عايزه اغير جو وبفكر اطلع رحله يوم الاسكندريه...

[Asmaa Hussien]

عايزه اغير جو وبفكر اطلع رحله يوم الاسكندريه او العين السخنه داي يوز لوحدي لان محدش من صحابي فاضي هل هعرف استمتع لو حد جربها قبل كده يقولي تجربته او اروح اعمل ايه هناك او كده

 

[AbdelMaksoud Ahmed]

انا عندي day use العين السخنه السبت القادم

 

[Mahmoud Magdi]

في الفيوم يوم ٢٠ هتبقى تحفة

 

[Basma Maher]

Ahmed Samir

 

[Mhmd Rmdn Elgarhy]

انا طالع لوحدي برده اليكس

 

[Mohamed Magdy]

انا طلعت اسكندرية مع واحد صاحبي حوالي 3 ايام قضيت معظمهم لوحدي كل واحد فينا فمكان
يوم منهم قضيتة عند القلعة الصخور الى وراها القاعدة هناك خرافية فضلت قاعد من الصبح لحد الغروب
واليوم التانى قضيتة برضو فالقاعدة عند كورنيش المكتبة او قبلها بشوية كدة القاعدة هناك تحفة وطبعا دخلت المكتبة بليل حضرت حفلة لطيفة
في بقي كافيهات عالبحر بس دي مروحتهاش ناوى اروحها فالطالعه الجاية لوحدي برضو خلال الايام الجاية

 

[Shaimaa Brekaa]

ممكن داي يوز فالسخنه تبقي رحله باليخت شامله وجبه غداء وبيبقي في صيد ودي جي من الساعه 10 ل 5 وجوله ببورتو السخنه بعد كده

 

[Ahmed Abdel Rahman]

دايما اساس الانبساط لما الواحد يكون مع نفسه .... لما هيحب يتمشي هيتمشي ، لو حابب يقعد علي البحر هيقعد ... انتي لو اتمشيتي بس علي البحر و صورتي بالكاميرا بتاعتك و بعدين محطة الرمل و غدا في النادي اليوناني و قعده في لاتينو علي البحر هتحسي انك اتبسطتي

 

[Sara Amr]

انا رايحه يومين اسكنزدريه