ليا صديق امريكي في مصر و عايز اعرف ايه احسن...

  • بادئ الموضوع بادئ الموضوع Rafy George
  • تاريخ البدء تاريخ البدء
R

Rafy George

:: مسافر ::
ليا صديق امريكي في مصر و عايز اعرف ايه احسن الاماكن المبهره بحيث انه يتبسط هنا !
 
خان الخليلي و المعز و القلعه
كل الاجانب الي اعرفهم عجبهم دول
كمان اكله اكل مصري زي البرنس و صبحي كابر بس متسيبهوش يزود في الملوخيه
 
في كتير
القاهرة فيها منطقة الحسين كلها بجوامعها بشوارعها وحواريها و ما حولها الغورية والجمالية
القلعة و مسجد الرفاعى و السلطان حسن
المتحف في التحرير
قصر المانسترلى في المنيل
الاهرامات
متحف عابدين
غير ممكن توديه كامبينج في سيوة او الصحراء البيضاء
ممكن توديه دهب وراس شيطان
وطبعا الاقصر واسوان و المعابد اللى فيهم
 
وكاله الغوريه وفلوكه في النيل وده عندي
لو انته فخم اوي خدو رحله لسيوه جنه في قلب الصحراء وفي القاهر اماكن كتير والاهرمات
 
المتحف المصرى - القلعة بالمتاحف الفيها - فى متاحف كتير تبع الجيش برضو حلوة زى متحف الطيران الحربى
 
نصيحه الأجنبي اللي بيزور دولة بيبقي عايز يزور ويعيش حياة ولاد البلد يعني خده في كل الأماكن الشعبية وأكلة الاكل المصري وخليه يجرب يعيش حياتنا لبسنا عادتنا تقاليدنا هينبسط جدااا هو عنده في امريكا KFC مثلا بس هتلاقيه يحب يجرب اكل جديد بالاضافة طبعا ل كل الأماكن السياحية او الترفيهية وما أكثرها في القاهرة
 
الهرم وشارع المعز والقلعة وخان الخليلي واكله بط وملوخية ومحاشي وحمام وكشري والأكل المصري بجد... واسهروا على مقاهي حلوة
 
مصر فيها كل حاجه
اعرف هو زوقه إيه الاول
في التاريخ في مصر القديمه شارع المعز وخان الخليلي وفي الفرعوني في الاهرامات والمتحف القومي والاقصر وأسوان وفي الشواطئ زي الغردقه وشرم وسهل حشيش وفي السفاري في الغردقه وشرم وعندك سيوه والرمله البيضاء و دهب والكامبات .....
 
أعلى