لحد ما أحقق حلمي واللي حابب يعرف فكرة مشروعي هلاقي البوست على صفحتي الشخصية
وفي صور لناس كتير عرفتها بس مرديتش انزلها للخصوصيه
#القهوه على البحر الصبح ليها احساس مختلف
#الغطس من أمتع الحاجات اللي عملتها في حياتي
#الاصدقاء هتعمل علاقات مع ناس كتير واختار منهم اللي يناسبك
#الجبل هتطلع وهتقول سيبوني مش عايز انزل
#البحر ما أجمل ولا اروع من متعته لفتره وانت تنام تفتح تلاقيه قدامك
ورحلات كتير ممكن تروحها ومقولتش عليها لعدم إطالة البوست
لكن الحلم قادم بإذن الله واليقين
لو حد محتاج اي تفاصيل اكتر انا هكون مبسوط