ردا علي سؤال .. انا بنت واهلي مش موافقين انهم...

[Ahmed Mohamed]

ردا علي سؤال .. انا بنت واهلي مش موافقين انهم يخلوني اسافر

اعمل ايه عشان اقنعهم انهم يسيبوني احقق حلمي واسافر ؟؟
.

معظم الكومنتات اللي بشوفها ف الموضوع ده بتكون عباره عن : حاولوا تتكلموا مع اهلكم وتقنعوهم انكم هتعتمدوا علي نفسكم وهتلتزموا وهتتفوقوا وبلا بلا بلا بلا
.

دة كلام حلو اوي بنلم بيه شويه لايكات علي كام كومنت ونرميهم في صفحات شيروفوبيا و احتواء .. لكن مش هو الحل للمشكله
.

مفيش اهل بيقتنعوا بالكلام المزوق ده ..

الاهل من الاساس لو مقتنعين هيسيبوكي تسافري براحتك

ولو مش مقتنعين حتي لو اتقلبتي قرد قدامهم مش هيوافقوا ..
.

يعني متفتكريش انك هتقوليلهم مثلا نفسي اسافر واعتمد علي نفسي واني شخصيه ناضجه كفايه عشان تواجهي اي موقف تتعرضي ليه .. يقوموا يقولولك اتفضلي احنا اقتنعنا .. دة كلام هجص
.-----------------------------------------------------------------------

امال ايه الحل ؟؟

الحل في التصرفات .. تصرفاتك .. تعاملك معاهم واسلوبك في حياتك
.

تثبتيلهم عملي انك قد المسؤليه .. تثبتيلهم انك جديره بالثقه بتاعتهم
.

لان لو اهلك شايفين فيكي اعتماد عالنفس و تحمل للمسؤولية ساعتها المشكله دي مش هيبقي ليها وجود من الاساس اصلا

.----------------------------------------------------------------------

طيب برضو مقولتليش اثبتلهم الثقه دي منين ؟؟
.

1- حسسيهم بالثقه .. اعرفي من أين تؤكل الكتف .. شوفي ايه الحاجات اللي شايفينك بتعمليها غلط ومتعمليهاش واعملي عكسها ..
.

شوفي ايه الحاجات اللي نفسهم يشوفوها فيكي واعمليها ..
.
- متبقيش مش عارفه حتي تشتري لبسك بنفسك بدون مساعده حد وتبقي عايزة تسافري .

- متبقيش مش عارفه تعملي لنفسك كوبايه مياه وتبقي عايزة تسافري .

- متبقيش مش عارفه تنجحي ف شغلك ولا حتي في دراستك وعايزة تسافري .
.

ابسط حاجه هيقولولك هو انتي نافعه في حاجه لما عايزة تبقي تسافري لوحدك .. لكن لو شايفين واحدة قد المسؤليه .. بتعمل كل حاجه لوحدها .. مش مستنيه ماما وبابا يجبولها الرضعه لغايه عندها .. مش بتسقط كل سنه ومتفوقه في دراستها .. بتشتغل مش قاعدة في البيت .. وقتها هما من نفسهم هيقولوا ايواااااااااا البنت دي دكر وهتعرف تتحمل مسؤليه
.
.

2- شوفي ايه مصدر اعتراضهم علي السفر وحاولي تحليها ...
بمعني ..

* لو اعتراضهم مثلا علي الامان وانهم خايفين عليكي .. ابدأي برحلات جوه مصر مع جامعتك او مع صحابك وتديهم ارقام تليفونات صحابك كلها واحده واحدة و تفاصيل الرحله كامله بالتفصيل الممل .. حسسيهم انهم معاكي خطوة بخطوه ..
.

* لو اعتراضهم علي عدم وجود محرم مثلا .. قوليلهم انا عايزة اطلع معاكم الاول مش مع صحابي ونسافر سوا نتفسح وانا اللي هظبطلكم كل الاجراءات .. خطوه مبدئيه بس عشان بعد كده السفريه هتجيب اللي بعديها ..
.

* لو اعتراضهم ان مفيش فلوس .. ساعتها حاولي تعتمدي علي نفسك ومتطلبيش منهم اي فلوس واشتغلي شغل فريلانسر علي النت وحوشي و حوشي من اي مصروف بيدوهولك وبعدها استقلي بنفسك ماديا
.

وصدقيني يابنتي مفيش اهل هيشوفوا بنتهم ناجحه ومتفوقه وعاقله وقد المسؤليه وقادره تحمي نفسها وتحقق هدفها وهيمنعوها من السفر .. مستحيل

الموضوع مش صعب بس محتاج بنات تعرف تثق في نفسها الاول عشان تعرف تخلي اللي حوليها يثقوا فيها .. وان شاء الله تحققوا حلمكم وتسافروا كلكم

#اقعدوا_بالعافيه

 

[Marwa Mahmoud]

مش عارفة اهل مين اللى مبيرضوش يسافروا ولادهم ده انا اول م قلت لبابا قالى اخيراً هتمشى بئة وياريت تقعدى ١٥ سنة كده

 

[Hadeer Yasser]

يعني ايه شغل فريﻻنسر؟!

 

[Omnia Salah Eldin]

شيماء شكري

 

[Ghada Hosni]

لا معلش طلعت out المره دي
حضرتك فيه اهل شايفين وعارفين ومتأكدين ان بنتهم ارجل من مية مليون راجل لكن ده مصيبة بالنسبالهم لأنها ف نظرهم فاشلة متجوزتش وهي معديه ال 30 وحياتها فاشلة فاشلة فاشلة ولما تقول انا عايزة اعمل كذا انشالله حتى عايزه اغير هدومي يقولولها لما تتجوزي.
معترضه جدا ع الكلام ده لأنك بتتكلم وكأنك بتتكلم عن اهالي عايشين ف سويسرا
اقعود بالعافيه

 

[Basant Mohamed]

Heba Mohsen

 

[مجدى السمرى]

معلش انا هكتب الكومنت اللي هيجيبلي شتيمة بس هكتبه بردو وأمري لله... هو شرعا ينفع ان بنت تسافر من بلد لبلد لوحدها كده وبدون سبب ضروري عشان بس تتفسح وتغير جو؟

 

[Ahmed Angel Anübis]

منتظر بوست الفري لانس بفارغ الصبر

 

[Somaya El-Sayed]

Heba Ahmed

 

[Seham Ahmed Alayouti]

Mariam Hafez

 

[Shaimaa Brekaa]

وبعد ما نعمل كل ده هيرفضوا بردوا اتمني التفكير يتغير

 

[Abd Elrahman Elrazky]

Samar Kassem واخدلي بالك انت يا صلاح

 

[Aya Younis]

طيب انا المشكلة عندي مختلفة شوية بابا و ماما مقتنعين بس اخوبا بيعد يكلمهم ف حتة العادات و التقاليد و ان مينفعش و هما عشان خاطره بيرفضوا دي حلها ايه بقي رغم ان ماما شايفة اني حسد هناك و جدعة و كل الكلام ده

 

[Shimo Yosif]

كلامك صح جداااا مليون فى المية وده اللى عملته

 

[Hala Zied]

هههه في اهل بيقولوا لما تجوزي سافري معاه براحتك

 

[Hala Zied]

Ana Samar

 

[Nana Nageb]

مليون الف like كلامك صح صح صح

 

[Eman ElAmir]

انت بقيت بتنافسنا في بوستات البنات كمان كلامك عين العقل والله

 

[راجيه الجنه]

المشكله مش فى كده المشكله ان اخيرنا نطلع مصيف مع بعض وطلعت عمره مع بابا وماما واخواتى بس مينفعش نهائى اسافر لوحدى هما مش بيوافقوا اصلا اخرج مع صحابى فى بلدنا هيوافقوا انى اسافر لوحدى او حتى مع صحابى مش قله ثقه بس هما شايفين ان البنت متنفعش تخرج لوحدها او مع صحابها او حتى كل شويه تخرج من البيت يعنى اخرها بيتها

 

[Khet Hareer]

طيب لو الاهل دول ماديين ويوافقوا ع السفر للشغل لا السفر للدراسه والمصاريف وقضمه الظهر لا
وطبعاااا ف ناس كده
ايه الحل