صباح الفل حد عنده تجربة مع السفر لدهب من غير...

  • بادئ الموضوع بادئ الموضوع Menna Allah
  • تاريخ البدء تاريخ البدء
عرض العطلة
M

Menna Allah

:: مسافر ::
#1
صباح الفل
حد عنده تجربة مع السفر لدهب من غير رحلة منظمة مع مكتب سياحة
يعني جرب يسافر مواصلات ويقعد في هوستلز هناك يحكيلي عن تجربته
حابة اروح لوحدي من غير الرحالات المتنظمة دي اللي ف كل حتة
حد يكلمني عن الموضوع لو جرب يستركم ربنا
نهاركم سعيد
ملحوظة هامة : الميزانية محدودة
 
#2
انا كنت بروح نويبع..هناك في دهب بيتهيالي كامبات ..معرفش ايه نظام الهوستيلز اذا كان في هناك ولا لا..وبيتهيالي الكامبات احسن لان الخوش بتبقي ع البحر ..روحي واتبسط فشخ يا منون والنبي..هيححححح.
 
#4
من ناحية الميزانيه هتوفرى طبعا وجامد
احجزى باص شرق الدلتا نضيف ورخيص فحدود 100 او 120 تقريبا على حسب انتى منين
انزلى فهوستل زى ديب بلو دايفرز هتتعرفى على جنسيات مختلفه وفى غرف بنات بس وفقلب الممشى جمب كل حاجه
رحلاتك كلها ممكن تنظميها من هناك مافيش اكتر من المكاتب
 
#5
انا بحجز شرق الدلتا اتوبيس بليل وبروح كامب اسمه سندباد....أسعاره رخيصة ، اخر مرة روحت كانت من سنة تقريبا ..كانت أوضة سينجل بحمام خارجي ب ٧٠ في الليلة من غير فطار .

الفطار بقى كنت ساعات ادلع نفسي وافطر على الكافيهات على البحر ب ٢٥ جنيه ، ولما قربت أفلس كنت بروح سوق في العسلة ( ١٠ دقايق مشي من الكامب ) بفطر ب ١٠ جنيه.

https://www.sindbaddahab.com
وبرضوا لهم صفحة على الفيس بوك...كلميهم احجزي
 
عرض العطلة
عرض العطلة
#14
انا سافرت لاول مره لدهب انا وصديق لي لوحدينا وفي الرحله دي قررت أعيش في دهب وبقالي 7 شهور هنا ☺️
انك تسافري لوحدك ممتع اكتر من السفر من خلال الشركات لانك مع رحلات الشركات هتقضي رحله شبيهه بالرحلات المدرسيه
هتحجزي شرق الدلتا لدهب هتنزلي في كامب سعره مناسب ورخيص (ارجحلك فندق الجوهره 150 غرفه فردي بحمام مستقل) الرحلات الداخليه فيه مكاتب كتيره هنا بتنفذها والرحله هتكلفك 50 جنيه تقريبا زي الثري بولز او البلو هول او جبل الطويلات.. رحله مركب في حدود 250 جنيه بغدا اوبن بوفيه وهكذا
 
عرض العطلة
#17
اة احنا وكنا مجموعه بنات وحجزنا كلوا هناك بس طبعا انتى لازم يكون معاكى ارقام حد تظبطلك اليوم والرحلة وكدة علشان مش هم بدوا فلازم حد هناك يكون منظملك الليلة
 
#20
لو انتوا مغامرين قوى ممكن تتقضا خيمه في راس ابو جالوم أربعين جنيه العشه من غير ميه نور حمام برة تاخد فردين ورحله زى سفينه نوح
 
عرض العطلة
عرض العطلة
عرض العطلة
أعلى أسفل
عودة
قائمة