J
Jesse Deraz
:: مسافر ::
لبنان يا جماعة! لية محدش بيفكر يروح مع انها من مصر حوالى ٦٠ دقيقة بالطيارة!! يعني اقرب من المهندسين!! ( اصل انا من الكوكب التاني!)
البلد مش بس جميلة لأ دى فيها اماكن مبهرة و طبيعة تجنن.. جبال خضرا تلاقى.. ينابيع ميه و انهار و شلالات تلاقى.. نايت لايف طبعا تلاقى و نص
و فوق دا كله حرية و شياكة و ناس زوق و راقييين و فاهمين يعني ايه سياحة صح.
انا رحت ٣ مرات و مش هتصدقوا انى فى كل مرة باروح اماكن جديدة و باكتشف حاجات جديدة ..
طبعا مش هنتكلم عن الاكل اللبناني لان كلنا
عارفين شو بيعقد!
و اقدر اقولكوا ان تقريبا مفيش مطعم هناك سواء غالى او رخيص اكله مش حلو ... كله حلو
و بالاخص مطعم اسمه بربر ! دا عامل زى ارابياتا عندنا هنا كدة من حيث الفروع الكتير و انه مش غالى و بيعمل اكل لبناني بحت .. بس مش قادرة اقولكوا قد ايه اكله مالوش حل بجد و على طول زحمة
بس دا هتلاقوه فى بيروت بس.
الحياة هناك للامانة ماتعتبرش رخيصة لكن ممكن بتمن تذكرة لبلد بعيدة تروح هناك و يكون معاك فلوس تتفسح كويس
بيروت طبعا هى النايت لايف و الشوبينج بس فى مدن تانية كتير فيها الطبيعة و جمالها و التاريخ الفينيقي و تقريبا كلهم على الجبال و فى اماكن كتير هتحس فيها انك فى اوروبا فعلا .. كافيهات و مطاعم و مناظر حلوة
و حرية .
رحلة صعود الجبل بالعربية دى اصلا فى حد ذاتها متعة .. و انت شايف الخضار حواليك من كل ناحية و تحتيك البحر بردو شايفه
طبعا فى الشهور من اواخر نوفمبر لحد اول مايو الجبال دى كلها بيكون فيها تلج و فى اماكن مخصوص للتزحلق على الجليد.. و بسهولة ممكن تلاقى سواق التاكسي هيعرض عليك رحلات للجبل مثلا يوم من اوله لاخره ممكن ب 120- 150 $
و هيوديك حتت كتير و يستناك زى ما انت عاوز.
و الصيف بقا بيكون ولعان على رأيهم .. حفلات و مهرجنات خلال شهور الصيف و طبعا بحر و كدة.
كل واحد بقا حسب توجهاته.. بس انا شخصيا حبتها فى الشتا اكتر من الصيف..
هتحس كدة بصوت فيروز بيرن فى ودانك طول ما انت فى الجبل و هتحس انك شايف بعينك كل اللى كانت بتحكي عنه فى اغانيها
باختصار انا من وجهة نظري لبنان بلد تستحق الزيارة لعدة عوامل منها قرب المسافة و بالتالى التذاكر رخيصة و ممكن تلاقى فنادق او شقق فندقية كتير سعرها يكون معقول .. اكل حلو و مناظر طبيعية و كمان الفيزا فى المطار و ماننساش طبعا ان مافيش مشكلة لغة و هما بيحبوا المصريين جدا على فكرة.
اللى عنده اسئلة انا تحت امركوا
اضافة: حطتلكوا صورة لمنظر الغروب من فوق جبل اسمه جبل لبنان بالقرب من دير مار مارون القديس شربل و دا كمان مزار عالمي و مهم هناك
البلد مش بس جميلة لأ دى فيها اماكن مبهرة و طبيعة تجنن.. جبال خضرا تلاقى.. ينابيع ميه و انهار و شلالات تلاقى.. نايت لايف طبعا تلاقى و نص
و فوق دا كله حرية و شياكة و ناس زوق و راقييين و فاهمين يعني ايه سياحة صح.
انا رحت ٣ مرات و مش هتصدقوا انى فى كل مرة باروح اماكن جديدة و باكتشف حاجات جديدة ..
طبعا مش هنتكلم عن الاكل اللبناني لان كلنا
عارفين شو بيعقد!
و اقدر اقولكوا ان تقريبا مفيش مطعم هناك سواء غالى او رخيص اكله مش حلو ... كله حلو
و بالاخص مطعم اسمه بربر ! دا عامل زى ارابياتا عندنا هنا كدة من حيث الفروع الكتير و انه مش غالى و بيعمل اكل لبناني بحت .. بس مش قادرة اقولكوا قد ايه اكله مالوش حل بجد و على طول زحمة
بس دا هتلاقوه فى بيروت بس.
الحياة هناك للامانة ماتعتبرش رخيصة لكن ممكن بتمن تذكرة لبلد بعيدة تروح هناك و يكون معاك فلوس تتفسح كويس
بيروت طبعا هى النايت لايف و الشوبينج بس فى مدن تانية كتير فيها الطبيعة و جمالها و التاريخ الفينيقي و تقريبا كلهم على الجبال و فى اماكن كتير هتحس فيها انك فى اوروبا فعلا .. كافيهات و مطاعم و مناظر حلوة
و حرية .
رحلة صعود الجبل بالعربية دى اصلا فى حد ذاتها متعة .. و انت شايف الخضار حواليك من كل ناحية و تحتيك البحر بردو شايفه
طبعا فى الشهور من اواخر نوفمبر لحد اول مايو الجبال دى كلها بيكون فيها تلج و فى اماكن مخصوص للتزحلق على الجليد.. و بسهولة ممكن تلاقى سواق التاكسي هيعرض عليك رحلات للجبل مثلا يوم من اوله لاخره ممكن ب 120- 150 $
و هيوديك حتت كتير و يستناك زى ما انت عاوز.
و الصيف بقا بيكون ولعان على رأيهم .. حفلات و مهرجنات خلال شهور الصيف و طبعا بحر و كدة.
كل واحد بقا حسب توجهاته.. بس انا شخصيا حبتها فى الشتا اكتر من الصيف..
هتحس كدة بصوت فيروز بيرن فى ودانك طول ما انت فى الجبل و هتحس انك شايف بعينك كل اللى كانت بتحكي عنه فى اغانيها
باختصار انا من وجهة نظري لبنان بلد تستحق الزيارة لعدة عوامل منها قرب المسافة و بالتالى التذاكر رخيصة و ممكن تلاقى فنادق او شقق فندقية كتير سعرها يكون معقول .. اكل حلو و مناظر طبيعية و كمان الفيزا فى المطار و ماننساش طبعا ان مافيش مشكلة لغة و هما بيحبوا المصريين جدا على فكرة.
اللى عنده اسئلة انا تحت امركوا
اضافة: حطتلكوا صورة لمنظر الغروب من فوق جبل اسمه جبل لبنان بالقرب من دير مار مارون القديس شربل و دا كمان مزار عالمي و مهم هناك
