M
Mohamed Bakr
:: مسافر ::
السلام عليكم
هتكلم انهاردة عن تجربة السفر لتايلاند لشهر العسل تحت اشراف البشمهندس بهاء ربنا يبارك فيه
التاريخ ٢٥/٩
المدة ١٢ يوم
الاماكن : ٩ ايام بوكيت و ٣ بانكوك
البداية دخلت عالجروب و سالت اكتر من شخص عن الاستاذ بهاء لاني كنت قلقان الصراحة و فضلا قلقان لحد ما وصلت مطار بوكيت و لقيت تاكسي منتظرني بالاسم عند المطار بعدها بدا القلق يروح واحدة واحدة الحمد لله
بصراحة التنظيم كان كويس و البرنامج كان احسن حاجة في الرحلة ضيع الملل و كان في تغيير و يعتبر روحنا ٨٠٪ من الاماكن هناك الكويسة
وصلنا اول فندق في بوكيت كان اسمه sleep with me ده علي شاطئ الباتونج وده اشهر شاطئ هناك مكان الفندق كان رائع قريب من كل حاجة و مستواه كان متوسط و اول ليلة شوفت ابراص في البلكونة احترمت نفسي و قعدت جوة
قعدنا في الفندق ده ٤ ليالي طلعنا فيهم تلت رحلات
اول واحدة كان جولة في المدينة و دي اتفجئنا بالراجل داخل بيدور علينا في المطعم لانها مكانتش مكتوبة في ورقة البرنامج بس لحسن الحظ كنا جاهزين
لفينا المدينة و قعدنا اتصورنا شوية صور حلوين هرفعهم برضه مع التقرير و بالليل في نفس اليومين بنتمشي في الشوارع الي جمب الفندق كلت طبق اخطبوط مشوي بصراحة كان من احسن الحاجات في الرحلة كلته حوالي خمس مرات
تاني يوم كان عندنا رحلة لجزيرتين بالمركب السريع جزيرة اسمها رايا و جزيرة اسمها كورال
تالت يوم و ده كان اظرف يوم الحقيقة عملنا رافتينج بمراكب صغيرة كدة في نهر سريع و الي كانوا سايقين كانوا مجانين الحقيقة بهدلونا بس انبسطنا معاهم جدا و بعد كدة ركبنا البيتش باجي و خدنا لفة حلوة في الغابات و بعد كدة ركبنا حبل معلق كدة بتتزحلق من مكان لمكان تاني بعيد بس مش فاكر اسمه الحقيقة و انتهي اليوم بركوب الافيال وفي الاول روحنا جبل مليان قرود صغيره بتقعد توكلهم(صور رقم ٣)
بعد كدة غيرنا الفندق روحنا منتجع اسمه نوفوتل كان بعيد شوية بس بصراحة عالي جدا و نضيف جدا كان عالباتونج بيتش برضه و بيوفر انتقالات لوسط البلد علي حساب الفندق طول اليوم
اول يوم في المنتجع روحنا جزيرة اسمه جيمس بوند بصراحة رائعة من اشهر الاماكن عندهم وانتو هتعرفوا ليه من الصور
تاني يوم روحنا رحلة منطقة اسمها كاولاك بس للاسف مكانتش ممتعة اوي لانها تقريبا كانت زي تاني رحلة عملناها افيال و رافتنج بس بالبامبو يعني كنت افضل ان الرحلة دي تتلغي و تقعد في المنتجع تستمتع بيه افضل
بعدها يومين راحة في منتجع فلل خدنا فيلا لوحدنا خاصة بحمام بسباحة دول كانوا استرخاء الحقيقة
خلصنا و جات عربية خدتنا للمطار و تقريبا السواق اتمسك بممنوعات في الطريق بس الظابط خلاه وصلنا و ركب معانا وصلنا بانكوك كان عندنا عشا محجوز في ناطحة سحاب في بانكوك في الدور ال ٧٦
روحنا الفندق كنا حاجزين في الهوليداي ان هو تقريبا ميزته الوحيدة هو شكله و مكانه لان المعاملة فيه مكانتش ظريفة معجبتنيش الحقيقة بس هو كان قدامه مجمع ال mbk مجمع كبير اوي حلو جدا للناس الي بتحب التسوق
و في بانكوك طلعنا رحلتين رحلة لحديقة الحيوانات و رحلة لمكان اسمه dream world تقريبا هما خدوا منها كل حاجة و عملوا منها دريم بارك بتاعتنا معجبتنيش الحقيقة حسيت انها هتعجب الاطفال اكتر و في النهاية عملنا شوية تسوق و اشترينا شوية هدايا وحاجات ظريفة وكلت طبق قواقع و ندمت بعدها و خلصنا و روحنا المطار و الحمد لله رجعنا بعد معاناة مع الطيران .
ملاحظات :
١- الاسعار هناك بتكون غالية في الاول لازم تفاصل جامد مع البياعين لانهم بيرفعوا السعر جامد
٢- الاسعار هناك برضه مش رخيصة زي ما الناس بتقول بنسبة كبيرة الاسعار عالية
٣-الاكل هنا اصعب حاجة ممكن تقابلها خدوا معاكم معلبات تظبط معاكم الدنيا لانهم تقريبا بيحطوا سكر علي كل حاجة
٤-حاول تخلي في ايام راحة مش كله رحلات عشان ماتتعبش لازم تاخد فرصه تتفرج عالمدينة وتتمشي شوية لمزاجك كدة
٥- لو في حد عنده استفسارات يكلمني او يكلم المهندس بهاء علي طول بصراحة الراجل طول الرحلة كنت مصدعه وكان بيرد في اي وقت .
باقي الصور في الكومنتات
هتكلم انهاردة عن تجربة السفر لتايلاند لشهر العسل تحت اشراف البشمهندس بهاء ربنا يبارك فيه
التاريخ ٢٥/٩
المدة ١٢ يوم
الاماكن : ٩ ايام بوكيت و ٣ بانكوك
البداية دخلت عالجروب و سالت اكتر من شخص عن الاستاذ بهاء لاني كنت قلقان الصراحة و فضلا قلقان لحد ما وصلت مطار بوكيت و لقيت تاكسي منتظرني بالاسم عند المطار بعدها بدا القلق يروح واحدة واحدة الحمد لله
بصراحة التنظيم كان كويس و البرنامج كان احسن حاجة في الرحلة ضيع الملل و كان في تغيير و يعتبر روحنا ٨٠٪ من الاماكن هناك الكويسة
وصلنا اول فندق في بوكيت كان اسمه sleep with me ده علي شاطئ الباتونج وده اشهر شاطئ هناك مكان الفندق كان رائع قريب من كل حاجة و مستواه كان متوسط و اول ليلة شوفت ابراص في البلكونة احترمت نفسي و قعدت جوة
قعدنا في الفندق ده ٤ ليالي طلعنا فيهم تلت رحلات
اول واحدة كان جولة في المدينة و دي اتفجئنا بالراجل داخل بيدور علينا في المطعم لانها مكانتش مكتوبة في ورقة البرنامج بس لحسن الحظ كنا جاهزين
لفينا المدينة و قعدنا اتصورنا شوية صور حلوين هرفعهم برضه مع التقرير و بالليل في نفس اليومين بنتمشي في الشوارع الي جمب الفندق كلت طبق اخطبوط مشوي بصراحة كان من احسن الحاجات في الرحلة كلته حوالي خمس مرات
تاني يوم كان عندنا رحلة لجزيرتين بالمركب السريع جزيرة اسمها رايا و جزيرة اسمها كورال
تالت يوم و ده كان اظرف يوم الحقيقة عملنا رافتينج بمراكب صغيرة كدة في نهر سريع و الي كانوا سايقين كانوا مجانين الحقيقة بهدلونا بس انبسطنا معاهم جدا و بعد كدة ركبنا البيتش باجي و خدنا لفة حلوة في الغابات و بعد كدة ركبنا حبل معلق كدة بتتزحلق من مكان لمكان تاني بعيد بس مش فاكر اسمه الحقيقة و انتهي اليوم بركوب الافيال وفي الاول روحنا جبل مليان قرود صغيره بتقعد توكلهم(صور رقم ٣)
بعد كدة غيرنا الفندق روحنا منتجع اسمه نوفوتل كان بعيد شوية بس بصراحة عالي جدا و نضيف جدا كان عالباتونج بيتش برضه و بيوفر انتقالات لوسط البلد علي حساب الفندق طول اليوم
اول يوم في المنتجع روحنا جزيرة اسمه جيمس بوند بصراحة رائعة من اشهر الاماكن عندهم وانتو هتعرفوا ليه من الصور
تاني يوم روحنا رحلة منطقة اسمها كاولاك بس للاسف مكانتش ممتعة اوي لانها تقريبا كانت زي تاني رحلة عملناها افيال و رافتنج بس بالبامبو يعني كنت افضل ان الرحلة دي تتلغي و تقعد في المنتجع تستمتع بيه افضل
بعدها يومين راحة في منتجع فلل خدنا فيلا لوحدنا خاصة بحمام بسباحة دول كانوا استرخاء الحقيقة
خلصنا و جات عربية خدتنا للمطار و تقريبا السواق اتمسك بممنوعات في الطريق بس الظابط خلاه وصلنا و ركب معانا وصلنا بانكوك كان عندنا عشا محجوز في ناطحة سحاب في بانكوك في الدور ال ٧٦
روحنا الفندق كنا حاجزين في الهوليداي ان هو تقريبا ميزته الوحيدة هو شكله و مكانه لان المعاملة فيه مكانتش ظريفة معجبتنيش الحقيقة بس هو كان قدامه مجمع ال mbk مجمع كبير اوي حلو جدا للناس الي بتحب التسوق
و في بانكوك طلعنا رحلتين رحلة لحديقة الحيوانات و رحلة لمكان اسمه dream world تقريبا هما خدوا منها كل حاجة و عملوا منها دريم بارك بتاعتنا معجبتنيش الحقيقة حسيت انها هتعجب الاطفال اكتر و في النهاية عملنا شوية تسوق و اشترينا شوية هدايا وحاجات ظريفة وكلت طبق قواقع و ندمت بعدها و خلصنا و روحنا المطار و الحمد لله رجعنا بعد معاناة مع الطيران .
ملاحظات :
١- الاسعار هناك بتكون غالية في الاول لازم تفاصل جامد مع البياعين لانهم بيرفعوا السعر جامد
٢- الاسعار هناك برضه مش رخيصة زي ما الناس بتقول بنسبة كبيرة الاسعار عالية
٣-الاكل هنا اصعب حاجة ممكن تقابلها خدوا معاكم معلبات تظبط معاكم الدنيا لانهم تقريبا بيحطوا سكر علي كل حاجة
٤-حاول تخلي في ايام راحة مش كله رحلات عشان ماتتعبش لازم تاخد فرصه تتفرج عالمدينة وتتمشي شوية لمزاجك كدة
٥- لو في حد عنده استفسارات يكلمني او يكلم المهندس بهاء علي طول بصراحة الراجل طول الرحلة كنت مصدعه وكان بيرد في اي وقت .
باقي الصور في الكومنتات
