A
Ahmed Mohamed
:: مسافر ::
ليه فيزا اللغه مبتتقبلش في بلاد المهجر كندا واستراليا وتعمل ايه عشان تتقبل بدون رفض ؟
---------------------------------------------------------------------------------------
اكثر طريقه المصريين بيسعوا فيها انهم يروحوا كندا او استراليا او نيوزيلاندا عن طريق انك تجيب قبول من اي معهد لغه وتاخد فيزا دراسه وتسافر عن طريقها لبلاد المهجر
.
لكن للاسف كلهم بيترفضوا رفض جماعي بسبب الطريقه دي
.
في الحقيقه ان فيزا اللغه لبلاد المهجر .. نكرر تاني لبلاد المهجر بالتحديد هي صعبه جدا للناس من مصر .. السفارات مش بتعند معاك .. كل الحوار ان ليها شويه متطلبات .. لازم تحققها عشان يدوك فيزا تسمحلك بدخول اراضيهم والدراسه فيها ..
.------------------------------------------------------------------------------------
اي فيزا دراسه لاي بلد مهجر زي كندا استراليا نيوزيلاندا .. بتعتمد علي حاجتين :
1- شروط الدراسه نفسها واللي بتتمثل في : قبول جامعي + مصاريف الدراسه
.
2- شروط السفاره نفسها وبتتمثل في قدرتك علي اقناع القنصل بالغرض من الدراسه و قدرتك علي اثبات روابط قويه بمصر وانك هترجع مصر بعد انتهاء مدة دراستك
.-----------------------------------------------------------------------------------
النقطه الاولي : ليه القنصل مش بيقتنع بالغرض من السفر ؟؟
.
القنصل لاي بلد مهجر اول سؤال بييجي في باله .. اشمعني بلدنا ؟ ليه واحد من الشرق الاوسط يختار بلدنا بالتحديد عشان يدرس لغه ؟
.
ليه واحد من الشرق الاوسط يختار اخر بلاد المسلمين واللي بتبعد عن بلده ب ملايين الكيلومترات لمجرد انه يروح يتعلم انجليزي ؟
.
يعني ساب اليوتيوب و ال self study و الاميديست و المركز الثقافي البريطاني و IDP والجامعه الامريكيه وكل المراكز المعتمدة اللي في بلده ...
وساب كل بلاد اوروبا وكل بلاد اسيا القريبه منه .. وساب انجلترا نفسها اصل الانجلش في العالم
و ساب كل البلاد دي
عشان يروح اخر بلد في القطب الشمالي زي كندا أو بلد ف ابعد قاره زي استراليا ويصرف 500 دولار تذكره طيران و زيهم 10 مرات اقامه وسكن وفواتير ومصاريف خلال فتره الدراسه لمجرد انه يروح يدرس انجليزي !!
.
انت لو مكان القنصل واتقدملك حد بالغرض ده من السفر .. هتقبله ؟؟ .. دي نقطه
.
ايه الحل ؟
انك تقدم سبب مقنع لدراسه اللغه بأنه يكون معاك اصلا شهادة معتمدة من بلدك انك درست انجلش و وصلت لمستوي معين في اللغه لكن المستوي دة مش كافي ليك وعايز تدرس كورس مكثف للغه في كندا او استراليا
.
ركز يابني الله يرضي عليك الكلام دة مهم فشخ !
يعني انت مثلا تكون اولريدي خدت ايلتس بس يادوب جبت فيه سكور ضعيف زي 5 مثلا ومعاك شهادة معتمدة بكدة ..أو مثلا خدت كورسات معتمده و وصلت ل مستوي B2 مثلا
.
ساعتها لما تحب تقدم تقدم وتقول ان سبب السفر انك تدرس كورس مكثف للغه اللي اصلا انت درستها كويس بس مش بشكل كافي ومعايا ورق اني درستها فعلا في مصر بس عايز اكمل دراستها الحقيقه ف كندا او استراليا كورسات مكثفه عشان اوصل لل native english بقي
.
يعني عشان تقدم علي فيزا لغه لبلاد المهجر لازم تكون انت اصلا درست اللغه في بلدك ومعاك شهادة بكدة لكن لو ممعاكش شهادة وهتقول الكلام العبيط بتاع اختلط بالاجانب وامارس اللغه مع متحدثين اصليين والهري ده هتترفض انت حر
.
.
يا احمد مهو مفيش انترفيو اصلا في سفاره كندا او استراليا ! هقول واشرح الكلام دة كله ازاي ؟؟
.
بحاجه اسمها explanation letter بتكتبها مع الاوراق المتقدمه ودي بتشرح فيها الغرض من السفر وكمان ترفق مع باقي الاوراق شهادة الايلتس او الشهادة المعتمدة اللي خدتها من مصر
.----------------------------------------------------------------------------
النقطه التانيه : وضع الجامعه اللي هتدرس فيها و مدة الدراسه اللي هتقدم عليها
.
نفترض القنصل اقتنع بكل الهري ده و معندوش مشكله انك تدرس لغه في بلده ..
.
يبقي ساعتها اختار جامعه في بلده تكون هي التوب .. تكون الاولي علي العالم .. تكون من ال 10 الاوائل عشان يبان انك فعلا رفضت كل الجامعات والمعاهد اللي في بلدك و رفضت كمان كل الجامعات والمعاهد اللي في انجلترا واوروبا عشان تروح بقي لأحسن مكان في العالم في بلده دي ..
.
مش تقوم رافض كل الجامعات والمعاهد اللي في بلدك وكل الجامعات والمعاهد اللي في انجلترا واوروبا عشان تروح تدرس في معهد بير سلم و نص لبه في كندا ولا استراليا ب 200 دولار في الشهر وقال ايه يخويا عايز تتعلم انجليزي وتاخد شهادة معتمدة !!
.
وكمان مدة الدراسه لازم لازم لازم تكون طويله سنه مثلا مش تقوله عايز اتعلم شهرين وارجع .. يعني معقول هتكلف نفسك كل التكاليف دي عشان تروح تدرس شهرين ولا تلاته فقط ؟؟
.
لما تحب تصيع .. صيع بحرفنه مش بغشوميه كدة .. ودة تاني اكبر سبب للرفض .. الاسترخاص
.
اغلب المصريين بيشوفوا ارخص ارخص ارخص جامعه أو معهد ويراسلوها عشان يجيبولها قبول .. ولو دوروا علي الجامعات العالميه الغاليه بيدوروا علي البرامج القصيره جدا اللي هي يادوب شهر ولا اتنين عشان ميدفعوش كتير وطبعا لما يروح السفاره بيلاقي الرفض المتين
.------------------------------------------------------------------------------------
النقطه التالته : اثبات قدرتك علي تحمل تكاليف الدراسه + اثبات روابط قويه بمصر وانك هترجع تاني
.
نفترض انك اقنعت القنصل بغرض الدراسه و كمان جبت قبول جامعي من اقوي جامعه بتتدرس لغه في بلده ومده الدراسه كانت طويله وكله تمام
هيتفضل مشكلتين ..
.
المشكله الاولي اثبات قدرتك علي تحمل تكاليف الدراسه .. ودة عن طريق انه لازم يكون عندك حساب بنكي قوي يغطي تكاليف الدراسه بالكامل في فتره دراستك ويكون عليه حركه سحب وايداع مش مجرد حساب راكد
يعني مثلا
لو الدراسه تكاليفها ب 1000 دولار ف الترم ساعتها كشف حسابك لازم يكون 2000 دولار
لو تكاليف الدراسه ب 2000 دولار ف الترم ساعتها كشف حسابك لازم يكون ب 3000 دولار
.
فاهمني ؟ كشف حسابك يكون مغطي تكاليف الدراسه والمعيشه بتاعتك هناك عشان يقتنعوا انك فعلا رايح تدرس وعندك فلوس انك تدرس عندهم وتصرف علي نفسك
.
المشكله التانيه اثبات روابط قويه بمصر وانك هترجع تاني بعد انتهاء الدراسه .. ودة عن طريق انه يكون ليك وظيفه في مصر ثابته .. بتقبض مرتب ومستقر .. عندك عيله واولاد هترجعلهم .. عندك املاك و ودائع في البنك وهكذا
.
لو قدرت تحقق كل الحاجات دي هتقدر تاخد فيزا دراسه اللغه لبلد المهجر ..
----------------------------------------------------------------------------------------
طب يا دكتره .. انا عايز اروح نيوزيلاندا او امريكا و عمال اسمع فيديوهات لمحمود بيومي وسمعت عن ارخص معاهد ف نيوزيلاندا وامريكا وبتاخد بيها اقمه دراسه ومش شرط معاهد عالميه والكلام دة
الناس دي بتقول اي كلام ولا انت ايه رأيك ؟؟
.
كلامهم صح 100 % بس الكلام ده يا حبيبي لما تكون انت موجود علي ارض البلد نفسها .. بمعني .. انت خلاص وصلت نيوزيلاندا ولا امريكا بأي طريقه ..
سباحه بقي .. باراشوت .. بطاقيه الاخفاء .. ايا كان يعني ..
.
ساعتها عشان تحول فيزا السياحه او اي فيزا دخلت بيها لدراسه لغه وتاخد اقامه طالب .. مش لازم وقتها تروح افشخ معهد لغه وتدفع 500 مليون دولار ف المعهد عشان تحول الفيزا
لا ساعتها اختار اي معهد عبيط وارخص معهد في امريكا او نيوزيلاندا وهيتحولك عليه الفيزا عادي
.
لكن كل كلام البوست بتاعي ده علي الناس اللي هتسافر من مصرررررررررررر نقول تاني البوست ده علي الناس اللي اولريدي مش موجودة في البلاد دي ولسه هتسافر من مصرررررررر
يعني هتقدم اوراق دراسه اللغه مباشره من السفاره في مصررررر .. لكن لو انت اصلا موجود ف البلاد دي فكدة مش محتاج كل البوست ده اصلا ويادوب هتحجز ف اي معهد لغه وتحول عليه فيزتك وتاخد اقامه دراسه
-------------------------------------------------------------------------
مش ناسي بوست ال freelancer بس بيستوي علي نار هاديه عشان تاخد حاجه نضيفه شغل فنادق كالعادة
#اقعدوا_بالعافيه
---------------------------------------------------------------------------------------
اكثر طريقه المصريين بيسعوا فيها انهم يروحوا كندا او استراليا او نيوزيلاندا عن طريق انك تجيب قبول من اي معهد لغه وتاخد فيزا دراسه وتسافر عن طريقها لبلاد المهجر
.
لكن للاسف كلهم بيترفضوا رفض جماعي بسبب الطريقه دي
.
في الحقيقه ان فيزا اللغه لبلاد المهجر .. نكرر تاني لبلاد المهجر بالتحديد هي صعبه جدا للناس من مصر .. السفارات مش بتعند معاك .. كل الحوار ان ليها شويه متطلبات .. لازم تحققها عشان يدوك فيزا تسمحلك بدخول اراضيهم والدراسه فيها ..
.------------------------------------------------------------------------------------
اي فيزا دراسه لاي بلد مهجر زي كندا استراليا نيوزيلاندا .. بتعتمد علي حاجتين :
1- شروط الدراسه نفسها واللي بتتمثل في : قبول جامعي + مصاريف الدراسه
.
2- شروط السفاره نفسها وبتتمثل في قدرتك علي اقناع القنصل بالغرض من الدراسه و قدرتك علي اثبات روابط قويه بمصر وانك هترجع مصر بعد انتهاء مدة دراستك
.-----------------------------------------------------------------------------------
النقطه الاولي : ليه القنصل مش بيقتنع بالغرض من السفر ؟؟
.
القنصل لاي بلد مهجر اول سؤال بييجي في باله .. اشمعني بلدنا ؟ ليه واحد من الشرق الاوسط يختار بلدنا بالتحديد عشان يدرس لغه ؟
.
ليه واحد من الشرق الاوسط يختار اخر بلاد المسلمين واللي بتبعد عن بلده ب ملايين الكيلومترات لمجرد انه يروح يتعلم انجليزي ؟
.
يعني ساب اليوتيوب و ال self study و الاميديست و المركز الثقافي البريطاني و IDP والجامعه الامريكيه وكل المراكز المعتمدة اللي في بلده ...
وساب كل بلاد اوروبا وكل بلاد اسيا القريبه منه .. وساب انجلترا نفسها اصل الانجلش في العالم
و ساب كل البلاد دي
عشان يروح اخر بلد في القطب الشمالي زي كندا أو بلد ف ابعد قاره زي استراليا ويصرف 500 دولار تذكره طيران و زيهم 10 مرات اقامه وسكن وفواتير ومصاريف خلال فتره الدراسه لمجرد انه يروح يدرس انجليزي !!
.
انت لو مكان القنصل واتقدملك حد بالغرض ده من السفر .. هتقبله ؟؟ .. دي نقطه
.
ايه الحل ؟
انك تقدم سبب مقنع لدراسه اللغه بأنه يكون معاك اصلا شهادة معتمدة من بلدك انك درست انجلش و وصلت لمستوي معين في اللغه لكن المستوي دة مش كافي ليك وعايز تدرس كورس مكثف للغه في كندا او استراليا
.
ركز يابني الله يرضي عليك الكلام دة مهم فشخ !
يعني انت مثلا تكون اولريدي خدت ايلتس بس يادوب جبت فيه سكور ضعيف زي 5 مثلا ومعاك شهادة معتمدة بكدة ..أو مثلا خدت كورسات معتمده و وصلت ل مستوي B2 مثلا
.
ساعتها لما تحب تقدم تقدم وتقول ان سبب السفر انك تدرس كورس مكثف للغه اللي اصلا انت درستها كويس بس مش بشكل كافي ومعايا ورق اني درستها فعلا في مصر بس عايز اكمل دراستها الحقيقه ف كندا او استراليا كورسات مكثفه عشان اوصل لل native english بقي
.
يعني عشان تقدم علي فيزا لغه لبلاد المهجر لازم تكون انت اصلا درست اللغه في بلدك ومعاك شهادة بكدة لكن لو ممعاكش شهادة وهتقول الكلام العبيط بتاع اختلط بالاجانب وامارس اللغه مع متحدثين اصليين والهري ده هتترفض انت حر
.
.
يا احمد مهو مفيش انترفيو اصلا في سفاره كندا او استراليا ! هقول واشرح الكلام دة كله ازاي ؟؟
.
بحاجه اسمها explanation letter بتكتبها مع الاوراق المتقدمه ودي بتشرح فيها الغرض من السفر وكمان ترفق مع باقي الاوراق شهادة الايلتس او الشهادة المعتمدة اللي خدتها من مصر
.----------------------------------------------------------------------------
النقطه التانيه : وضع الجامعه اللي هتدرس فيها و مدة الدراسه اللي هتقدم عليها
.
نفترض القنصل اقتنع بكل الهري ده و معندوش مشكله انك تدرس لغه في بلده ..
.
يبقي ساعتها اختار جامعه في بلده تكون هي التوب .. تكون الاولي علي العالم .. تكون من ال 10 الاوائل عشان يبان انك فعلا رفضت كل الجامعات والمعاهد اللي في بلدك و رفضت كمان كل الجامعات والمعاهد اللي في انجلترا واوروبا عشان تروح بقي لأحسن مكان في العالم في بلده دي ..
.
مش تقوم رافض كل الجامعات والمعاهد اللي في بلدك وكل الجامعات والمعاهد اللي في انجلترا واوروبا عشان تروح تدرس في معهد بير سلم و نص لبه في كندا ولا استراليا ب 200 دولار في الشهر وقال ايه يخويا عايز تتعلم انجليزي وتاخد شهادة معتمدة !!
.
وكمان مدة الدراسه لازم لازم لازم تكون طويله سنه مثلا مش تقوله عايز اتعلم شهرين وارجع .. يعني معقول هتكلف نفسك كل التكاليف دي عشان تروح تدرس شهرين ولا تلاته فقط ؟؟
.
لما تحب تصيع .. صيع بحرفنه مش بغشوميه كدة .. ودة تاني اكبر سبب للرفض .. الاسترخاص
.
اغلب المصريين بيشوفوا ارخص ارخص ارخص جامعه أو معهد ويراسلوها عشان يجيبولها قبول .. ولو دوروا علي الجامعات العالميه الغاليه بيدوروا علي البرامج القصيره جدا اللي هي يادوب شهر ولا اتنين عشان ميدفعوش كتير وطبعا لما يروح السفاره بيلاقي الرفض المتين
.------------------------------------------------------------------------------------
النقطه التالته : اثبات قدرتك علي تحمل تكاليف الدراسه + اثبات روابط قويه بمصر وانك هترجع تاني
.
نفترض انك اقنعت القنصل بغرض الدراسه و كمان جبت قبول جامعي من اقوي جامعه بتتدرس لغه في بلده ومده الدراسه كانت طويله وكله تمام
هيتفضل مشكلتين ..
.
المشكله الاولي اثبات قدرتك علي تحمل تكاليف الدراسه .. ودة عن طريق انه لازم يكون عندك حساب بنكي قوي يغطي تكاليف الدراسه بالكامل في فتره دراستك ويكون عليه حركه سحب وايداع مش مجرد حساب راكد
يعني مثلا
لو الدراسه تكاليفها ب 1000 دولار ف الترم ساعتها كشف حسابك لازم يكون 2000 دولار
لو تكاليف الدراسه ب 2000 دولار ف الترم ساعتها كشف حسابك لازم يكون ب 3000 دولار
.
فاهمني ؟ كشف حسابك يكون مغطي تكاليف الدراسه والمعيشه بتاعتك هناك عشان يقتنعوا انك فعلا رايح تدرس وعندك فلوس انك تدرس عندهم وتصرف علي نفسك
.
المشكله التانيه اثبات روابط قويه بمصر وانك هترجع تاني بعد انتهاء الدراسه .. ودة عن طريق انه يكون ليك وظيفه في مصر ثابته .. بتقبض مرتب ومستقر .. عندك عيله واولاد هترجعلهم .. عندك املاك و ودائع في البنك وهكذا
.
لو قدرت تحقق كل الحاجات دي هتقدر تاخد فيزا دراسه اللغه لبلد المهجر ..
----------------------------------------------------------------------------------------
طب يا دكتره .. انا عايز اروح نيوزيلاندا او امريكا و عمال اسمع فيديوهات لمحمود بيومي وسمعت عن ارخص معاهد ف نيوزيلاندا وامريكا وبتاخد بيها اقمه دراسه ومش شرط معاهد عالميه والكلام دة
الناس دي بتقول اي كلام ولا انت ايه رأيك ؟؟
.
كلامهم صح 100 % بس الكلام ده يا حبيبي لما تكون انت موجود علي ارض البلد نفسها .. بمعني .. انت خلاص وصلت نيوزيلاندا ولا امريكا بأي طريقه ..
سباحه بقي .. باراشوت .. بطاقيه الاخفاء .. ايا كان يعني ..
.
ساعتها عشان تحول فيزا السياحه او اي فيزا دخلت بيها لدراسه لغه وتاخد اقامه طالب .. مش لازم وقتها تروح افشخ معهد لغه وتدفع 500 مليون دولار ف المعهد عشان تحول الفيزا
لا ساعتها اختار اي معهد عبيط وارخص معهد في امريكا او نيوزيلاندا وهيتحولك عليه الفيزا عادي
.
لكن كل كلام البوست بتاعي ده علي الناس اللي هتسافر من مصرررررررررررر نقول تاني البوست ده علي الناس اللي اولريدي مش موجودة في البلاد دي ولسه هتسافر من مصرررررررر
يعني هتقدم اوراق دراسه اللغه مباشره من السفاره في مصررررر .. لكن لو انت اصلا موجود ف البلاد دي فكدة مش محتاج كل البوست ده اصلا ويادوب هتحجز ف اي معهد لغه وتحول عليه فيزتك وتاخد اقامه دراسه
-------------------------------------------------------------------------
مش ناسي بوست ال freelancer بس بيستوي علي نار هاديه عشان تاخد حاجه نضيفه شغل فنادق كالعادة
#اقعدوا_بالعافيه