E
سؤال صغير على طريق طابا.. لقيت طريق اسمه طريق النخل
ده اخباره ايه .. قريت انه مش امان حد عنده فكره عنه؟
ده اخباره ايه .. قريت انه مش امان حد عنده فكره عنه؟
A
هو على حسب وظيفه حضرتك ايه مش أمان
لو شرطه أو جيش يبقي مش أمان
أما لو شخص عادي بنسبه 60 % الطريق كويس بس مافيش خدمات كتيرة عليه
واغلبه كماين جيش
لو شرطه أو جيش يبقي مش أمان
أما لو شخص عادي بنسبه 60 % الطريق كويس بس مافيش خدمات كتيرة عليه
واغلبه كماين جيش
I
اووووعي تمشي عليه طريق مختصر اه لكن مش أمان
I
الرحله لطابا أتكلفت كام و ركبتي من أين في مصر
M
الطريق أمان 1000% انا لسه ماشي عليه من 15يوم الطريق عليه 15كمين جيش وشرطه بس تمشي عليه الصبح مش باليل لان معليهوش اضاءه خالص
M
يا باشا مفيش الكلام دا . الطريق لا بيمشي عليه ضباط و لا مسيحيين .. يبقي امان ازاي و الكلام دا من اقل من ١٥ يوم
M
يا باشا . الطريق لو عليه ١٠٠ كمين مش معناه انه متامن . الصحرا هنا ليها بدل ١٠٠ كمين . ١٠٠٠ مدخل. ربنا يحغظ الجميع . بس حتي الاجانب . لو عدد قليل مش بيعرف باخد تصريح امني عشان يمشي علي النخل .
M
بص ياباشا انا حكيت علي تجربتي والله اعلم بعد كده قل لن يصيبنا إلا ماكتبه الله لنا انا لما جيت اسافر منه كنت قلقان وسئلت ناس كتير بس الحقيقه لما مشيت عليه لقيت الدنيا كويسه
I
ومفيش حاجه اسمها تصريح امني عشان تستخدمه ..ياريت نشوف صوره التصريح ده عشان نعرف معلومه جديده
T
هو طريق عادي جداً انا باجي منه لدهب لانه اقصر الطريق ممنوع يعدي عليه اجانب او مسيحيين او قضاه طريق امن بقي او مش امن دي مش فارقه كتير طب ما كمين وادي فيران اللي علي طريق الطور بيضرب عادي فا مش فارقه سينا من سونيا
هيفرق بقي مع حضرتك في ايه ان الطريق مفيش عليه خدمات بس احنا بنقف في بنزينة وطنيه في واحد بعد صدر حيطان وواحده بعد نخل بالنسبه ليا بياخد وقت اقل كتير من طريق الطور ولو انتي رايحه طابا فا مش منطقي ابدا تاخدي طريق الطور شرم لان من النفق لطابا حوالي 4 ساعات من طريق نخل وحوالي 12 ساعه من طريق الطور
هيفرق بقي مع حضرتك في ايه ان الطريق مفيش عليه خدمات بس احنا بنقف في بنزينة وطنيه في واحد بعد صدر حيطان وواحده بعد نخل بالنسبه ليا بياخد وقت اقل كتير من طريق الطور ولو انتي رايحه طابا فا مش منطقي ابدا تاخدي طريق الطور شرم لان من النفق لطابا حوالي 4 ساعات من طريق نخل وحوالي 12 ساعه من طريق الطور
A
الصبح ولو كام عربيه يمشوا مع بعض يبقى افضل للظروف انما هو امان الى حد كبير دلوقتى
M
الله اعلم
N
مينفعش يعدي منو اجانب او ظباط او مسيحيين لاسباب امنية
M
بصي يا فندم .. انا شغال ف طاب
الموضوع باختصار
في شهر 3 الي فات تقريبا
حصلت عمليه ارهابيه عليه اتقتل فيها 2 من شرطه السياحه
ومن وقتها تعليمات لكل الكماين والمداخل
ممنوع من الاجانب والمسيحين والقضاه والشرطه و الجيش
يعدي من الطريق دا وبناخد طريق شرم
لكن اعتقد الموضوع حاليا امان بس اهم حاجه سافر الصبح بدري مش بليل
وتوصلي بالسلامه
الموضوع باختصار
في شهر 3 الي فات تقريبا
حصلت عمليه ارهابيه عليه اتقتل فيها 2 من شرطه السياحه
ومن وقتها تعليمات لكل الكماين والمداخل
ممنوع من الاجانب والمسيحين والقضاه والشرطه و الجيش
يعدي من الطريق دا وبناخد طريق شرم
لكن اعتقد الموضوع حاليا امان بس اهم حاجه سافر الصبح بدري مش بليل
وتوصلي بالسلامه
M
نصيحتي ليك بلاش
انا مشيت علي الطريق ده من ٣ سنين كنت رايح دهب اولا الطريق في حتت مافيهاش اسفلت فيها حصي اللي هوا طوب صغير ثانيا فعلا هوا فيه كماين جيش كتير بس بالرغم من ده كان ظهر في الطريق عربية نص نقل وعليها سلاح من فوق كده رشاش بس الحمدلله متعرضلناش
واحنا راجعين اخدنا طريق شرم العمر مش بعزقة
انا مشيت علي الطريق ده من ٣ سنين كنت رايح دهب اولا الطريق في حتت مافيهاش اسفلت فيها حصي اللي هوا طوب صغير ثانيا فعلا هوا فيه كماين جيش كتير بس بالرغم من ده كان ظهر في الطريق عربية نص نقل وعليها سلاح من فوق كده رشاش بس الحمدلله متعرضلناش
واحنا راجعين اخدنا طريق شرم العمر مش بعزقة
M
Msh aman ll gesh wel shorta wel kda2 wel mse7een gher kda tmam
A
الطريق شغال بسافر عليه كل اسبوع بس ممنوع انه يعدى منه جيش او شرطه او قضاء او مسيحيين او اجانب
غير كده مفيش مشكله
غير كده مفيش مشكله
N
بلاش ده طريق مقطوع و مش ممهد طريق شرم امان اكتر و مسفلت
E
طيب يا جماعة الحقيقة انا بصيت على الطريقين..طريق شرم اطول حوالي 250 km
عند نقطة تفتيش النفق وقفت سألت سواقين نقل و شوية ناس هناك من اللي رايحين جايين على الطريق و في الاخر اخدت طريق نخل..طبعا و انا مقلقة في الاول
تجربتي الشخصية.. طريق صدر الحيتان-نخل.. عليه كمين كل شوية و الاسفلت سيء و عليه شغل كمان بيعملوا طريق جديد ف في عُمال كتير الحقيقة و معدات طول الطريق..اوله في وطنيه و اخره في وطنيه، الطريق نفسه معليهوش خدمات..و ملفات كتير
طريق نخل-طابا.. انضف كتيييير جدا جدا جدا اسفلت و كماين اقل و حتى مفيش ملفات كتير .. و طبعا مناظر الجبال و انت داخل على طابا رهيبة تستاهل المغامرة
عامة الطريق محتاج حد يسافر عليه الصبح و تكون عربيته سليمة طبعا
و ربنا يسلم يعني انا شايفة ان اغلب طرق السفر ف مصر مش امان ولا بكماين و لا من غير
و شكرا على كل الافادات
عند نقطة تفتيش النفق وقفت سألت سواقين نقل و شوية ناس هناك من اللي رايحين جايين على الطريق و في الاخر اخدت طريق نخل..طبعا و انا مقلقة في الاول
تجربتي الشخصية.. طريق صدر الحيتان-نخل.. عليه كمين كل شوية و الاسفلت سيء و عليه شغل كمان بيعملوا طريق جديد ف في عُمال كتير الحقيقة و معدات طول الطريق..اوله في وطنيه و اخره في وطنيه، الطريق نفسه معليهوش خدمات..و ملفات كتير
طريق نخل-طابا.. انضف كتيييير جدا جدا جدا اسفلت و كماين اقل و حتى مفيش ملفات كتير .. و طبعا مناظر الجبال و انت داخل على طابا رهيبة تستاهل المغامرة
عامة الطريق محتاج حد يسافر عليه الصبح و تكون عربيته سليمة طبعا
و ربنا يسلم يعني انا شايفة ان اغلب طرق السفر ف مصر مش امان ولا بكماين و لا من غير
و شكرا على كل الافادات
A
ايوة ايه بقى ميزته الطريق دة
بيوفر في الوقت مثلا وهيوفر اد ايه
في رأيي الشخصي
الاضمن هو طريق شرم دهب نوبيع طابا
دة اللي انا مشيت فيه وعارفه
بيوفر في الوقت مثلا وهيوفر اد ايه
في رأيي الشخصي
الاضمن هو طريق شرم دهب نوبيع طابا
دة اللي انا مشيت فيه وعارفه