سافر مع المنتخب الى روسيا ب 7700 جنيه :) !!!...

B

Bahaa Aldeen Farouk

سافر مع المنتخب الى روسيا ب 7700 جنيه :) !!!
و لا أقولك خليهم 45000 جنيه :( !!!!
طبعا بعد تأهل المنتخب لكأس العالم و أغلب الناس نفسها تسافر و تشجع المنتخب في روسيا ... للأسف ناس كتير بدأت تلعب على الجزئيه دي
أحد الناس المعروفين في مجال السفر بيقول للناس أنك تقدر تسافر و تحضر البطوله لمدة 16 يوم ب 7700 جنيه !!! و أقترح على الناس فعلا أرخص تذكرة طيران لموسكو ( و دي تقدر تعرفها بسهولة عن طريق موقع سكاي سكانر ) و أقترح عليهم أرخص سرير في هوستل في موسكو ( و دي بتتعمل بسهولة عن طريق موقع هوستل وورلد ) , طبعا اجتهاد يشكر عليه و لكن للأسف هو مش عارف أن ماتشات المنتخب حتتلعب في 3 مدن مختلفه في روسيا و احتمال كبير أن ميكونش فيهم موسكو أصلا و قد يصل السفر بين المدن اللي حيلعب فيهم المنتخب الى 8 ساعات سفر !!! و كده بيورط للأسف أي حد حيتسرع و يحجز الكلام ده و محطش في اعتباره أسعار تذاكر الماتشات و لا ألية حجزها !!! لأن حاليا كل التذاكر اللي تم حجزها غير مؤكده , لأنها حتدخل قرعه و انت و حظك ممكن تجيلك التذكره و ممكن لأ .
جت شركة سياحه أخرى للأسف المفروض انهم شركة كبيره و راحو منزلين عرض سافر مع المنتخب ب 45 ألف جنيه !!!
للأسف حطوا تقدير جزافي تماما لأنهم لا يعرفوا الماتشات حتتلعب فين و لا معاهم تذكره واحده مؤكده لماتش واحد لأي فرد , مع العلم أن الفيفا أصدرت قرار أن ممنوع منعا باتا بيع أي تذاكر في السوق السوداء , و أن الموقع الوحيد لحجز التذاكر و حضور الماتشات هو موقع الفيفا الرسمي فقط, و كمان ممنوع انك تعمل عدة حجوزات بنفس الكريدت كارد , و الشركة اللي نزلت العرض لم تحدد أماكن الاقامة و لا طريقة الانتقالات بين المدن !! فكان أبسط شيء لما ينزل عرض من شركة سياحه أنه يكون موضح الواحد حيدفع 45 ألف جنيه مقابل ايه تحديدا !!!
فنصيحه متتسرعوش حاليا في حجز أي عروض سياحيه للسفر الى روسيا لأن مافيش أي شيء واضح حتى الأن , و الحاجه الوحيده اللي تقدر تعملها أنك فقط تقدر تحجز التذاكر لماتشات منتخب مصر ( 3 ماتشات المجموعة الأولى ) و أقل سعر ليهم 347 دولار و حتدخل قرعه اما تكسب و تجيلك التذاكر أو متكسبش و حتنتظر المرحله التانيه من طرح التذاكر ,
لو عاوز تعرف ازاي تحجز تذاكر الماتشات للمنتخب أقرا الموضوع ده : /Travel Secrets
#مصر_كأس_العالم
kTuZimqGtqHPer5yFhK-ucw0Hoxl7Yjd.jpeg
 
H

Haitham Sami Kot

انا عملت زي مانت قولت حرفيا مبارح ،،، شااااابو بهاء✋️
 
A

Ahmed Mohamed

قولت كدة من كام يوم قالولي انت بتحبطنا ومصدر للتشاؤم
 
D

Dr-Hesham Zaghloul

هي التذاكر في المرحلة الثانية اللي هتكون في ديسمبر بعد القرعة هتكون بنفس السعر؟؟ ولا هتزيد؟؟
 
S

Samar Emad

طيب لو انا مكسبتس في القرعة بتاعة تذاكر المباراة بعد حجزها كدة ال ٣٤٧ دولار راحوا عليا ؟؟
 
A

Abd El Hamid Sherief

أو النصيحة الصح أننا نسيب الجالية المصرية في أوروبا تشجعهم لأنهم أقرب وأحنا نشجع هنا من علي القهاوي, مش عيب برضه
 
L

Lina Elmelegy

سؤال ينفع اشتري تكت واحده ؟ يوم 12 آخر معاد في مرحله الأولي
 
A

Ali Adora

باقي 10 ساعات للمرحلة الأولى من القرعة اللي عايز يلحق يدخل القرعة
 
A

Abdelrahman Adel

ya gd3an nase7a ma7d4 yaftker an haugy hena la2y 4o8ol w ykml 7ayto hena nta men 8er wl taswa 7aga tany 7aga an heya zaiy maser bzbt f 7war felos w kol 7aga
 

إنشاء حساب أو تسجيل الدخول للتعليق

يجب أن تكون عضوا من أجل أضافه تعليق

انشئ حساب

إنشاء حساب في المسافرون العرب . سهل جدا ومفيدا لك !

تسجيل الدخول

هل لديك حساب؟ سجل الدخول من هنا.

Users Who Are Viewing This الموضوع (Users: 0, Guests: 1)