S
Sūū Hilmy
:: مسافر ::
S
Samuel Nabil
:: مسافر ::
أسوان فى النوبة والنوبة فى أسوان، الفكرة ان بيكون أحياناً فيه تجمعات للنوبيين عايشين مع بعض فى اماكن معينة ومتفرقه فى أسوان وبيكونوا أحياناً عايشين مع الصعايدة!
الاماكن النوبية المشهورة اللى اغلب الناس بتروحها هى كالآتي :-
1/غرب سهيل ودى موقعها غرب النيل جنب خزان أسوان وبنزورها بطريقتين :-
أ/ مركب من اى مرسى على كورنيش أسوان والرحلة يتستغرق تقريباً من 30 الى 45 دقيقة وبتكون تحفة خصوصاً لو المراكبى دخل بيك وسط المحمية الطبيعية ''جزر سالوجا وغزال'' ولازم تتفق على السعر فى الأول سواء كان بالساعه او بالمشوار.
ب/ بتاكسى مخصوص او ميكروباص سرفيس من على الكورنيش لحد الخزان وبعدها توكتوك لحد جوا
2/ جزيرة سهيل ودى جزيرة فى وسط النيل بالظبط قدام منطقه غرب سهيل اللى حكينا عليها، جزيرة منعزلة عن العالم وما فيه وسيله النقل الوحيدة عليها هى التكتك وفيها اثار مصرية قديمة مهمة جدا زى نقش حجر المجاعه، وليها طريقتين بردو زى غرب سهيل
أ/ مركب من كورنيش اسوان .
ب/ تاكسى مخصوص لحد مرسى الجزيرة '' المكان اسمه نجع المحطة اخر الشارع اللى قدام التأمين الصحي على طريق الخزان ومن هناك هتعدى بزودياك فى النيل لان المسافه مابين الشرق والجزيرة صغيرة جداً. وممكن ميكروباص سرفيس صحارى بردو ينزلك عند التأمين ومن هناك تتمشى وسط البيوت النوبية فى نجع المحطة لحد المرسى.
3/جزيرة هيسا الجمييييييلة ❤ والهدوء هناك اكتر من غرب سهيل، موقعها بين خزان أسوان والسد العالى، وبتروحها بتاكسى لحد مرسى ''بتانول'' دا جنب خزان أسوان على طول وتاخد مركب من هناك للجزيرة.
4/جزيرة أسوان ودى موقعها فى وسط نيل أسوان. متقسمة ل 3 اجزاء الجزء الشمالى فيه منتجع موفينبيك الشهير اللى بيعتبر تانى اغلى فندق فى أسوان بعد اولد كتاركت''جراند اوتيل'' وبعد كدا القسم الوسط دى البيوت النوبية والجزء الجنوبى عبارة عن منطقة اثريه فيها معابد مصرية قديمة شبه مهدمة بالكامل وفيها متحف للاكتشافات فى الجزيرة وفيها هرم مصمت هناك اكتشفوه تحت انقاض المعبد اليهودى''اصل كان فيه حامية عسكرية يهودية فى الجزيرة زمان ايام عهد البطالمة'' . والجزيرة ليها 2 مرسى
-واحد قدام مديرية الامن جنب kfs
-التانى جنب حديقة فريال قدام سنترال أسوان العمومى.
5/غرب أسوان ودى بنروحها عن طريقين هقولك الأرخص والاسرع
ليها معدية أهالى بردو قدام محطة أسوان هتلاقى يافطة مكتوب عليها مرسى غرب أسوان تنزل تاخد المركب مع أهل البلد
وغرب اسوان ممكن تعمل فيها دى حاجتين احب اقولهالك.
الاول طبعاً تزور النوبيين وتشوف بيوتهم والاستايل بتاعهم الجميل
كمان تقدر تطلع تل ابو الهوا واللى فيه مقابر النبلاء اللى حكموا أسوان فى العصر الفرعونى وليها تذكرة ب 10 جنية للمصريين . وكنائس مهدمة من القرن الخامس الميلادى وقبة أبو الهوا من عندها هتشوف منظر نادر أنك تلاقى زييه.. أسوان كلها قدامك والنيل والجزر والجبل الرملى الاصفر والبلد حاجة روعه. انصحك تطلع فوق الأول وبعدين تنزل تتمشى فى القريه.
الاماكن النوبية المشهورة اللى اغلب الناس بتروحها هى كالآتي :-
1/غرب سهيل ودى موقعها غرب النيل جنب خزان أسوان وبنزورها بطريقتين :-
أ/ مركب من اى مرسى على كورنيش أسوان والرحلة يتستغرق تقريباً من 30 الى 45 دقيقة وبتكون تحفة خصوصاً لو المراكبى دخل بيك وسط المحمية الطبيعية ''جزر سالوجا وغزال'' ولازم تتفق على السعر فى الأول سواء كان بالساعه او بالمشوار.
ب/ بتاكسى مخصوص او ميكروباص سرفيس من على الكورنيش لحد الخزان وبعدها توكتوك لحد جوا
2/ جزيرة سهيل ودى جزيرة فى وسط النيل بالظبط قدام منطقه غرب سهيل اللى حكينا عليها، جزيرة منعزلة عن العالم وما فيه وسيله النقل الوحيدة عليها هى التكتك وفيها اثار مصرية قديمة مهمة جدا زى نقش حجر المجاعه، وليها طريقتين بردو زى غرب سهيل
أ/ مركب من كورنيش اسوان .
ب/ تاكسى مخصوص لحد مرسى الجزيرة '' المكان اسمه نجع المحطة اخر الشارع اللى قدام التأمين الصحي على طريق الخزان ومن هناك هتعدى بزودياك فى النيل لان المسافه مابين الشرق والجزيرة صغيرة جداً. وممكن ميكروباص سرفيس صحارى بردو ينزلك عند التأمين ومن هناك تتمشى وسط البيوت النوبية فى نجع المحطة لحد المرسى.
3/جزيرة هيسا الجمييييييلة ❤ والهدوء هناك اكتر من غرب سهيل، موقعها بين خزان أسوان والسد العالى، وبتروحها بتاكسى لحد مرسى ''بتانول'' دا جنب خزان أسوان على طول وتاخد مركب من هناك للجزيرة.
4/جزيرة أسوان ودى موقعها فى وسط نيل أسوان. متقسمة ل 3 اجزاء الجزء الشمالى فيه منتجع موفينبيك الشهير اللى بيعتبر تانى اغلى فندق فى أسوان بعد اولد كتاركت''جراند اوتيل'' وبعد كدا القسم الوسط دى البيوت النوبية والجزء الجنوبى عبارة عن منطقة اثريه فيها معابد مصرية قديمة شبه مهدمة بالكامل وفيها متحف للاكتشافات فى الجزيرة وفيها هرم مصمت هناك اكتشفوه تحت انقاض المعبد اليهودى''اصل كان فيه حامية عسكرية يهودية فى الجزيرة زمان ايام عهد البطالمة'' . والجزيرة ليها 2 مرسى
-واحد قدام مديرية الامن جنب kfs
-التانى جنب حديقة فريال قدام سنترال أسوان العمومى.
5/غرب أسوان ودى بنروحها عن طريقين هقولك الأرخص والاسرع
ليها معدية أهالى بردو قدام محطة أسوان هتلاقى يافطة مكتوب عليها مرسى غرب أسوان تنزل تاخد المركب مع أهل البلد
وغرب اسوان ممكن تعمل فيها دى حاجتين احب اقولهالك.
الاول طبعاً تزور النوبيين وتشوف بيوتهم والاستايل بتاعهم الجميل
كمان تقدر تطلع تل ابو الهوا واللى فيه مقابر النبلاء اللى حكموا أسوان فى العصر الفرعونى وليها تذكرة ب 10 جنية للمصريين . وكنائس مهدمة من القرن الخامس الميلادى وقبة أبو الهوا من عندها هتشوف منظر نادر أنك تلاقى زييه.. أسوان كلها قدامك والنيل والجزر والجبل الرملى الاصفر والبلد حاجة روعه. انصحك تطلع فوق الأول وبعدين تنزل تتمشى فى القريه.