J
Ju St Colours
:: مسافر ::
مساء الخير ..
انا ان شاء الله مش ناوي اكمل حياتي في مصر ..ففكرت ايه افضل الاختيارات المتاحة ليا .
فلقيت ان انسب الاماكن اللي بتوافق طموحي و الحياة اللي نفسي اعيشها و المهنه اللي انا عاوز اشتغلها ( الزراعه ) هي دول وسط افريقيا . و تحديدا دول حوض النيل ( تنزانيا . اوغندا . كينيا . رواندا . السودان . او حتى اثيوبيا . و ممكن السنغال برده او جنوب افريقيا ) . و ده لانها دول مستقرة جدا مائيا . و ده بيخلي المساحات الصالحة للزراعه مساحات ضخمه جدا . ( السودان على سبيل المثال فيها 200 مليون فدان قابل للزراعه . مزروع منهم 40 مليون فدان فقط . و ده بيخلي ان سعر الفدان في المناطق المعزولة بيوصل 200 دولار ) . كمان الدول دي الى حد ما ارخص كتير من دول اوروبا و اسيا . الحاجة التالته ان الدول دي بقت مختلفة تماما عن اللي بيصورهولنا الاعلام . يعني مش مجموعة من اكلة لحوم البشر و لا سفاحين . رواندا مثلا اعلى معدل نمو في افريقيا . اوغندا حوالي نصف برلمانها ستات ! عاصمة كينيا السنه اللي قبل اللي فاتت كانت العاصمة المثاليه في افريقيا ( اللقب مش كدا بس نفس المعنى ) .
القصد انها دول فيها خيرات كتير جدا . و الحياه هناك متاحة ..
اسف على الاطاله لكن انا عندي غرض من الشرح ده كله . و هو ان ربما يكون حد عنده نفس الافكار . و مش لاقي حد يساعده . ممكن ساعتها نساعد بعض و نختار افضل وجهة ممكنة .
نيجي بقي للاستفسار اللي انا كاتب عشانه البوست اصلا . انا ان شاء الله عشان استقر على افضل مكان منهم . هضطر اسافر كل الدول دي خلال السنتين الجايين دول . و طبعا انا مقدرش استفرهم كلهم مرة واحده لظروف شغلي . كمان عشان التكلفه . و ان شاء الله اول رحلة هتكون بعد رمضان القادم . انا هقدر افضي نفسي شهر كل سنه . اسبوعين بيبدأوا من يوم وقفة العيد الصغير . و اسبوعين بيبدأوا من يوم وقفة العيد الكبير .
ايه افضل الاختيارات المتاحة . هل اسافر كل دولة على حده . و لا اسافر كل دولتين في رحلة . و ايه اخبار التكلفه ؟
يا ريت لو حد له معارف في واحده من الدول دي . او يقدر يفيدني و لو بمعلومة واحده يا ريت ميبخلش بيها عليا و انا هكون ممنون جدا ليه ..
متشكر جدا مقدما ..
انا ان شاء الله مش ناوي اكمل حياتي في مصر ..ففكرت ايه افضل الاختيارات المتاحة ليا .
فلقيت ان انسب الاماكن اللي بتوافق طموحي و الحياة اللي نفسي اعيشها و المهنه اللي انا عاوز اشتغلها ( الزراعه ) هي دول وسط افريقيا . و تحديدا دول حوض النيل ( تنزانيا . اوغندا . كينيا . رواندا . السودان . او حتى اثيوبيا . و ممكن السنغال برده او جنوب افريقيا ) . و ده لانها دول مستقرة جدا مائيا . و ده بيخلي المساحات الصالحة للزراعه مساحات ضخمه جدا . ( السودان على سبيل المثال فيها 200 مليون فدان قابل للزراعه . مزروع منهم 40 مليون فدان فقط . و ده بيخلي ان سعر الفدان في المناطق المعزولة بيوصل 200 دولار ) . كمان الدول دي الى حد ما ارخص كتير من دول اوروبا و اسيا . الحاجة التالته ان الدول دي بقت مختلفة تماما عن اللي بيصورهولنا الاعلام . يعني مش مجموعة من اكلة لحوم البشر و لا سفاحين . رواندا مثلا اعلى معدل نمو في افريقيا . اوغندا حوالي نصف برلمانها ستات ! عاصمة كينيا السنه اللي قبل اللي فاتت كانت العاصمة المثاليه في افريقيا ( اللقب مش كدا بس نفس المعنى ) .
القصد انها دول فيها خيرات كتير جدا . و الحياه هناك متاحة ..
اسف على الاطاله لكن انا عندي غرض من الشرح ده كله . و هو ان ربما يكون حد عنده نفس الافكار . و مش لاقي حد يساعده . ممكن ساعتها نساعد بعض و نختار افضل وجهة ممكنة .
نيجي بقي للاستفسار اللي انا كاتب عشانه البوست اصلا . انا ان شاء الله عشان استقر على افضل مكان منهم . هضطر اسافر كل الدول دي خلال السنتين الجايين دول . و طبعا انا مقدرش استفرهم كلهم مرة واحده لظروف شغلي . كمان عشان التكلفه . و ان شاء الله اول رحلة هتكون بعد رمضان القادم . انا هقدر افضي نفسي شهر كل سنه . اسبوعين بيبدأوا من يوم وقفة العيد الصغير . و اسبوعين بيبدأوا من يوم وقفة العيد الكبير .
ايه افضل الاختيارات المتاحة . هل اسافر كل دولة على حده . و لا اسافر كل دولتين في رحلة . و ايه اخبار التكلفه ؟
يا ريت لو حد له معارف في واحده من الدول دي . او يقدر يفيدني و لو بمعلومة واحده يا ريت ميبخلش بيها عليا و انا هكون ممنون جدا ليه ..
متشكر جدا مقدما ..