ممكن مساعده و شكرا مقدما سكن ل ٣ افراد شباب...

  • بادئ الموضوع بادئ الموضوع Jassminda ʚĩɞ Khaled
  • تاريخ البدء تاريخ البدء
عرض العطلة
J

Jassminda ʚĩɞ Khaled

:: مسافر ::
#1
ممكن مساعده و شكرا مقدما
سكن ل ٣ افراد شباب رايحين يدوروا على شغل ف الامارات الواحد منهم معه فيزا
٣ شهور و التذكره طيران ذهاب و عوده
و كل واحد معاه باكيدج ٢٠٠٠ درهم
يعملو ايه او يدوروا فين
دا غير ان ممكن كل واحد منهم يكون معاه فروزن فوود مثلا بانيه او بوفتيك كدا يعنى حاحات تسد اول ايام لحد ما يعرفوا راسهم من رجلهم
هما هيشوفو البوست
ممكن كمان تنصحونى اعمل ايه او اساعد ازاى
و اخر حاجه الجو هناك هيحتاج منهم داخل السكن لبس تقيل زى مصر كدا و برد اوى ولا لا ؟!
و موضوع المايه هناك للاكل و الشرب بيتنسق ازاى
طب اخر حاجه هناك مثلا هيحتاجو ادوات للمطبخ و عين بوتاجاز صغيره دى ف السكن عادى بتكون موجوده ولا بيحصل ايه
اسفه على الاطاله
 
#4
طيب هو السكن بيفرق حسب فين في الامارات
يعني لو هيقعجوا في دبي سعر و ابو ظبي سعر و العين غير و الامارات الشمالبه غير و غير و غير كمان
بس في العموم ال 2000 درهم قليل اوي
يعني لو قلنا ابو ظبي ف السكن فيها شهري مش هيقل عن 1000 درهم
فكره الفروزن غود كويسه و هتوفر معاهم كتير طبعا بدل اكل المطاعم لان اقل شئ هو المطاعم الباكستاني و زي الوجبه هتكون مش اقل من 25 درهم باي حال من الاحوال
السكن مش محتاج لبس تقيل جوا في الاغلب الاعم لان البيوت هناك معمولاها عوازل مبتحسيش بالبرد و غالبا مش حر اوي كمانو بره البيت غالبا مس هيحتاجوا غير لبس صيفي و فوقيع سويت شيرت او جاكت عادي
الميه هناك اما كل واحد بيشتري ميته لوحده او الاوفر بيجيبوا غارشه ميه مبيره يستعملوها كلهم سوا و كل واحد بيشتري مره
الغرشه بيشتروها مرة واحده و بعد كده بتتبدل بواحده ماليانه
اغلب السكن العزابي بيكون مفروش أساسيات زي بتاجاز و تلاجه بس بيكون شرك للكل و الكل ده ممكن يكون عدد كبير و الاكل لي اليلاجه كتير ممكن يتاكل من اي حد و جي مشكله طبعا
 
#5
المسالة سهلة جدا ياخدو شيرنج فى شقة مع حد ده حتى ممكن بياجرو بالسرير وده منتشر جدا هناك وفى متناول الايد وطبعا الشقة فيها مطبخ وتلاجة وبوتجاز ومش محتاج تاخد حاجة بس حاول تكون قريب من المكان اللى حاتشتغل فيه أو جنب المترو والاكل هناك مش غالى المطاعم العادية شاورمة طبيخ حاجات هندى حتى كارفور بيبيع اكل جاهز وسخن ومش غالى بس ألفين درهم على تلات شهورقليل
 
عرض العطلة
#8
١_السكن ف الشارقة او عجمان ارخص بس اللى هيوفروه. هيدفعوه ف المواصلات
عشان كده الافضل دبى
٢_السكن ف دبى بيختلف حسب المنطقة ف منطقة كويسة جدا جنب محطة الديرة (اسمها الرقة) او ممكن ابو هيل حيوية ونضيف ولا
٣_ممكن انبوكس ابعتلك رقم حد هناك هعنده شقة بياجر السرير ع حسب من ٧٥٠ ل ٩٠٠ درهم ف الشهر.
٤_ف اسعار مختلفة للسرير وده الافضل ياخدوا شيرينج روم مع بعض التلاتة ويقسموها ع بعض.
٥_يينزل ابلكيشن بيشتغل اوف لاين عشان يعرف الاماكن والشركات والمؤسسات.
٦_الافضل من شهر ١٠ ل شهر ١ السفر عشان الفيكنت.
٧_يستحسن ياخدوا معاهم السيفيهات مطبوعة من هنا لان الطباعه هناك غالية جدا وممكن يحتاج الواحد يطيع ٢٠٠ نسخه cv
8_الموضوع عايز ضبر وطولة بال لو لسه هيدوروا
٩_الافضل بردوا يشتغلوا شفت بليل ويدوروا بالنهار حتى لو فيها مشقة وتعب بس ع الاقل عشان يعملوا فلوس يعيشوا بيها.
١٠_شيشة المياه بيجيب باللفة توفر وارخص وينزل المولات بيعملوا عروض عصير ومعاه واحده فرى وهكذا ف حاجات كتير.
١١_الافضل ياخدوا شتطة مع بعض من هنا فيها تونة وجبن وبانيه وبسكوت يوفروا الفطار.
١٢_المواصلات نوعا ما غالية ف لشهر لانهم هيلفوا ويدوروا كتير مش اقل من ٤٠٠ درهم
١٣_يتابعوا مجلة الوسيط والخليج وبيدجات الجالية المصرية في دبى. هتنفعهم كتير
_الجو هناك بشع ونحدش ياخد لبس كتير او هدوم تقيلة ممكن سوتشيرت او بليزر عشان لو بردت بليل او مطر وده قليل تحسبا
لكن عموما مش هيحتاجوا لبس كتير شتوى الجو. هناك حر.
_ياخدوا ملايتين سرير ومسحوق غسيل ف الاول
المخده يشتروها من هنا ب ٦ درهم
 
عرض العطلة
#14
ادخلوا علي صفحه الجاليه المصريه في دبي
Egyptian community in Dubai
بس يخلوا بالهم ان المبلغ قليل جدا لان الحياه هنا غاليه اوي.ولو مش بيعرفوا يتكلموا إنجليزي بلاش ييجوا والله مش بسدها في وشهم بس ده الواقع بدل ما يتمرمطوا عالفاضي
 
عرض العطلة
#16
انا رأي يشوفو وظائف من مصر وأما يجيلعم مقابلات يطلعو في ناس كثير جات واتبهدلت ومافيش شغل وصرفو كل فلوسهم ومعرفوش يرجعو انا أسفه بس شفت ناس كثير حصلها كده وربنا يكتبلهم الخير كله يارب انا مشتركه في جروب الجاليه المصريه لو تشوفو كميه الناس الي مش لاقيه شغل وحتي مش عارفه تكمل ولا لاقيه فلوس ترجع تعذريني
 
#17
شوفي يا ست الكل ،
بالترتيب كدا،
٢٠٠٠ درهم قليل جدا جدا جدا يادوب يكفو سكن شيرنج لمده ٣ شهور بس فقط لا غير ولا اكلنا ولا شربنا ،
لو معندهمش انجليزي الوضع يبقي صعب جدا .
ربنا يوفقهم
 
عرض العطلة
عرض العطلة
أعلى أسفل
عودة
قائمة