M
Mohamed Osman
:: مسافر ::
ناس كتير عايزه تسافر تايلاند وأمريكا و فرنسا و بالي و تركيا... ليه ما تسافروش كينيا أو تنزانيا أو زينزبار.... مالها أفريقيا ؟
حكايتي مع أفريقيا بدأت عشان أصدر لهم بضايع و لما سافرت اكتشفت اني لو عايز أصدرلهم يبقي لازم أستورد من عندهم و بصراحه فهمت أد ايه شعبهم طيب بس كسول و مطنشاتي.
لما بدأت أسأل عن التأشيرات عرفت اني ممكن اخدها في مطارات كينيا و تنزانيا بس قررت اني اخدها من مصر و اريح نفسي... سفارة كينيا في المعادي و سفارة تنزانيا في المهندسين و الورق *(ما تقولش دي بلاده جاهله و مش مستاهله ورق و حجوزات عشان ممكن يرفضوك للاسف) عباره عن حجز طيران و حجز فندق و و تدفع حوالي 900 جنيه لكل تأشيره و تسيب جوازك و تستلمه بعد يومين. و شوية تطعيمات موجوده في المصل و اللقاح و شهادة تطعيم الحمي الصفرا عشان تدخل البلد.
سافرت علي الاماراتيه لنيروبي عاصمة كينيا طبعآ انسي مطار القاهره و مطار دبي انت خلاص في افريقيا من الطياره للصاله للشارع ثم تاكسي للفندق و تبدء الاشتغالات...
حجزت فندق في وسط البلد و بلغوني اني ماخرجش بعد الساعه 6 عشان ماقعش في مشاكل و طبعآ كمصري أصيل خرجت و للأسف اتفتحت عليه مطواه في أول يوم في كينيا عشان اشتري بريسلت عليها علم كينيا و طبعآ اشترتها *مش خوف بس خوفآ علي حياتهم هههه.
لفيت نيروبي بجد في يوم واحد ما بين مزارات و اسواق و مشتريات.. عملة كينيا هي الشلن و ال100 دولار يعمل 10 الاف شلن و شوية فكه و للاسف في فقر رهيب هناك بس الحياه غاليه مش رخيصه لو نقارن بدخلهم عشان كده معظم اسواقهم للحاجات القديمه و المستخدمه بس الأكل رخيص و معظمه أسماك و اللحوم ارخص.. و تاني يوم دخلت نيروبي ناشيونال بارك اكبر حديقة حيوان في نيروبي *أسود تصطاد و غزلان تجري و زرافات بتلعب و قعدت هناك حوالي 6 ساعات و طلعت علي المطار عشان طيارتي لمومباسا و اول ما دخلت مومباسا حسيت براحه نفسيه عن الأزمه اللي كنت فيها في نيروبي و لفيت مومباسا بردوا في يوم واحد و بصراحه أهل مومباسا أفضل بكتير من أهل نيروبي و معاملاتهم افضل و مفيش نصب ولا تهور و أكلهم جميل جدآ و بعد كده علي المطار عشان طيارتي لزينزبار و يا سلام علي زينزبار و جمالها و روقانها و لون محيطها و اكلها و شربها و ناسها و فنادقها و شوارعها الضيقه و اسواقها و قرنفلها و قرفتها و بهارتها *(طبعآ باين انا حبتها اد ايه) و زينزبار فيها مزارات كتير و طبعآ شواطئ جميله و أسواق لطيفه... بعد يومين سافرت علي طنجه و احب اقولكم ان الطياره و هي بتعمل لاندينج باب الطيار اتفتح و قابلت اتنين مصريين من احسن الناس و هما ضياء الدين *اكبر و أجدع تاجر بهارات في تنزانيا و أحمد فتحي *مدير مكتب الاغاثه و احلي واجب طبعآ من رجالة مصر... تنزانيا الزراعه فيها ممتازه و الخضروات و الفاكهه اورجانيك مفيش اي مبيدات و طعم المزروعات لسه محتفظ بطبيعته و روايحه الخلابه و ارخص من كينيا..تاني يوم علي دار السلام و شوية أسواق و شواطئ و باباي أفريقا..
*الرحله تاخد من اسبوعين لتلاته و لو عايز تعمل سفاري في كينيا ممكن رحلة السفاري لوحدها تاخد من 4 ايام لغاية 10 ايام و ده راجع ليك طبعآ.
*تذكرة الطيران ب 6000 جنيه لكل بلد و الاقامه ما بين 20 دولار الي 400 دولار و الاكل رخيص اما التنقلات غاليه و التأشيره ب 900 جنيه لكل بلد.
حكايتي مع أفريقيا بدأت عشان أصدر لهم بضايع و لما سافرت اكتشفت اني لو عايز أصدرلهم يبقي لازم أستورد من عندهم و بصراحه فهمت أد ايه شعبهم طيب بس كسول و مطنشاتي.
لما بدأت أسأل عن التأشيرات عرفت اني ممكن اخدها في مطارات كينيا و تنزانيا بس قررت اني اخدها من مصر و اريح نفسي... سفارة كينيا في المعادي و سفارة تنزانيا في المهندسين و الورق *(ما تقولش دي بلاده جاهله و مش مستاهله ورق و حجوزات عشان ممكن يرفضوك للاسف) عباره عن حجز طيران و حجز فندق و و تدفع حوالي 900 جنيه لكل تأشيره و تسيب جوازك و تستلمه بعد يومين. و شوية تطعيمات موجوده في المصل و اللقاح و شهادة تطعيم الحمي الصفرا عشان تدخل البلد.
سافرت علي الاماراتيه لنيروبي عاصمة كينيا طبعآ انسي مطار القاهره و مطار دبي انت خلاص في افريقيا من الطياره للصاله للشارع ثم تاكسي للفندق و تبدء الاشتغالات...
حجزت فندق في وسط البلد و بلغوني اني ماخرجش بعد الساعه 6 عشان ماقعش في مشاكل و طبعآ كمصري أصيل خرجت و للأسف اتفتحت عليه مطواه في أول يوم في كينيا عشان اشتري بريسلت عليها علم كينيا و طبعآ اشترتها *مش خوف بس خوفآ علي حياتهم هههه.
لفيت نيروبي بجد في يوم واحد ما بين مزارات و اسواق و مشتريات.. عملة كينيا هي الشلن و ال100 دولار يعمل 10 الاف شلن و شوية فكه و للاسف في فقر رهيب هناك بس الحياه غاليه مش رخيصه لو نقارن بدخلهم عشان كده معظم اسواقهم للحاجات القديمه و المستخدمه بس الأكل رخيص و معظمه أسماك و اللحوم ارخص.. و تاني يوم دخلت نيروبي ناشيونال بارك اكبر حديقة حيوان في نيروبي *أسود تصطاد و غزلان تجري و زرافات بتلعب و قعدت هناك حوالي 6 ساعات و طلعت علي المطار عشان طيارتي لمومباسا و اول ما دخلت مومباسا حسيت براحه نفسيه عن الأزمه اللي كنت فيها في نيروبي و لفيت مومباسا بردوا في يوم واحد و بصراحه أهل مومباسا أفضل بكتير من أهل نيروبي و معاملاتهم افضل و مفيش نصب ولا تهور و أكلهم جميل جدآ و بعد كده علي المطار عشان طيارتي لزينزبار و يا سلام علي زينزبار و جمالها و روقانها و لون محيطها و اكلها و شربها و ناسها و فنادقها و شوارعها الضيقه و اسواقها و قرنفلها و قرفتها و بهارتها *(طبعآ باين انا حبتها اد ايه) و زينزبار فيها مزارات كتير و طبعآ شواطئ جميله و أسواق لطيفه... بعد يومين سافرت علي طنجه و احب اقولكم ان الطياره و هي بتعمل لاندينج باب الطيار اتفتح و قابلت اتنين مصريين من احسن الناس و هما ضياء الدين *اكبر و أجدع تاجر بهارات في تنزانيا و أحمد فتحي *مدير مكتب الاغاثه و احلي واجب طبعآ من رجالة مصر... تنزانيا الزراعه فيها ممتازه و الخضروات و الفاكهه اورجانيك مفيش اي مبيدات و طعم المزروعات لسه محتفظ بطبيعته و روايحه الخلابه و ارخص من كينيا..تاني يوم علي دار السلام و شوية أسواق و شواطئ و باباي أفريقا..
*الرحله تاخد من اسبوعين لتلاته و لو عايز تعمل سفاري في كينيا ممكن رحلة السفاري لوحدها تاخد من 4 ايام لغاية 10 ايام و ده راجع ليك طبعآ.
*تذكرة الطيران ب 6000 جنيه لكل بلد و الاقامه ما بين 20 دولار الي 400 دولار و الاكل رخيص اما التنقلات غاليه و التأشيره ب 900 جنيه لكل بلد.
