S
Sara Sleem
:: مسافر ::
البنات بتاخد موضوع الثقه دا على صدرها اوي عشان فاهمينه غلط مش قلة ثقه في اخلاقك وجدعنتك ياحبيبتي لا ابسلوتلي المقصود ثقه في اتخاذ قراراتك ونضجك وتصرفك الصح في اي موقف ممكن يتخيلوه هم وانتي بعيد ودي غالبا مابتحصلش غير لما البنت تكبر لان طبيعي كل مابتكبر سنه خبرتها بالحياة بتزيد وكل دا طبعا من حقهم بيعملوه خوف علينا فلو حسو بعكسه مش ممكن يمانعو حاجة عارفين انها هتفيدنا وتسعدنا
R
Reem Abuelwafa
:: مسافر ::
كل الكلام دا بلح ،البنت هنا تعامل معامله الشنطه من أيد اَهلها لابد جوزها ،ومنتهى عدم العدل ان البيه يكون صايع ولافف وبيسافر عشان هو ولد بس ،انما هى لازم تلتزم بكتاب إجراءات ،انا بقولها لو عايزه تسافرى وعديتي ٢١ سافرى ومتلتزميش بكلام مجتمع او أهل جاهله
محدش لازم يقتنع بان راحتك ف السفر ،ولو البيه اللي اهله بيلبسوه ويسافروه ويشغلوكي خدامه لاخوكى مش محتاج يقنعهم ،انت كمان ليكي نفس الحق
محدش لازم يقتنع بان راحتك ف السفر ،ولو البيه اللي اهله بيلبسوه ويسافروه ويشغلوكي خدامه لاخوكى مش محتاج يقنعهم ،انت كمان ليكي نفس الحق
N
Nana Nageb
:: مسافر ::
هاقولكم عن تجربتى الشخصية و انا طبعا اكبر منكم كلكم فى السن من حوالى ١٤ سنة قريت عن حوار كندا و قلت لماما قالت لى ماشى انا هاروح اسأل و فعلا رحت السفارة لوحدى و عرفت ايه متطلبات السفر و بدات اعرف ايه قصة الايلتس دى طبعا المشروع ده مكملشى لظروف شخصية .... بس انا كنت مصممة و امى موافقة بالرغم ان والدى متوفى من زمان بس انا كنت بنت بشتغل و انا عندى ١٨ سنة و انا عندى ٢٤ سنة كنت بشتغل شغلتين شفت و عرفت و اكتسبت خبرات كتير و شفت ناس غريبة و ده كله كان مشجعنى و مش مخلى ماما تقلق ....الخلاصة اشتغلى على نفسك اكتسبى لغة و خبرات حياتية كتير بدون ما تعرضى نفسك ل خطر الحذر مهم و صدقينى الوقت اللى هيكون معاكى فيه فلوسك و عاوزة تسافرى هتسافرى و هتشوفى الدنيا و متبقيش كل افكارك فى الارتباط و الجواز خليه اخر اهتماماتك .....
Ř
Řè Ďẫ
:: مسافر ::
مش شرط موضوع الثقه هو السبب لا خالص.. ف بنات شايله مسئوليه والله ناقص بس يبقى عندها شنب مع ان المسئوليه هنا هي هي بره !!! و بردو ف رفض يعني هو تعود مش اكتر اننا متربناش ع كده و انه عيب و ميصحش و الناس تقول ايه و ف الغالب بتلاقي علاقتهم محدوده باللي حواليهم و مفيش ناس اصلا هو اعتراض و خلاص خصوصا لو كان المعترض ده مالوش ف الخروج اصلا ف عايزيك تعيش نفس عيشته.. ف المهم ف مرحله الواحد بيوصلها محدش ليه حق يدخل ف قرارته لأن ده حقه و لو اتنازل عنه هيخسر حياه مش هيقدر يعوضها تاني