I
Idmah Iridhal
:: مسافر ::
امريكا بلاد عظيمة برشا، عظيمة ببنايتها و عظيمة بالتقدّم العلمي و التكنولوجي الرهيب اللي فيها، بنظافتها و بالاحترام الغير العادي من طرف كل من يتواجد على أرضها للقانون، العنف بجميع انواعو مرفوض ويعاقب عليه القانون بالسجن حتّى العنف اللفظي، أغلبية الشعب الامريكي بجميع الطوائف متاعو متربين برشا ، يشوفك ماشي في الشارع يسلم عليك و يضحكلك في وجهك من غير لا تعرفو لا يعرفك ، شعب فعلا متميّز عن جميع الشعوب اللي شفتها و من هنا تستمّد امريكا عظمتها من شعبها، تقريبا زرت أكثر من عشرين دولة في حياتي و لكن حسيت انو الشعب الامريكي اكثر شعب يحب الحياة و يقدسها و يتشبّث بيها و بمتعتها لأخر رمق، يحترمو برشا بعضهم و يحترمو الاجنبي زادة، و القانون يفرض عليهم هذا ، نيو يورك مدينة خيالية و اكثر من جميلة و لكن موش على ذوقي برشا، اللي عجبني اكثر هو ولاية ماين و مدينة بوسطن ، تجربة جميلة جدّا ، اخيرا و ليس اخرا امريكا رائعة و لكن تبقى باريس حاليّا الأقرب و الأحب الى قلبي الى ان ياتي ما يخالف ذالك .
لنا عودة
لنا عودة