يا جماعه بليز اللي سافر برشلونه ممكن تفدوني...

  • بادئ الموضوع بادئ الموضوع Manal Maged
  • تاريخ البدء تاريخ البدء
عرض العطلة
#21
مش لازم في السنتر
المترو هناك روعه وبتوصلي لاي مكان عاوزاه
طبعا
فانيليا سيچرادا لازم تتراح
ونصيحتي ما تدخوليهاش اللا لو حاجزه تطلعي الأدوار اللي فوق الأبراج بتاعتها
بارك چاودي جميله وروعه
الاكوا هناك جميل
إستاد برشلونة
ولازم تاخدي city tour حلو جدا وهيعرفك حاجات تعمليها رايي تبداي بيه
 
#22
الفنادق الى موجوده فى السنتر غاليه ودوشه ، تقدروا تحجزوا فنادق تكون قريبه من محطه مترو وخلال دقايق توصلوا للسنتر ، وده هيوفر حجوزات اكثر وراحه من الزحمه والدوشه
فى الصوره اسماء المحطات المترو لخط رقم L1 فى النص محطه كتالونيا الى هى وسط البلد ، ممكن تختاروا اسم محطه من اليمن والشمال وتحددوا فندق مناسب ليكم اخر محطه من اليمين اسمها جلوريا ومن الشمال اسبانيا، وتستخدموا تذكره اسمها T1 Zona 1 سعرها ٩،٩٠€ بتستخدم ١٠ رحلات ليها مده ساعه وربع تقدروا تستخدموها
-il21X_D9NSaOjJsvFq7hZFMAZpw2Rzs.jpeg
 
#23
بالنسبه للاماكن والمزارات، لازم تبتدى ببرشلونه القديمه، بدايه من الحى القوطى وتاريخ الرومان والحرب الاهليه وكتدرائيه برشلونه والمعمار القوطى وتاريخ من القرن الاول لحد القرن ١٤ ، ومنطقه البورن الى فيها آثارات الرومان وقوس النصر ، وبعد كده منطقه الربال،المودرنسم الى بيكون فى شارع جراسيا وبيوت جاودى لحد سجرادا دى فاميليا كل ده بيخلص فى يومين.
 
#24
الاوتوبيس السياحى الى بيودى الاماكن البعيده زى بارك جويل و الكامبنو بيلف برشلونه من الساعه ٨:٣٠ الصبح لحد ٨:٣٠ بليل
 
#25
#معلومات_عامة_عن_اسبانيا

تتميز إسبانيا بالثقافة والتقاليد التي تختلف من مكان إلى آخر بها، فنجد السكان المحليين يتحدثون بلغات ولهجات مختلفة. هنا بعض من الـ حقائق عن إسبانيا ستكون وبلا شك مدهشة للوافدين الجدد

ليس كل الإسبان يتكلون الإسبانية، إذ إنها لا تعتبر بالنسبة للكثيرين اللغة الأم. على سبيل المثال في برشلونة يتكلمون الكاتالونية، وفي سان سيباستيان وبيلباو يتكلمون الباسكية، وغاليسيا يتكلمون الجاليكية، وغيرها من المناطق التي تتحدث بلهجات مختلفة.

درجة الحرارة في إشبيلية وقرطبة عالية جداً، حيث تصل إلى حوالي 40 درجة مئوية. هذا هو السبب في أن سكان إسبانيا معتادون على قيلولة بعد الظهر.

هناك 17 منطقة حكم ذاتي في إسبانيا، وكل منها له ثقافة فريدة.

الطعام في إسبانيا ليس جيد فقط، بل إنه يعتبر الأفضل في العالم. حيث يوجد في إسبانيا أفضل مطعم في العالم وهو “سيلير دي كان روكا”.

الإسبان لا يتكلمون باللغة الإنجليزية، وهذا يعني أنهم غير ودودين معها.

الطابع الأوروبي لا يشمل إسبانيا بالكامل، إذ إنه هناك مجموعة من المدن مثل قرطبة وغرناطة واليكانتي وإشبيلية، تتسم العمارة بها بالطراز المغربي الإسلامي.

معبدة فاميليا “كنيسة العائلة المقدسة” في برشلونة، يعتبر واحد من الهياكل المعمارية المذهلة على وجه الأرض.

إذا كنت تُخطط للتسوق من المحلات التجارية بين الساعة الثانية والرابعة بعد الظهر، فسوف تواجه خيبة أمل كبيرة، إذ إنه يتم إغلاق جميع المحلات التجارية، حيث يقوم البائعين بأخذ قيلولة في ذلك الوقت. هذا لا ينطبق على مدريد وبرشلونة.

السفر إلى أوروبا ليس رخيصاً، ولكن الأسعار في إسبانيا تبدو معقولة مقارنة مع الدول الأخرى.

من السهل أن تقع في حب مدن إسبانيا مثل سان سيباستيان، وفالنسيا، وبرشلونة، وإشبيلية، وقادش، ولكن ستكون رحلتك أجمل عند الابتعاد عن المدن الكبيرة، واستكشاف الجانب الطبيعي من هذه الدولة مثل وديان ومنحدرات غاليسيا، وتلال أندلسيا، وكروم العنب وجبال ملقا.

العديد من المطاعم لا تفتح قبل الساعة العاشرة مساءً، إذ إن الإسبان يتناولون العشاء من العاشرة حتى منتصف ال

مهرجانات إسبانيا ليست فقط سوى مهرجان التراشق بالطماطم أو سان فيرمين “مهرجان الثيران”. إذ إن هناك الكثير من المهرجانات والفعاليات الأخرى بالإضافة إلى العديد من الأعيادة والمناسبات المقدسة في تلك الدولة.
مع تحيات
#ميدل_إيست_فيزا_لخدمات_رجال_الأعمال
 
عرض العطلة
#26
#أسبانيا
Travel Review"

-فيه دول كدة اول متنزل من الطيارة تحس نفسك مرتاح .. تحس نفسك ممكن تعيش فيها .. أسبانيا واحدة من الدول دى ويمكن انا محستش كدة فى اى بلد .. اطول اجازة قضتها فى اسبانيا .!

#نيجى لبرشلونة بالتحديد .. هى مدينة متكاملة..فيها كل حاجة .. يعنى فيها شواطئ وأماكن تاريخية وكل حاجة عايزها ده غير ان الناس دمهم خفيف ويتحبوا جدا..اول مبتنزل المطار فيه باص اسمه Aero bus ومكتوب عليه كده بالعرض بتسأل عليه بيوصلك الميدان اللى هو وسط البلد ب ٦ يورو..وده احسن طريقة انك تروح وترجع للمطار...بينزلك ميدان كاتالونيا plaza de catalunya..

#خط المترو سهل فى البلد وهو اللى هتبقى بتستخدمه عامة فالأفضل تكون ساكن جنب محطة مترو .. افضل حاجة فى اسبانيا انك تجيب تذكرة مترو ب ١٢ يورو فيها عشر رحلات ذهاب وعودة ودى بتستخدم فى الباص والمترو والترام ودى غالبا هتقضيك الفترة اللى قاعدها وهتوفر عليك .!

-برشلونة فيها اماكن لا تحصى وجميلة جمال يخطف القلب هتبقى مش عايز تروح اصلا او ترجع بلدك..هقول الأماكن الأجمل انها تتزار..

plaza de catalunya ده الميدان اللى غالبا معظم وقتك هتقضيها فيه حتى لو بتتمشى على رجليك بس هتبقى مبسوط

La Boqueria ده سوق لازم تروحه مش عشان تجيب منه بس عشان تتفرج على السمك والفاكهة وكل حاجة شكلها عامل ازاى..مبهر جدا

Ramblas de canaltesو port vell
دى زى ميناء لليخوت وبحر والقعدة هناك ترد الروح الحقيقة


La Barceloneta
ده بقى شاطئ البحر والكورنيش ممكن تقعد هناك وتعمل خيمة اصلا مش هتروح

El porn

ده مكان كانوا بيعملوه سوق وهما بيحفروا لقوا برشلونة القديمة واثار راحوا محاوطينه كله وسابوا الأثار كمزار

s.Mary of the sea

كنيسة كبيرة ومن جوا جميلة جدا

Cathedral of Barcelona

ودى الكاتدرائية وهى من معالم برشلونة المشهورة جدا عشان شكلها مبدع وقدامها ممشى كبير فيه موسيقى وناس بترقص ..مكان جميل جدا

El gòtic

دى برشلونة القديمة بقى..حاجة كدة شارع المعز بالمعمار القديم بالحوارى والمحلات الصغيرة..مكان مفرح جدا

parc guell,casa batllo

دى حديقة وبيت الحاج guell اللى هو من الاخر صاحب برشلونة ومعمارها..الراجل ده كان بيعمل معمار اللى بخزف ورسومات وحاجات غريبة جدا..كل حاجة حلوة موجودة هناك هو اللى عاملها..فيه حديقة كاملة فيها اعماله..والعمارة برضه اللى كان عايش فيها فى برشلونة.

Sagrada familia

دى الكنيسة العتيقة اللى من اكتر معالم برشلونة شهرة

ملحوظات سريعة:

-حاول تحضر ماتش كورة وانت هناك انا حضرت لريال مدريد :D
-لو عندك وقت اركب القطار السريع Avi تجربة متتعوضش وروح اى مدينة زى Girona او Saint fleiu من اجمل الاماكن اللى ممكن تشوفها فى حياتك

-الناس فى اسبانيا مبيتكلموش انجليزى كويس بس عادى عاملين زينا هيقف نص ساعة يوصفلك بالأسبانى
#صفحة_ميدل_إيست_فيزا_لخدمات_رجال_الأعمال
 
#30
في منطقة قريبة من محطة القطارات sants و من placa d'españa حلوة جدا و فيها محطات لاكتر من خط مترو و كمان قريبة من مزارات كتير و أماكن للشوبينج
 
عرض العطلة
#33
La Rambla من اهم المناطق وفيها كل احتياجاتك وكمان ممكن من
عندها تروحى ال Outlets فى منطقها
La Roca del Valles فيها اغلب التوكيلات باسعار كويسه
 
عرض العطلة
#37
انا قعدت فى ساجرادا فاميليل منطقة هادية و كويسة و قريبة من الساجرادا فاميليا و كنيسة العائلة المقدسة و مش بعيد قوى عن بلازا دى كاتالونيا اهم ميدان فى برشلونة.
فيه هناك اكشاك سياحة كتير تقدرى تاخدى منها معلومات و انتى هناك عن البلد.
المترو فى برشلونة فيه خطوط كتير رابطة كل البلد حرفيا يعنى ماتقلقيش من حتة المواصلات.
اول ما تنزلى المطار اطلبىى خريطة و برضه هتلاقى محطة اتوبيس كبيرة و كمان هتلاقى محطة قطر ضخمة هتوصلك لقلب البلد..
يعنى بلاش تركبى تاكسى.
فيه هناك برضه بيت الفنان بيكاسو لو حابة تزوريه.
بالنسبة للجو اعملى حسابك ان المطرة شديدة جدا فى برشلونة و ممكن تمطر بالساعات فاشترى شمسية.
 
عرض العطلة
عرض العطلة
عرض العطلة
أعلى أسفل
عودة
قائمة