مش عارفة ليه عندي احساس ان البعض يسيئ استخدام...

[Dalia Adel]

مش عارفة ليه عندي احساس ان البعض يسيئ استخدام الجروب .. اي حد عنده سؤال يدخل يكتبه ويتخيل انه كده عمل اللي عليه والكون لازم يساعده
عملت سيرش على جوجل؟ دورت في مواقع؟ بحثت هنا؟
مثلا الاسئلة اللي من نوعية ايه الورق المطلوب لڤيزا بلاد الواء الواء .. طيب ما تدخل على موقعهم تدور؟
عايز لينكات مش عارف ايه .. دور

بالنسبة لي الجروب من اسمه لمشاركة التجارب .. مريت بتجربة كمسافر ممكن تفيد غيري او عايز اسأل عن تجربة حد مر بيها مش طلب معلومات كلنا ممكن نبذل جهد بسيط ونلاقيها
وجهة نظر
سلام

 

[Traveller Experience Hub]

لاسف يا داليا اتكلمت كتير في النقطه ديه بس الناس مش بتهتم بالكلامي و لو نصحتي يبقي في نظرهم شخص مغرور علي الناس فمفيش فايده من النصح

 

[Tarek Yehia]

عل فكره انا واحد من الي بتتكلمي عليهم..وبالفعل عندي فكره محدده عن الورق لكن سؤالي كان عل ورقه معينه وتفتصيلها لكن للاسف محدش رد

 

[Ahmad]

ممكن يكون مش بيفهم فالانترنت ولا البحث

 

[Mohamed Abdou]

العقول مش متساوية وفي ناس عندها القدرة علي كدة وناس تانية ماعندهاش وناس عندها وقت تبحث وناس ماعندهاش وقت

 

[Ehab Nabil]

وايه اللى مزعلك قوى كدا! تجاهل البوست اللى مَش عاجبك وخلاص... الناس مَش كلها علي نفس المستوى الثقافي ولا التعليمى

 

[Ayman Elkhayat]

والله العظيم لسة بقول الكلام دا الصبح

 

[Hany Rahahleh]

فعلا بتفق معك

 

[Ayman Elkhayat]

ومن ضمن الاسىئلة .. شرم احسن ولا الاقصر .. زي الكباب والكفتة احلى ولا الكنافة بالمانجة .. دي حاجة ودي حاجة وشوف انت عاوز تروح تعمل ايه وبعدين اسال

 

[Mona Maher]

هذا الموضوع قُتِل بحثاً
وبرضة
لا حياة لمن تنادي

 

[Mohammad Fouad]

كان فيه واحد كاتب على كمية الكسل اللى بقينا فيها ك مصرين
ده حقيقى و الله .. الناس عندها كمية كسل غير طبيعيه

 

[Ahmed Jacob]

الكسل بيلعب دور مهم في الموضوع

 

[Ahmed Jacob]

المفروض تحط مع السؤال او الاستفسار حاجه تجذب اللي بيقرا عشان يهتم

 

[Hany Ismael Gaber]

دي جينات مصراويه اصيله

 

[Ali Baba]

و ايه المانع. مش كل الناس عندها القدرة علي البحث و في ناس كتير بتختاح توضيح لمعلومة لقتها علي اىنت و في ناس اكتر بتقول يمكن اراء الناس يبقي فيها حاجة مفيدة خد قايلها مش مكتوبة علي المواقع

 

[Al Sherief Al Hussin]

اُسلوب البوست مستفز جداً كان ممكن تقديم النصح بطريقة أفضل وبشكل اكثر رقى بس هنقول ايه مصريين والجينات دى ف دمنا

 

[Evram Karam]

مش شرط على فكره ساعات الخبره الشخصيه من أرض الواقع أو الحاجات اللي محدش بيقولها دي اللي بيبقى الشخص اللي بيسال محتاجها أو على الأقل شخص ليه نفس وجهه نظرك كمصري مثلا لان معظم الآراء ممكن أو في معظم الأوقات بتكون اراء ناس من برا وللتوضيح انا مش بقول أن انتي غلط بالعكس الصح اني اعمل كده الاول بس في بعض الأحيان ده مش هيديني اللي انا عاوزه

 

[Hanin Saber]

احنا عدينا المرحلة دى
احنا وصلنا ان الناس بتكسل تقرا الكومنتات وتلاقيهم كاتبين سؤال فى الكومنتات اتجاوب عنه فى نفس الكومنتات كذا مرة بس يتعبوا نفسهم ليه
وفيه ناس بتكسل تقرأ السؤال وتلاقيها مجاوبة بناءا على كلمة لمحوها ومش مهم السؤال نفسه عن ايه المهم يدلى بدلوه ويبان انه مقطع الدنيا معلومات (مرة واحدة عايزة اوتيل حلو فى اسكندرية وبتقول بس بلاش هيلتون وشيراتون عشان سعرهم بقى غالى فيردوا عليها ويقولولها روحى الفورسيزون )

 

[Ahmed Moussa]

فعلا الناس مكسله حتي تعمل سيرش،، ولما ترد عليهم عايزك تفهمه خطوه خطوه لا ووممكن كمان عايزك تروح تعمله الورف كمان

 

[Tarek Nada]

بوست غير موفق .يدل على غرور وتكبر من صاحبته .مش شايف اي شئ يدايق او يمنع حد يسال عن اي شئ خاص بالسفر حتى لو اوراق .ممكن ما يكونش عارف ولا عنده ادنى خبره ومن الاجابات ناس كتير بتاخد خبرة جديده واحيانا ناس بتسال على اماكن والتفضيل لانها بتكون محتاره ومش عارفه هي عايزه ايه وما جربتش الفرق بين البلدين عشان تقدر تحكم