ياجماعة دلوقتي بالنسبة لموضوع الناس اللي عاوزه...

  • بادئ الموضوع بادئ الموضوع Tarek Hashem
  • تاريخ البدء تاريخ البدء
T

Tarek Hashem

:: مسافر ::
ياجماعة دلوقتي بالنسبة لموضوع الناس اللي عاوزه تروح روسيا وتحضر كأس العالم
حتي هذه اللحظة تقريباً لسه أكتر من 50% من ال 32 فريق اللي المفروض ينافسو في كأس العالم لم تحدد هوياتهم و مع ذلك الفيفا طرحت الدفعة الاول من التذاكر للبيع و اللي هي مرحلة من ضمن 5 مراحل كالأتي:

أولاً :
14 sep 2017 ~ 12 Oct 2017دي هتبقي اختيار بالقرعة
يعني حضرتك تدخل تشتري في الفترة دي و بعدين تستني النتيجة اللي هتبقي في نص نوفمبر ، بمعني أنك هتدخل تشتري و في ملاااين غيرك عاوزين برضو يشترو نفس التذاكر دي فالفيفا بتعمل قرعة انت وحظك .
- طيب ما كسبتش اعمل ايه ؟
نروح لثانياً:

16 Nov 2017 ~ 28 Nov 2017
و دي مرحلة اسمها First come First served
اللي هو الحجز بالأسبقية حتي نفاذ كمية المرحلة دي

نروح لثالثاً :
05 Dec 2017 ~ 31 Jan 2018
و دي هتبقي زي المرحلة الأولي بالقرعة برضو

رابعاً :
13 Mar 2018 ~ 03 Apr 2018
First come First served
حجز بالأسبقية

خامساً و أخيراً:

18 Apr 2018 ~ 15 Jul 2018
دي زي حجز رحلات الطيران كده اسمها
Last minute sales
اللي هو انت وحظك

طيب انا عاوز أحجز قبل ما المرحلة الاولي ما تقفل بس خايف أحجز و منتخب بلادي لسه مش متأكد انه هيوصل ولا لاء !!!

في option و انت بتحجز انك تختار متشات المنتخب اللي انت عاوز تحضر ماتشاته و كده كده بيتعملك Authorization علي الفيزا كارد بتاعك و ما بيسحبش فلوس منه غير لو كسبت في قرعة المرحلة الأولي اللي من ضمن مميزاتها انهم هيوصلولك التذاكر لحد بيتك for free علشان كده اللي عاوز يروح روسيا فعلا يلحق يقدم من دلوقتي فاضل اربع ايام علي المرحلة الأولي ما تقفل ، خللي بالك انهم مش مستنينك علشان يدوك التذاكر لان فعلا الضغط كبير من مل حته في العالم .
انا حجزت تذاكر ماتشات منتخب مصر من اسبوعين فاتو و طريقة الحجز في الصور مع البوست اللي عاوز يسأل او يستفسر .
بالنسبة للفيزا ، روسيا شالت الفيزا أثناء فترة كأس العالم لأي حد عاوز يجي ، بس استبدلته بحاجة اسمها FAN ID
الID ده هو اهم حاجة في الموضوع كله ، ده اللي هيدخلك روسيا و من غيره ما تعرفش تدخل اي stadium
يتعمل ازاي ال FAN ID ؟
من خلال الموقع ده : www.fan-id.com
هيكون في application هتتملي بس فيها بيانات متوقفه علي الtickets اللي هتشتريها و اللي هتوصلك .
معني الكلام ده انك هتبدأ حوار ال FAN-ID ده بعد ما التذاكر توصلك ، تمام .
ال FAN-ID ده هيديك free transportation بيت المدن اللي هتستضيف المباريات من buses & trains

ده لينك علشان تدخل تحجز المرحلة الاولي :
/2018 FIFA World Cup Russia™ - Purchase your tickets here - FIFA.com

هتدخل تعمل account عادي و تمشي خطوة خطوة زي اللي في الصور مع البوست

اي استفسار اتفضلو
RnGCKo1x4c7XIK0pb2hL1M3IWiY8Ao8C.jpeg

RnGCKo1x4c7XIK0pb2hL1M3IWiY8Ao8C.jpeg

RnGCKo1x4c7XIK0pb2hL1M3IWiY8Ao8C.jpeg

RnGCKo1x4c7XIK0pb2hL1M3IWiY8Ao8C.jpeg
 
Mohammad Abdelhakam, Khaled Saeed لقيتكم بتفكروا قلت اشاركوا ويمكن بقى :D
 
أعلى