استفسار بسيط وعايز اجابات واضحة وعن تجربة فيه...

  • بادئ الموضوع بادئ الموضوع Mohamed Nabil
  • تاريخ البدء تاريخ البدء
عرض العطلة
M

Mohamed Nabil

:: مسافر ::
#1
استفسار بسيط وعايز اجابات واضحة وعن تجربة
فيه احدى شركات السياحة
عاملين رحلات للاردن والقدس الشريف
وعاملين plan حلوة جدا لزيارة المسجد الاقصى والاقامة فى القدس
وانا بصراحة حلم حياتى انى ازور المسجد الاقصى واصلى ركعتين هناك
هل فيه مشاكل امنية لو طلعت الرحلة دى
طب هل زيارة بيت المقدس تتطلب الحصول على تاشيرة من الاردن مثلا ؟؟؟؟ولا عادى دخولها من غير تاشيرة ؟؟؟؟
 
عرض العطلة
#6
كنت سمعت ان علماء المسلمين متحدين على عدم السفر تحت تأشيرة اسرائيل فحاول تبحث في الموضوع ده قبل ما تاخد خطوة زي دي
 
#7
ايه ياجماعة الكلام ده كله
فيه حد جاب سيرة تاشيرة من اسرائيل ؟؟؟؟؟؟؟؟؟؟؟؟
انا بقولكم عامل برنامج رحلات للاردن والقدس وغالبا التاشيرة بتاخدها من الاردن عشان تخش القدس
ايه اللى جاب سيرة اسرائيل فى الموضوع ؟؟؟؟؟؟
 
#8
يا جماعة بلاش فتي الله يباركلكوا .. متخوفوش الراجل. الي بيتم كلاتي ... بتطلع علي الاردن عادي و من هناك تدخل من معبر لاسرائيل و بيدوك تأشيرة علي ورقة منفصلة اوعي حد يختملك الجواز و تخش عادي و تخرج بنفس الطريقة من الاردن ... كل شركات السياحة بيعملوا كده
 
#9
لو اتختم جوازك من اسرائيل المخابرات المصرية هتعمل معاك الجولشة حتي لو كانت وزير الدخلية اوعي تصدق الي بيحصل علي شاشات التلفزيون الي في القلب في القلب افهمها انت بقا
 
#10
اولا كلنا نفسنا نصلي في القدس والمسيحين نفسهم يروحوا بيت لحم لكن في مقاطعه لاسرائيل كون سعادتك تقبل الغاء المقاطعه والتطبيع مع اسرائيل ده حاجه تانيه ثانيا حتي لو ماختموش الجواز حيتعرف انك زرت اسرائيل كل الدول العربيه علي علم بمن يدخل ويخرج الي اسرائيل حتي ولو لم يختم جوازك وبالتالي في الحاله دي سعادتك ماتزعلش من اللي حيحصل معاك حتلاقي صورك فيديو لكل رحلتك لاسرائيل اما اذا كان سعادتك امنيتك صلاه ركعتين في القدس فصلي ركعتين في الكعبه ركعه في الكعبه بميت الف ركعه فيما سواه اما الناس هواه التطبيع فمكانهم معروف
 
عرض العطلة
#11
ياجماعة بلاش فتى الله يبارلككم
ده انا لسة قايل فوق اللى عنده معلومة صحيحة مش اجتهاد شخصى
انا كنت فاكر زيكم ان لو اى حد عايز يروح القدس لازم ياخد تاشيرة من اسرائيل بس اتضح ان ممكن تاخد تصريح دخول وخروج من الاردن بدون ختم على الباسبور
 
#13
مش لازم كلمة فتي وتزعل الناس منك
ما فيش حاجة اسمها اخد ورقة وتاشيرة من الاردن لأنك مش هتدخل الأردن لأنك داخل حدود إسرائيل
يعني هتاخد تأشيرة إسرائيل ده لو وافقوا اصلا لأنك غير مقيم فيها
وممكن تاخدها من مصر بس هتكون من رابع المستحيلات لانه لازم موافقة امنية اولا قبل ما تدخل هنا السفارة ودي بتاخد من شهرين لتلات شهور ده لو اتوافق علي طلبك اصلا
وبالتوفيق
 
#15
استاذ محمد صباح الخير ، تقدر تسافر القدس و ده من خلال مكاتب سياحية كتير فى شرم الشيخ و تكلفتها حوالى مئة دولار الاتوبيس بياخدك مالشرم بتزور البحر الميت فالاردن و بعدين تطلع على القدس فاسرائيل . بالنسبة لموضوع الفيزا بتاخد مالجوازات الاسرائيلية فيزا اسمها fly visa و ده بيكون زى تيكيت عالباسبور بدون اختام لان الناس هناك عارفة و مقدرة موضوع بلوك دول الخليج على اساس انهم دول وطنية اوى اى ان كان بعد ما بتخلص زيارتك تقدر تشيل التيكيت ده و مفيش حاجة بتبان . بالنسبة للاجهزة الامنية فى مصر مش متاكد ولا لا اذا كنت محتاج تصريح امنى بس الى حد كبير اه ثانيا اسرائيل حاليا دولة صديقة مش عدوة من ١٩٧٨ فمش هتتحاكم يعنى متقلقش رحلة سعيدة مقدما
 
عرض العطلة
#16
في الرحلات إللي زي ده بتاخد تصريح من المعبر وممكن التصريح بيكون جماعي لكل الجروب .. لما بتعدي المعبر من الاردن المخابرات بتتبلغ لكن مفيش اي مشكلة امنية هما عارفين الموضوع ده وبيعدوه
 
#18
انا سافرت السنة اللي فاتت للتقديس. الشركة بتاخد كل ورقك وبتعمل كل الاجراءات بما فيها التصريح الامني. مفيش دخول للقدس او اي مدينة تحت سلطة الاحتلال بدون فيزا اسرائيلية. الفيزا بتكون على ورقة للمجموعة كلها ولما بتوصل بيدوك تصريح حجمه اكبر من تذكرة المترو بشوية هو ده اللي بيمكنك من الحركة في اي حته. وانت خارج من البلد بتاخد تصريخ خروج برضه وده بمثابة ختم الخروج من هناك. مفيش حاجة هتبقى على باسبورك لو مسافر من الاردن غير ختم دخول وخروج الاردن. طبعا انت بتكون مراقب فترة بعد رجوعك فخد بالك.
ملحوظة: لما الشركة بتقدم مش بالضرورة كل المتقدمين يحصلوا على الفيزا او التصريح الامني.
 
عرض العطلة
عرض العطلة
عرض العطلة
أعلى أسفل
عودة
قائمة