H
Hany Elbaz
:: مسافر ::
حضرتك لما تسافرى لوحدك عادى جدا حايعملوكى بكل إحترام وبتحفظ كمان علشان الستات والبنات لهم محيط خاص بيهم لايمكن لأى شخص إنه يعديه
لكن فى إيطاليا لو رايحه هناك خلى بالك لأن فى روما تحديدا حصلت كذا حالة تعدى على سائحات من بعض المهاجرين الرومان والألبان والعرب
أما عن الإقامه مع ناس ماتعرفيهمش فإنتى وحظك لكن حظك حايكون حلو أو لاء أكيد حاتخدى خبره كبيره يعنى حتى لو إتقلبتي حاتستفيدى
إتكلى على الله سافرى وكونى شخصيتك بنفسك إتفسحى وإستمتعى
لكن فى إيطاليا لو رايحه هناك خلى بالك لأن فى روما تحديدا حصلت كذا حالة تعدى على سائحات من بعض المهاجرين الرومان والألبان والعرب
أما عن الإقامه مع ناس ماتعرفيهمش فإنتى وحظك لكن حظك حايكون حلو أو لاء أكيد حاتخدى خبره كبيره يعنى حتى لو إتقلبتي حاتستفيدى
إتكلى على الله سافرى وكونى شخصيتك بنفسك إتفسحى وإستمتعى
H
Hebatalla Adel
:: مسافر ::
انا سافرت اوروبا بس دايما بيبقى معايا اصحابى و لو واحدة على الأقل علشان نعمل sharing فى كل حاجة حتى الغرفة فبنبقى فى أمان اكتر بس عموما لو هتقعدى فى هوستل مع ناس و كدة احيانا بسيطة اوى بيبقى فيه سرقة فعلا بس انتى حطى حاجتك فى اللوكر بقفل و انتى خارجة خدى فلوس على اد الخروجة و مش هيحصل حاجة ان شاء الله
H
Hanan Mahfouz
:: مسافر ::
انا سافرت أنا وواحدة صحبتي إسبوعين لفينا فيهم أوروبا واحنا اللي كنا حاطين البرنامج لان شركات السياحة كانت هتكلفنا أكتر ..
وللعلم دي كانت أول مرة لينا نروح أوروبا وعادي جداً اتبسطنا قوي واتشقلبنا في كل حتة والحياة كانت لطيفة وأمان وماحصلش معانا أي حاجة تعكر الرحلة الحمدلله!!
شركة السياحة مش هتحميكي من سرقة وهتقيدك في التحركات..
وحالات السرقة بتحصل عادي زي أي بلد زي مانتي ممكن تتسرقي جوة بلدك عادي بس مش شرط ولا هو شيئ أساسي في السفر!!
أهم حاجة تاخدي إحتياطاتك يعني انا عشان كنت ماسكة ميزانية الرحلة فكنت بقسم الفلوس واحطها في كذا مكان متفرق عشان لو حصل واتسرقت مايبقاش الفلوس كلها ونتسوح
وللعلم دي كانت أول مرة لينا نروح أوروبا وعادي جداً اتبسطنا قوي واتشقلبنا في كل حتة والحياة كانت لطيفة وأمان وماحصلش معانا أي حاجة تعكر الرحلة الحمدلله!!
شركة السياحة مش هتحميكي من سرقة وهتقيدك في التحركات..
وحالات السرقة بتحصل عادي زي أي بلد زي مانتي ممكن تتسرقي جوة بلدك عادي بس مش شرط ولا هو شيئ أساسي في السفر!!
أهم حاجة تاخدي إحتياطاتك يعني انا عشان كنت ماسكة ميزانية الرحلة فكنت بقسم الفلوس واحطها في كذا مكان متفرق عشان لو حصل واتسرقت مايبقاش الفلوس كلها ونتسوح
R
Riham Hamdy
:: مسافر ::
لا عادي اقري عن البلد ونظمي رحلتك واحجزي فندقك من booking ونزلي برنامج Moovit من الplaystore هيساعدك في تنقلاتك بالمترو او القطر او الاتوبيس وبرده ممكن تسألي الreceptionist بتاع الاوتيل على الdirections. وهاتي selfie stick علشان تصوري نفسك ويبقى معاكي كاميرا علشان لما تطلبي من حد يصورك وشنطة كروس دي بتحمي من السرقة (طبعا الحافظ هو الله في الاول والاخر) ومتاخديش فلوس كثيو وانت نازلة حطيها في خزنة الغرفة في الاوتيل. وان شاء الله تتبسطي. السفر لوحدك متعة جدا والسفر مع الأصدقاء برده ليه متعته.
S
Shaymaa Ali
:: مسافر ::
سافري يا سلمى
سافري يا بنتي
سافري يا حبيبتي
سافري ومتخافيش احنا هنا بنشوف صعوبات في الشارع والحياة اقسم بالله تخليكي تفوتي في الظلط
سافري يا سلمى وسيبك من التعليقات اللي تخوف ومن الفتي
سافري لوحدك وحترجعي اقوى من الاول
سافري ومتقعديش مستنية حد يسافر معاكي السفر لوحدك متعة في حد ذاته
انا سافرت لوحدي اوروبا قبل ما اتجوز
واتجوزت وسافرت مع زوجي
والاثنين حلوين وكل تجربة ولها متعتها
سافري يا بنتي
سافري يا حبيبتي
سافري ومتخافيش احنا هنا بنشوف صعوبات في الشارع والحياة اقسم بالله تخليكي تفوتي في الظلط
سافري يا سلمى وسيبك من التعليقات اللي تخوف ومن الفتي
سافري لوحدك وحترجعي اقوى من الاول
سافري ومتقعديش مستنية حد يسافر معاكي السفر لوحدك متعة في حد ذاته
انا سافرت لوحدي اوروبا قبل ما اتجوز
واتجوزت وسافرت مع زوجي
والاثنين حلوين وكل تجربة ولها متعتها
L
Lama Goda
:: مسافر ::
لا عادي جدا لو سافرتي لوحدك وحتعرفي تتعاملي هناك جدا انا كنت في المانيا مع جوزي بس كنت بسيبه وانزل لوحدي امشي واروح واجي واتعامل لحد ما حفظت المنطقة الي انا فيها في ٤ ايام وبقيت بتمشي لوحدي وعرفت كام كلمةً الماني كمان متخافيش حتقدري تتعاملي بس خلي بالك من شنتطتك عشان بيبقي في مشالين كتير في اوروبا