E
Eslam Sameer
:: مسافر ::
الواحد في أي دولة محترمة لما يحب يسافر أي وقت، يحجز تذكرة أون لاين، ويطلع بجواز سفره على المطار، ويركب الطيارة وبس!
مصر بقى مفيش حاجة اسمها تسافر كدة بالساهل. لازم تطلع الأول قبلها بكام يوم تاخد إذن سفر من الجيش لو إنت لسة تحت الطلب.
وبعدين تطلع على مجمع التحرير قبلها بأسبوع مثلا تقدم على طلب تصريح سفر لو هتسافر أي دولة من الدول الكتييييير اللي محتاجة تصريح. مجمع التحرير آه حتى لو إنت اسكندراني مثلاً وهتسافر من مطار برج العرب. وتطلع بعدها ب ٣ أيام مجمع التحرير تاني تستلم التصريح، وممكن يقولوا لك لسة التصريح مطلعش، لسة البحث مخلصش، تعالى بعد أسبوع. طب انا عندي حاجة مهمة ولازم اسافر؟! ... طز في حضرتك وفي حاجتك المهمة.
وممكن يطلع حد قريبك عنده مشاكل أمنية، فإنت تتمنع من التصريح. بس حتى لو إنت سليم تماما وكل عيلتك سليمة ومية المية المية، ممكن وظيفتك متعجبهمش ... آه والله هو كدة ... فمتاخدش التصريح بقى خالص مع إنك شاب أبيض تماماً.
فبافتراض إنك موقعتش في مشاكل، هتلاقي نفسك بتضرب مشاوير عظيمة قبل ما تقرر تسافر ... وتدفع شوية فلوس هنا وشوية فلوس هناك ... وتقف في طوابير غير طبيعية في مجمع التحرير ... وتضيع أيام وليالي في كلام فاضي مش موجود في أي دولة بتحترم نفسها.
طبعاً إنت بتكون خايف تحجز تذكرة أصلاً قبل ما تطلع التصريح الأمني وتصريح الجيش، عشان التذكرة متروحش عليك لو رفضوا، فبالتالي بتحجز التذكرة متأخر وسعرها بيكون زاد.
ولو فرضنا إنك مش تحت الطلب في الجيش ومعاك إعفاء نهائي، وإنك مسافر بلد مش محتاجة تصريح أمني، فإنت بيطلع عين أهلك في مشاوير السفارة والانترفيو عشان جواز سفرك الأخضر اللي مالوش قيمة في أي سفارة، وبيشكوا فيك إنك هتهرب لو سافرت، وأسهل حاجة يرفضوا يدوك الفيزا، ولو وافقوا فده بيكون نجاح عظيم يستاهل توزيع شربات على العمارة كلها.
بس يا سيدي، وبعد البهدلة دي كلها، الدولار ب ١٨ تذاكر السفر زادت الضعفين )
#ضريبة_السفر
مصر بقى مفيش حاجة اسمها تسافر كدة بالساهل. لازم تطلع الأول قبلها بكام يوم تاخد إذن سفر من الجيش لو إنت لسة تحت الطلب.
وبعدين تطلع على مجمع التحرير قبلها بأسبوع مثلا تقدم على طلب تصريح سفر لو هتسافر أي دولة من الدول الكتييييير اللي محتاجة تصريح. مجمع التحرير آه حتى لو إنت اسكندراني مثلاً وهتسافر من مطار برج العرب. وتطلع بعدها ب ٣ أيام مجمع التحرير تاني تستلم التصريح، وممكن يقولوا لك لسة التصريح مطلعش، لسة البحث مخلصش، تعالى بعد أسبوع. طب انا عندي حاجة مهمة ولازم اسافر؟! ... طز في حضرتك وفي حاجتك المهمة.
وممكن يطلع حد قريبك عنده مشاكل أمنية، فإنت تتمنع من التصريح. بس حتى لو إنت سليم تماما وكل عيلتك سليمة ومية المية المية، ممكن وظيفتك متعجبهمش ... آه والله هو كدة ... فمتاخدش التصريح بقى خالص مع إنك شاب أبيض تماماً.
فبافتراض إنك موقعتش في مشاكل، هتلاقي نفسك بتضرب مشاوير عظيمة قبل ما تقرر تسافر ... وتدفع شوية فلوس هنا وشوية فلوس هناك ... وتقف في طوابير غير طبيعية في مجمع التحرير ... وتضيع أيام وليالي في كلام فاضي مش موجود في أي دولة بتحترم نفسها.
طبعاً إنت بتكون خايف تحجز تذكرة أصلاً قبل ما تطلع التصريح الأمني وتصريح الجيش، عشان التذكرة متروحش عليك لو رفضوا، فبالتالي بتحجز التذكرة متأخر وسعرها بيكون زاد.
ولو فرضنا إنك مش تحت الطلب في الجيش ومعاك إعفاء نهائي، وإنك مسافر بلد مش محتاجة تصريح أمني، فإنت بيطلع عين أهلك في مشاوير السفارة والانترفيو عشان جواز سفرك الأخضر اللي مالوش قيمة في أي سفارة، وبيشكوا فيك إنك هتهرب لو سافرت، وأسهل حاجة يرفضوا يدوك الفيزا، ولو وافقوا فده بيكون نجاح عظيم يستاهل توزيع شربات على العمارة كلها.
بس يا سيدي، وبعد البهدلة دي كلها، الدولار ب ١٨ تذاكر السفر زادت الضعفين )
#ضريبة_السفر