H
Halla Tarek Ali
:: مسافر ::
شتوتجارت - ألمانيا
اول مرة أسافر برة مصر كانت فى شتوتجارت و هى اللى حببتنى فى السفر اصلا
شتوتجارت يعنى تلات حاجات مشهورة بيهم جدا (الخمرة -الخنزير - العربيات) ده غير أنها من أغلى البلاد اللى ممكن الواحد الالمانى يعيش فيها ....
طيب ليه الخمرة مشهورة بيها ؟! عشان زمان أيام الملك كان عامل نافورة كبيرة فى الشارع سبيل يعنى تطلع خمرة للشعب ليه برضو عشان مزارع العنب الكتيييرة اللى منتشرة على الجبال ف بالتالى بيصنعوا ال Red & white wine بجودة ممتازة جدا لدرجة أنه من أجود و أفخر أنواع الخمور المصنعة فى شتوتجارت.
طيب تانى حاجة الخنزير .... هناك متحف الخنزير الناس بتروح تتفرج على خط انتاج الخنزير و هم خارجين ياخدوا معاهم منتجات بجودة ممتازة برضو.
طب و آخر حاجة العربيات .... العربيات هناك متلاقيش غير بورش و مرسيدس حتى التاكسى يا اخى و ده ليه ؟! عشان مصنع مرسيدس و بورش هناك ده غير كل واحد عامل متحف يبقى عندنا متحف مرسيدس و متحف بورش.
الشوكلاته هناك حلوة برضو
انا لفيت الحتت ديه فى أول يوم لانى كنت راحة أحضر مهرجان الرسوم المتحركة هناك اللى هى شتوتجارت مشهورة بأنها بتعمل أكبر مهرجان للرسوم المتحركة كمان. ... ده غير فى فترة المهرجان بيبقى فى شاشة كبيرة بتعرض افلام animation طول اليوم 24 ساعة و الناس تعد ف الجنينة و تتفرج و افلام جديدة و قديمة. حتى افلام إنتاج ديزنى بتعرض فى المهرجان عشان تنافس و تاخد جوايز.
انا خدت ال city tour bus و لفيت الحتت ديه التذكرة ب 12 يورو بيقف فى محطات تنزل تتفرج و تاخد الأتوبيس اللى بعده عادى بنفس التذكرة. . فى اتوبيس بييجى كل 45 دقيقة فى كل محطة. للأسف مكنش عندى وقت أنزل فى كل محطة بس اللى كان نفسى أنزل عندها مزارع العنب على الجبل. .. نفسى اروح تانى .
ملحوظات ع السريع ...
البلد غالية اللى هيشترى souvenirs يخلى باله الشيكولاتة حلوة لو هدايا .... السوبرماركت عند محطة القطر اسعارة حلوة ... دخول الحمام فى الشارع ب 1 يورو و ليك مرتين تدخل بيهم .. تذكرة الحمام عاملة زى تذكرة المترو عندنا كدة .
الناس هناك مش بيعرفوا انجليزى اوى ... كنت بسال على عنوان هناك محدش رد.
من الأماكن التحفة هناك ال Black forest الغابة السوداء تحفة جدا اتفرجوا على جوجل هتنبسطوا بس هى بعيدة عن شتوتجارت بشوية و عايزالها يوم لوحده من الصبح لبليل ... جو تانى
من الحاجات الطريفة ... إن كان فى سوق هناك( صورته تحت) عديت عليه و علمت بيه الشارع .. وأنا مروحة لقيت لموه. .. ف تهت
قضيت 4 ايام كانوا حلوين جدا الحمد لله ☺
اول مرة أسافر برة مصر كانت فى شتوتجارت و هى اللى حببتنى فى السفر اصلا
شتوتجارت يعنى تلات حاجات مشهورة بيهم جدا (الخمرة -الخنزير - العربيات) ده غير أنها من أغلى البلاد اللى ممكن الواحد الالمانى يعيش فيها ....
طيب ليه الخمرة مشهورة بيها ؟! عشان زمان أيام الملك كان عامل نافورة كبيرة فى الشارع سبيل يعنى تطلع خمرة للشعب ليه برضو عشان مزارع العنب الكتيييرة اللى منتشرة على الجبال ف بالتالى بيصنعوا ال Red & white wine بجودة ممتازة جدا لدرجة أنه من أجود و أفخر أنواع الخمور المصنعة فى شتوتجارت.
طيب تانى حاجة الخنزير .... هناك متحف الخنزير الناس بتروح تتفرج على خط انتاج الخنزير و هم خارجين ياخدوا معاهم منتجات بجودة ممتازة برضو.
طب و آخر حاجة العربيات .... العربيات هناك متلاقيش غير بورش و مرسيدس حتى التاكسى يا اخى و ده ليه ؟! عشان مصنع مرسيدس و بورش هناك ده غير كل واحد عامل متحف يبقى عندنا متحف مرسيدس و متحف بورش.
الشوكلاته هناك حلوة برضو
انا لفيت الحتت ديه فى أول يوم لانى كنت راحة أحضر مهرجان الرسوم المتحركة هناك اللى هى شتوتجارت مشهورة بأنها بتعمل أكبر مهرجان للرسوم المتحركة كمان. ... ده غير فى فترة المهرجان بيبقى فى شاشة كبيرة بتعرض افلام animation طول اليوم 24 ساعة و الناس تعد ف الجنينة و تتفرج و افلام جديدة و قديمة. حتى افلام إنتاج ديزنى بتعرض فى المهرجان عشان تنافس و تاخد جوايز.
انا خدت ال city tour bus و لفيت الحتت ديه التذكرة ب 12 يورو بيقف فى محطات تنزل تتفرج و تاخد الأتوبيس اللى بعده عادى بنفس التذكرة. . فى اتوبيس بييجى كل 45 دقيقة فى كل محطة. للأسف مكنش عندى وقت أنزل فى كل محطة بس اللى كان نفسى أنزل عندها مزارع العنب على الجبل. .. نفسى اروح تانى .
ملحوظات ع السريع ...
البلد غالية اللى هيشترى souvenirs يخلى باله الشيكولاتة حلوة لو هدايا .... السوبرماركت عند محطة القطر اسعارة حلوة ... دخول الحمام فى الشارع ب 1 يورو و ليك مرتين تدخل بيهم .. تذكرة الحمام عاملة زى تذكرة المترو عندنا كدة .
الناس هناك مش بيعرفوا انجليزى اوى ... كنت بسال على عنوان هناك محدش رد.
من الأماكن التحفة هناك ال Black forest الغابة السوداء تحفة جدا اتفرجوا على جوجل هتنبسطوا بس هى بعيدة عن شتوتجارت بشوية و عايزالها يوم لوحده من الصبح لبليل ... جو تانى
من الحاجات الطريفة ... إن كان فى سوق هناك( صورته تحت) عديت عليه و علمت بيه الشارع .. وأنا مروحة لقيت لموه. .. ف تهت
قضيت 4 ايام كانوا حلوين جدا الحمد لله ☺