الكلام الاكيد بالنسبه لموضوع فيزا وماستر كارد...

[Mahmoud Shalaby]

الكلام الاكيد بالنسبه لموضوع فيزا وماستر كارد لاونج في صالات المطارات
اولا لازم نكون عارفين ان الكريديت كارد بيبقي فئات طبقا للحد الأتماني المتاح سواء كان ماستر كارد او فيزا بيبقي ترتيبهم كالتالي من الاقل للأعلي:
كلاسيك (سيلفر)
جولد
بلاتينوم
تيتانيوم وفي وورلد وورلد ايليت بس دول مش موجودين في مصر اساسا ونادرين علي مستوي العالم جدا
بداية من الكريديت البلاتينوم والتيتانيوم بيكون متاح ليك دخول اللاونج مجانا تماما والاستمتاع بجميع الخدمات كلها ماعدا بعض الصالات التي تقدم خدمات اضافيه دي بس اللي بتكون برسوم زي خدمة دخول غرف الاستحمام في صالات مرحبا في مطار دبي
المهم عند الدخول بيكون الدخول ليك انت بس مجانا وليك طفل واحد يدخل معاك مجانا لو سنه اقل من ٨ سنوات علي حسب كلام ماستر كارد لكن في ناس بتقول ان بيكون في تساهل شويه في موضوع الأطفال خصوصا لو الزوجين داخلين مع بعض وبيسمحوا بالسن لحد ١٢ سنه كمان ساعات
نيجي بقي لنقطه لو معاك مراتك او حد من اولادك كبير في السن هتضطر تدفعله ٢٥$ رسوم الدخول ولكن يمكن التعلب علي النقطه دي عن طريق ان جميع عملاء كروت البلاتينوم وما اعلي منها يحق لهم طلب كروت اضافيه من البنك المصدر للكارت يتراوح عددهم من ٢ الي ٤ كروت وبتكون مجانا تماما. وممكن تتحكم في الحد الأتماني للكارت الاضافي علشان لو المدام بتحب الشوبنج وبكده تقدر تدخل انت وعيلتك براحتكوا في اي وقت مسافر
ملحوظه اخيره ساعات بيتطلب منك الانتظار حتي يتم الاستعلام عن الكارت الأتماني في حاله كونه فيزا ثم يسمح لك بالدخول مجانا ايضا لكن حاملي بطاقات ماستر كارد بيتم السماح ليهم بالدخول علي طول بدون استعلام بعد تسجيل بيانات الكارت فقط
الخدمات المقدمه من الصالات عباره عن بوفيه مأكولات خفيفه بارد وساخن ومشروبات بارده وساخنه وبوفيه حلويات دي الوضع ببساطه
البوست والمعلومات خاصه بمطارات الشرق الأوسط والكروت المصدره من بنوك المنطقه حسب ما أفاد موظف مؤسسة ماستر كارد
#ماستر_كارد_لاونج
#master_card_lounge
#airport_lounge

 

[Hanin Saber]

تجربتى الشخصية فى استضافة شخص غير مصرى انى دفعت له 18 دولار فقط لا غير وده من حوالى اسبوعين

 

[Manal Afifi]

انا بدخل اللاونج بفيزا جولد

 

[Ivan Enrique Gomez Castro]

اية المميزات ؟؟؟ فيها اكل ببلاش؟؟؟

 

[Ali Mahmoud Daher]

Aya Salah

 

[Awad Arap]

هل توجد هذه الخدمة بمطارات السعودية؟

 

[Karim Gamal]

الفيزا بتاعتي بلاتينيوم
وجربتها بنفسي في اكتر من دولة
بس اللي اعرفه انها مجانا في تقريبا 70 مطار في العالم بس مش كل المطارات

 

[Yazan Yamen]

كيف فينا نعرف وين صالات اللونج في المطار موجودة ؟

 

[Hany Abu Elyazeed]

ما حد يشرحلناا الموضوع ويفسره شويه ياجماعه انا معايا فيزا وبستخدمها علاطول وما استفدش منهم حااجه ولا باخد منهم نقط ولا هداياا حتى رغم ان كل شيء بعمله عن طريقهاا

 

[Amro Abou Elfetouh]

لازم تكون كريدت كارد بتاخد مميزات كبيرة حسب العقود بين البنك وصالات المطار المميزة لو دفعت تمن التكيت بيها

 

[Hamdy Tawfik]

Up

 

[Mostafa Gad]

Ahmed Mohamed Eldawy

 

[Abu Yousuf El Emam]

حتي ATM عليها

 

[Badr Helmy]

المعلومة الوحيدة المختلفة عندي ان الكارت بتاعي تيتانيوم ماستر كارد و هو فقط debit مش credit و هو اللي دخلت بيه لاونج مرحبا في دبي

 

[Sara Hassan Al Keraby]

Mohammed Salah

 

[Howaida El-Khodary]

طب و ATM

 

[Ahmed Beso]

Seso Sayodah

 

[Maroo Amin Endrawes]

Bola Fathy Aziz

 

[Usama Elhenawy]

موضوع شامل ووافي جداااا
لكن تعليقي في نقطتين :
الكارت الاضافي اللي بيطلع ع الكارد الأساسي ، ياريت نتأكد انه من حق الصادر باسمه دخول اللاونج لأني سألت مرتين مرة قالوا مسموح بيه ومرة قالوا الاساسي فقط .

لو معاك اكتر من كارد ماستر بتدخل بواحد فقط ومش من حق حد يدخل بالتاني حتي لو ابن او زوجة ، لكن تجربة شخصية ليا في مطار القاهرة دخلت معايا 4 غيري بكروت ماستر تخصني وكلهم اساسيين ومنهم كان ديبيت وكريديت لحسابات مصري ودولار.
في دبي رفضوا ان حد يدخل بكارد خاص بي لانهم طابقوا الاسم ع البوردينج بالاسم ع الكارد والباسبور

 

[Ahmed El Masry]

طب فى اى لاونج فى مطار اتاتورك تركيا انا ممكن استنى فى المطار ٨ ساعات