السلام عليكم دي اول مرة اعمل بوست لحضراتكوا :...

  • بادئ الموضوع بادئ الموضوع Abdel Rahman Salah
  • تاريخ البدء تاريخ البدء
عرض العطلة
A

Abdel Rahman Salah

:: مسافر ::
#1
السلام عليكم دي اول مرة اعمل بوست لحضراتكوا :
#سؤال لاهل الخبرة
لو حد صاحب عمل في السويد باعتلي invitation زيارة عشان يعملي test او معايشة
ايه الاوراق المطلوبة
والمهنة الحالية في الباسبور حاصل على ، وانا محامي و الشغل ملوش علاقة بالدراسة
اغير المهنة و لا حاصل احسن ؟
وايه المفروض يُتبّع علشان الطلب ما يترفضش؟
و ايه الحاجات اللي لازم اراعيها عشان اخد الڤيزا ؟
و الموضوع ده بيمشي ولا في تعقيدات ؟
وشكرا جدا
 
#2
مفيش داعي لتغيير المهنة خاصة لو مش هتعرف تجيب HR letter
لو مكتوب في الدعوه ان الداعي هيتكفل بالمصاريف مش هحتاج كشف حساب بنكي بس اثبت ان عندك واحد يعني ورقه من البنك تثبت ان عندك حساب والرقم اللي فيه مش مهم
باقي الورق هيكون ورق الشنجين العادي "حجز طيران مبدئي، تأمين صحي.... إلخ"
اختار ابلكيش زياره مش عمل،، الفيزا القصيره اعتقد سهله مفيهاش مشكله لكن أقامة العمل هي اللي إجراءاتها معقده شويه وبتاخد وقت طويل
ربنا يوفقك
 
#4
اخي الكريم ما في تاشيرة للبحث عن عمل انما الانسب هو سياحة وانا بفضل ابعد عن سفارة السويد لانها حترفضك بنسبة 99 بالمية يعني خد شنغن من سفارة تانية كسائح فقط ولو حصل وسافرت مش من حقك تبقى في السويد حتى لو وقعت العقد لازم ترجع بلدك وتمشي باجراءات جديدة لاقامة العمل
 
عرض العطلة
#7
بص عن تجربة
ظبط كل اوراقك كويس جدا
اثبت دخلك
حساب بنكي كبيير على قد متقدر
صاحبك يضمنك
أعمل بروجرام في السويد واضح جداً و اثبت انك راجع مصر تاني على طول
 
#8
انسي الموضوع ...
الاسهل انك تشوفلك دولة تعمل عليها الشنجن فيزا و تسافر لها و من هناك تكلع على السويد
للعلم لو انت مفكر ان السويد حلوة للسياحة يبقي خليك قاعد ف مصر
حوار تكسر فيزا و الكلام دا انسي الموضوع الا بقي لو اتجوزت او عملت لجوء
 
#9
ممنوع تعمل تيست بفيزا زيارة ومافي صاحب عمل يخالف القانون ويعرض نفسه وشركته للمساءلة القانونية عشانك وحتى لو جيت ما راح ينفعك انك توقع على عقد عمل لأن من الأساس كسائح او زائر غير مسموح لك بالعمل
المهم لو صاحب العمل حاب يشغلك عنده في إجراءات كثيره مطلوبه منه انه يعملها وهو يعرفها وتاخذ من سنه الى سنه ونص وبعد ما ياخذ الموافقه من مكتب العمل وقتها يقدر يرسل لك عقد عمل وبناء عليه تاخذ فيزا عمل
عدا عن ذلك كل اللي يقدر يعمله لك هو انه يرسل لك كرت زياره
وقتها المطلوب منك ان وضعك يكون قوي جداً زي اي حد يقدم على فيزا سياحه. اذا وضعك قوي جداً ومعاك كرت زياره كان بها جرب حظك وقدم على زيارة مع نسبة قبول شبه معدومه
بس الأسهل والأضمن لك انك تقدم على فيزا سياحة في بلد فيزتها اسهل بالنسبه للمصريين ومنها تجي على السويد سياحة. المصريين اللي اعرفهم ودخلوا السويد سياحه كلهم بلا استثناء دخلوا بفيزا من فرنسا
أما عن المعايشه السويديين مش مغفلين وعارفين ان لا عبدالرحمن ولا حتى مينا المصري دينه وعاداته وتقاليده تسمح له بالمواضيع هذي وإجراءاتها أصعب من إجراءات لم شمل الزوج/الزوجة
 
عرض العطلة
عرض العطلة
عرض العطلة
أعلى أسفل
عودة
قائمة