A
Ashraf Mansour
:: مسافر ::
البوست ده عالمى بجد بس ليا كام ملحوظة عليه .. بتقول ان سفارة ايطاليا بتطلب برينت تامينات وده صحيح لكن للى بيشتغل فى القطاع الخاص فقط أما اللى بيشتغل فى جهة حكومية فمش محتاجه أو بمعنى أصح اللى معاه ختم النسر على جواب الاتش ار مش محتاج برينت تامينات - برضه بتقول ان سفارة ايطاليا ليها مكاتب معتمدة للترجمة وده مش صح لانى بعت ايميل للسفارة اسالهم وردوا عليا انى اترجم الورق ايطالى من اى مكتب - بتقول ان جواب الاتش ار لازم يكون فيه موافقة من جهة العمل على الاجازة وانا مختلف معاك لان جواب جهة العمل لما يكون موجه للسفارة فده موافقة ضمنية على الاجازة وفعليا انا عمرى ماقدمت جواب الشغل فيه موافقة على الاجازة - بالنسبة لحجوزات الطيران لو انتظرت لغاية ما تحصل على الفيزا علشان تحجز هتلاقى سعر التيكيت غالى علشان كدة انا بانصح اى حد يحجز التيكيت قبل السفر بستة شهور علشان يلاقى سعر كويس ولو لا قدر الله اترفضت الفيزا بتبعت جواب الرفض لشركة الطيران مع طلب الاسترداد وبيردوا فلوس التذكرة مخصوم منها مبلغ لا يتعدى 150 جنيه - بالنسبة لعدم تقديم حجز لفندق واحد مدة طويلة فرأيك فعلا منطقى لكن انا قدمت فى سفارة النمسا بحجز فندق واحد فى فيينا لمدة 16 يوم واخدت الفيزا - ورقة التامين مش بيتكتب فيها 30 الف يورو صوريا .. لا دول فعليا لو لا قدر الله حصل حاجة هناك فالمسافر بيدفع الفلوس ويجيب بيهم فواتير ويقدمهم لشركة التامين لما يرجع وبياخدهم بحد اقصى 30 الف يورو .. اخيرا جزاك الله خير على هذا البوست