A
Amany G Mohammad
:: مسافر ::
مش عارفه اقول ايه ف الموضوع ده.. ماينفعش تبقي البنت ضعيفه علي اي حال سواء عايزه تسافر او لا... اثبتي شخصيتك في كل المواقف... العياط لما يقولولك بخ انسيه يا ماما رتبي امورك وخططي لحياتك بنفسك وكل اراء الناس في حياتك لمجرد الاستشاره مش فرض.. اتحركي لوحدك دوري علي الاستقلال لكن كل ده بالتدريج وسياسه النفس الطويل.. هتكسبي ثقتهم لما يلاقوكي بتسعي تثقفي نفسك وتكتسبي خبرات وتفهمي الناس وتعرفي تتصرفي في الازمات
R
Riham Hamdy
:: مسافر ::
كلام هري من راجل ميعرفش الاهل بتفكر ازي ... من الاخر ومن بنت مرت بكل الاعتراضات لغاية ما خلاص سافرت ولفت جوة وبرة البلد ... لو أهلك مش متفاهمين انسي السفر أثناء المدرسة ... هتسافري سفرية واحدة بس في سنة رابعة مع الكلية لو واحدة صاحبتك واثقين في تربيتها وعارفينها من وانتم صغيرين وبيحترموها قعدت تاكدلهم ان انتم الاثنين هتاخدوا بالكم من بعض وتقعد تعدد أسماء ليستة من 10 مشرفين على الأقل من الدكاترة يكون منهم 9 ستات مثلا! انسي تطلعي سفرية مع صاحباتك داخل البلد في اول كام سنة شغل! اول ما تخطي ال 25 ممكن يسمحولك تطلعي مرة او مرتين مع صاحباتك اللي هم برده عارفينهم من زمان رحلة داخل مصر طبعا والاقناع هيبقى أسهل لو هتاخدي معاك أختك الصغيرة ... اول الثلاثينات هيبقى اخدوا خلاص على فكرة إنك سافرت مع صاحباتك قبل كدة مرتين ثلاثة لوحدك مع تضاؤل أملهم في الجواز فمش هتلاقي رفض شديد للسفر داخل مصر مع صاحباتك ومش هيبقى لازم الصاحبات الثقات بتوع الاول دول ... بعد كدة هتلاقي في تراخي في الرفض فتبتدي تسافري للخارج بقى هي اول سفرية بس وترجعيلهم بالسلامة بعد كدة مش هتحتاجي حتى تفاتحيهم في رغبتك إنك تسافري برة سواء لوحدك او مع حد ... هتظبطي وتحجزي وقبل السفر بشهر هتقوليلهم السنة دي انا مسافرة كذا وخلاص بقى يا ستي اتبسطي وهيصي ولفي العالم وهم هيبقوا مبسوطين وفخورين بيكي كمان وشوية وهم اللي هيقولولك ما تحاولي تلاقي شغلانة برة العيش في البلد دي يا بنتي مبياكلش عيش ... اه ولو حد في مرحلة الثلاثينات قالك جملة "بكرة تتجوزي وتسافري مع جوزك" دي ابتدي العبي على الوتر الحساس! ويا حبذا لو صاحباتك معظمهم اتجوز ... ابتدي بقى قولي "لا أنا عارفة حظي العثر ... كله اتجوز إلا أنا ... ربنا يديكم ويديني طولة العمر ... لا بالشكل ده أنا احتمال أعيش وأموت في بيتي مش كمان في مصر!" والله الموفق والله المستعان