Y
Youssef Elrefaey
:: مسافر ::
طرابزون مدينة السحر والجمال
كنت كل مااعمل بحث على الجروب عن الكلمة تطلع نتيجة البحث طرابزون الساحرة الجميلة يطلع لى ازنجول صوميلا حيدر نبى اول ماتنزل هتشوف الجمال فى كل مكان بدون اى تفاصيل عن ازاى توصل الاماكن دى
انا وصلت طرابزون الساعة 3 بليل بعد 4 ايام فى اسطنبول المدينه الساهره باضوئها والوانها البراقه لمدينه هادئه هدوء الاموات خرجت مش عارف اى حاجه غير اسم الفندق شوفت تاكسى وصلنى للفندق وفى الطريق الصدمة المبانى مش زى إسطنبول مفيش انسان قابلنا فى الشارع وصلت الشقه بتاع الاستقبال ميعرفش كلمه انجليزى
حسيت انه انضحك عليا لدرجة ان مراتى قالت لى يلا نرجع اسطنبول دلوقت حالا وقضينا طول الليل نتريق ونهلث على طرابزون الصبح بقه نزلنا الدنيا فاضيه اشترينا اكل ورحنا على البحر كان قريب من الفندق ودى كانت الميزه الوحيده الى شوفنها وفتحت النت ادور على اى معلومة مفيش لحد مالاقيت حد بيقول على جروب ان وسط المدينه بيقال عليه ميدان قول ميدان هتلاقى عربيات كتير بتقف لك وفعلا طلعت على الطريق ووصلت الميدان وهناك الدنيا نورت لاقيت شركات سياحة دخلت شركة لاقيت واحد يمنى ساعدنا كتير وطلعت مع الشركة بتاعتهم كل الرحلات وبعد ماحجزنا اول رحلة واطمنا اننا هنوصل للاماكن الى شوفنها فى الصور وان الدنيا جميلة قلبنا جمد وفتحنا ال gps لاقينا بحيرة سيراجو قريبه جدا مننا طلعنا على موقف العربيات الى مقابل للميدان على البحر لاقينا عربيات بتروحها قضينا 4 ساعات هناك ورجعنا الفندق على 10 بليل اول رحلة كانت تانى يوم وصولنا وكانت لدير صوميلا وهامسيكو ومغارة كارجا تانى رحلة كانت لاوزنجول وتالت رحلة كانت لايدر طبعا مش هكلمكم على الاماكن وجمالها لان ده شوفتوه كتير بس طرابزون اجمل بكتير من الصور هى جنة الله في الأرض فعلا وانا هرجعها تانى ان شاء الله بس المره الجايه هطلع الرحلات دى مع نفسى لان فى طريقة تانيه ممكن تروح بها ونفس السعر تقريبا او اكتر بقليل وهى انك تستأجر سيارة من المطار بتكلفك فى اليوم 60 ليرة يعنى فى 5 ايام 300 ليرة هتفول العربيه هتكفيك 5 ايام ب200 ليره يعنى الفسحة كلها بتاع 150 دولار والدنيا سهلة جدا والسواقه ممتعه جدا وفى بعض الاماكن خطره لانك بتطلع جبال ارتفاعها ب 1000 متر
طرابزون من اجمل بلاد الدنيا ماينفعش تروح تركيا وماتروحش طرابزون الخضرة والجبال الخضراء ومزارع الشاى والشلالات في كل مكان فى شلالات صغيرة بتصب فى الشارع والله انا بشكر الجروب هنا لانه ساعدنى كتير
وسافروا ياجماعه جمعوا فلوس وسافروا مش مهم الشوبينج عيشوا فى البلد الى هتسافروها وكلوا اكلها وامشوا وسط ناسها وقضوا فيها اطول وقت ممكن
كنت كل مااعمل بحث على الجروب عن الكلمة تطلع نتيجة البحث طرابزون الساحرة الجميلة يطلع لى ازنجول صوميلا حيدر نبى اول ماتنزل هتشوف الجمال فى كل مكان بدون اى تفاصيل عن ازاى توصل الاماكن دى
انا وصلت طرابزون الساعة 3 بليل بعد 4 ايام فى اسطنبول المدينه الساهره باضوئها والوانها البراقه لمدينه هادئه هدوء الاموات خرجت مش عارف اى حاجه غير اسم الفندق شوفت تاكسى وصلنى للفندق وفى الطريق الصدمة المبانى مش زى إسطنبول مفيش انسان قابلنا فى الشارع وصلت الشقه بتاع الاستقبال ميعرفش كلمه انجليزى
حسيت انه انضحك عليا لدرجة ان مراتى قالت لى يلا نرجع اسطنبول دلوقت حالا وقضينا طول الليل نتريق ونهلث على طرابزون الصبح بقه نزلنا الدنيا فاضيه اشترينا اكل ورحنا على البحر كان قريب من الفندق ودى كانت الميزه الوحيده الى شوفنها وفتحت النت ادور على اى معلومة مفيش لحد مالاقيت حد بيقول على جروب ان وسط المدينه بيقال عليه ميدان قول ميدان هتلاقى عربيات كتير بتقف لك وفعلا طلعت على الطريق ووصلت الميدان وهناك الدنيا نورت لاقيت شركات سياحة دخلت شركة لاقيت واحد يمنى ساعدنا كتير وطلعت مع الشركة بتاعتهم كل الرحلات وبعد ماحجزنا اول رحلة واطمنا اننا هنوصل للاماكن الى شوفنها فى الصور وان الدنيا جميلة قلبنا جمد وفتحنا ال gps لاقينا بحيرة سيراجو قريبه جدا مننا طلعنا على موقف العربيات الى مقابل للميدان على البحر لاقينا عربيات بتروحها قضينا 4 ساعات هناك ورجعنا الفندق على 10 بليل اول رحلة كانت تانى يوم وصولنا وكانت لدير صوميلا وهامسيكو ومغارة كارجا تانى رحلة كانت لاوزنجول وتالت رحلة كانت لايدر طبعا مش هكلمكم على الاماكن وجمالها لان ده شوفتوه كتير بس طرابزون اجمل بكتير من الصور هى جنة الله في الأرض فعلا وانا هرجعها تانى ان شاء الله بس المره الجايه هطلع الرحلات دى مع نفسى لان فى طريقة تانيه ممكن تروح بها ونفس السعر تقريبا او اكتر بقليل وهى انك تستأجر سيارة من المطار بتكلفك فى اليوم 60 ليرة يعنى فى 5 ايام 300 ليرة هتفول العربيه هتكفيك 5 ايام ب200 ليره يعنى الفسحة كلها بتاع 150 دولار والدنيا سهلة جدا والسواقه ممتعه جدا وفى بعض الاماكن خطره لانك بتطلع جبال ارتفاعها ب 1000 متر
طرابزون من اجمل بلاد الدنيا ماينفعش تروح تركيا وماتروحش طرابزون الخضرة والجبال الخضراء ومزارع الشاى والشلالات في كل مكان فى شلالات صغيرة بتصب فى الشارع والله انا بشكر الجروب هنا لانه ساعدنى كتير
وسافروا ياجماعه جمعوا فلوس وسافروا مش مهم الشوبينج عيشوا فى البلد الى هتسافروها وكلوا اكلها وامشوا وسط ناسها وقضوا فيها اطول وقت ممكن
