يا جماعة انا محروق دمي.. حجزت تذاكر مصر...

[Doha Askar]

يا جماعة انا محروق دمي.. حجزت تذاكر مصر للطيران من مكتبهم و كانت أغلي من ال on line و حجتهم كانت ان علشان ال on line مش عليه تحديد لعدد الشنط و انا طلبت شنطتين بس متهيالي ده ال default اصلا و شوية كلام كده ان الحجز من عندهم شاشة تختلف عن شاشة ال on line.. و الصراحة انا الي اخترت ايام محددة.. و بعد ما حجزت بقيت اتابع الاسعار علي ال on line page بتاعتهم لانه لسه بدري علي السفر.. لقيت ان ايامي بالصدفة كده كانت اغلي ايام في ال starts by menu.. قلت مش مشكلة ما انا الي مختارة الايام دي للاسف هو محدش نبهني لفرق السعر ده في المكتب بس قلت حقهم لاني داخلة محددة تواريخ و هما اكيد مش عاوزين الناس كلها تحجز في الايام الارخص. شويه و اعلنت مصرللطيران تخفيضات تصل لي ٤٠ ٪ حاليا و لحد ١٥ اكتوبر و نزلت لقيت الاسعار رخصت علي كل الايام بمعدلات متفاوتة بس رخصت علي الكل ! انا طبعا محروق دمي و اذا كنسلت و حجزت تاني حيتخصم عليا ١١٠٠ جنيه باين الي هو ممكن ثمن نص الخصم اصلا.. حد اتعرض للموقف ده قبلي و هل ممكن اطالبهم بسريان الخصم عليا بما اني مش مذنبة اني رحت احجز بدري...

 

[Fareda Elshazly]

تعالى احكيلك موقف حصللى انا وزوجى كنا عرسان المهم كنا عايزين نحجز درجه سياحية قالو مفيش طيب رحنا حجزنا فرست كلاس بمبلغ وقدرو المهم بعد ما دخلنا طيارة قالولى لاء الفرست كلاس كومبليت وحطونى ورا جنب الحمام
انا اركب طيارة ورق هيعاملونى احسن من مصر للطيران وكمان نسيت اقولك كان فى صفين ورا فى سياحية قاعد فيهم موظفين مبيعملوش اى حاجة

 

[Ahmed Emam]

مفيش حاجه اسمها تطالبيهن بسريان الخصم لي شركه طيران كده لو في خصومات وانتي حجزتي مش ذنبهم

 

[Hamza Soud]

فعلا online system منفصل عن المكتب
ودايما في المكتب اغلى
وللاسف مش هتقدري تعملي حاجه ، اعتبري نفسك معرفتيش وبس

 

[Noha M. Abdel Aziz]

بصي فيه درجه فعلا اون لاين دى بيبقي ليكى شنطة واحدة بس و سعرها اقل. و انتى خلاص حجزتى ليه تفضلي تدوري عالاسعار تانى. هما مش حيستقصدوكى يعنى. انا لما بحجز خلاص مبقعدش ادزر عشان متضايقش

 

[Safi Mohamed]

اعتبري نفسك ولا شفتي ولا تعرفي حاجة عاوزة اقولك انا بشتغل في السفر والسياحة وانصحك انك تحجزي اون لاين وماتروحيش لاي شركة طيران لان السعر بيختلف عن الاون لاين عاوزة احكيلك موقف حصل معايا بسبب التخفيضات اللي بتعملها شركات الطيران عميلة اتصلت بيه وكانت عاوزة تحجز 7 تذاكر للبحرين عشان فيه فرح وعاوزين يحضروه هناك المهم حجزت لها التذاكر وما اخدتش منها فلوس بعدها بكم ساعة التذاكر رخصت اون لاين وعملوا عليها تخفيض جت هي كلمتني وقالتلي مش هدفع لك ولا درهم انا لقيت ارخص اون لاين وفعلا حجزت وانا التذاكر اللي حجزتها كانت مابترجع وحاولت مع الطيران ولا حد عبرني ودفعت يومها 5000 درهم ايامها الدرهم ب 5:10 جنية يعني دفعت 25000 جنية وانا بضحك , احمدي ربنا واسكتي لان هم مش ذنبهم ان التذاكر رخصت

 

[Ahmed Talaat]

اى حاجه فى الدنيا سعرها اون لين ارخص لسبب التكلفه

 

[Noha M. Abdel Aziz]

انتى اختارتى ايام و اختارتى وزن و خدى بالك اىحجز من شركة الطيران نفسها بيبقي أغلى من شركة السياحه او الاون لاين. كبري دماغك و انبسطى ف رحلتك بقا

 

[Mohamad A. Abdelghaffar]

نصيحه بلاش سفر مصر للطيران ابدا

 

[Heba Salama]

انتى حجزتى خلاص فعلا

 

[Ahmed Selmy]

انا بحجز ع مصر للطيران من شركة حجز تذاكر ارخص من مكتب مصر للطيران و ثاني حاجة المكتب اغلي من الاونلاين و لاست مينيت اسعار خرافيه... دي شركة عقيمة

 

[Abd El Rahman Askar]

النيل للطيران ارخص من مصر للطيران

 

[David El Almany]

اونلاين ارخص بحوالى 200 جنيه ومفيش حاجه اسمها يسرى عليا الخصم يعنى على سبيل المثال فى شركات بتعمل حاجه اسمها last minute بتبقى التذكرة بنص السعر تقريبا هل كل واحد ساعتها يقول انا المفروض اخد الخصم ده لا طبعا

 

[Mero Marmar]

هو لو انتي اشتريت فستان وبعد شويه نزل عليه خصم تقول له رجعته واديني بالخصم مينفعش طبعا دا عرض وطلب وانت حجزتى كان سعر السوق كدا

 

[Eslam Sameer]

حضرتك مفيش حاجه اسمها تاخدي الخصم
انتي خلاص حجزتي ومش من حق حضرتك تاخدي اي خصم

مش منطقي تماما

 

[Karim Adel]

السعر من المكتب اغلى من السعر اونلاين
الكلام ده فى كل خطوط الطيران مش مصر للطيران بس

 

[Amr Abd El Fattah]

انا مره كنت بحجز من المكتب والموظف قالي اونلاين ارخص

 

[Mohammed Badari]

هههه
طيب انتي مش شاطره هما مش ذنبهم

 

[Mostafa Ghallab]

مش في كل التذاكر الاون لاين ارخص

 

[Doaa Soliman]

لو سمحتوا حد يقولي غرامة كنسلة التذكرة كام تقريبا وهل هى مبلغ محدد ولا كل شركة بتحط الرقم إللى عايزاه