حد راح الهند يا جماعه وبالأخص حيدر اباد عشان...

  • بادئ الموضوع بادئ الموضوع Ayman Nada
  • تاريخ البدء تاريخ البدء
عرض العطلة
A

Ayman Nada

:: مسافر ::
حد راح الهند يا جماعه وبالأخص حيدر اباد عشان مسافر هناك ومعرفش اي معلومات عن الفيزا ولا عن البلد فممكن معلومات عن السفر للهند
 
انا كنت هناك من سنة
حيدر اباد مدينة بسيطة جدا وفيها معالم كويسة زي جامع مكة ومدينة هوليوود للتصوير السينمائي والبلد بتقفل حرفيا بعد 8 بالليل
نصيحة انزل في راديسون بلو حلو جدا ورخيص جدا الليلة هتقف عليك بحوالي 300 جنيه مصري وظبط معاهم عربية تاخدك من المطار عشان متتبهدلش وخد معاك اكل ومعلبات لان اسوأ حاجة هناك الاكل بهارات رهييبة حتي في كنتاكي وبورجر كينج
الاسعار هناك رخيصة جدا تقدر تشتري هدوم والكترونيات وساري وهدايا برخص التراب وكلها نضيفة
ده ملخص بسيط وشوف لو محتاج تسال عن حاجة تانية
 
الفيزا بتاخدها بسهولة من القنصلية في الزمالك قدام فندق ام كلثوم فوق الCIB
 
شكرا جزيلا لحضرتك .. وبالنسبه للعمله بغير من المطار ولا بتعامل بالدولار .. ولو الاكل اللي معايا خلص لاني غالبا هقعد مده طويله ايه احسن مكان للاكل لاني عارف ان البهارات صعبه جدا
 
بتغير من المطار في دلهي وبالنسبة للاكل معنديش نصيحة ليك انا اتبهدلت خصوصا اني كنت في رمضان انت مش متخيل البهارات هناك عاملة ازاي يمكن انا رحت مومباي بعدها كان فيها مطاعم عادية لكن حيدر صعبة جدا جدا في المووضوع ده انت حتي مبتلاقيش جبن او اي البان في المحلات وطبعا مفيش لحوم باي شكل اخرك التاندوري والكنتاكي والبرياني وبورجر كينج وبرضه هتلاقي بهارات فيهم عموما خد معاك معلبات علي قد متقدر وان شالله يبقي حظك احسن مني انا قعدت هناك اربع ايام بس جايز فيه اماكن مكتشفتهاش عموما لو نزلت راديسون بلو فيه موول قريب منك فيه كل حاجة ولازم تجرب جوز الهند والاناناس والشاي بتاعهم خصوصا شاي تاج محل اشتري منه وانت مروح وهاتلي معاك هتتبسط هناك ان شالله
 
عرض العطلة
تسلم والله علي زوقك واسف علي تعبك معايا بس ممكن اخر سوال هو مفيش رحلات مباشره من القاهره لحيدر اباد لازم انزل في ديلهي ؟
 
لا انت مع الاسف هتنزل ترانزيت مرتين مرة في ابوظبي او عمان علي حسب انت طيران ايه وانصحك بطيران الاتحاد حتي لو اغلي شوية بتطلع من القاهرة لابوظبي بعدين من ابو بي لدلهي بعدين من دلهي لحيدر اباد بتبقي رحلة مرهقة شوية المهم بس وانت بتختار حاول يبقي فيه وقت كفاية فرق بين وصولك لدلهي وبين رحلة حيدر اباد لان غالبا بتاخد شنطك وبتعمل تشيك ان تاني لان طيران الاتحاد بتبقي حجزالك مع شركة تبعهم غالبا جيت اير والمطار في دلهي كبير جدا فكان حصللي انا وصحابي موقف سئ جدا ان الطيارة فاتتنا رغم ان فرق الرحلتين كان ساعة ونص فخد بالك اوي من الحتة دي ولو احتجت اي حاجة تانية انا تحت امرك سواء هنا او لو عاوز تبعتلي عالخاص ربنا يوفقك
 
لازم تجرب برياني حيدر أباد .... حاجة رهييييبة ... بس سبايسي :)
 
هو مبدأيا الحاجات كلها غليت عشان فرضوا نظام ضرايب جديد .. يعنى الاسعار بقيت تقريبا زى مصر السنين اللى فاتت كانت ارخص بكتير بس مع التعويم هنا والضرايب هناك الدنيا بقيت شبه بعض .. فى احيانا طيران ترانزيت ابوظبى بس لكن محتاج تدور من بدرى .. انا لقيت طيارة وملحقتش احجزها
بالنسبة للعملة حاول تغير فلوس قليلة جدا من المطار عشان هيغيرلك الدولار ب 57 روبيه لكن هو اساسا ب 64 ... وحاول تدور على شركات سياحة تبدل منها ب 64 سوق سوداء يعنى :) عشان هو كمان هيكون عايزك لانه لما يجيب الدولار بيبدله من الصرافه ب 70 فمصلحة متبادلة يعنى ..ولو معرفتش انا اعرف واحد فى ولاية اسمها بوبال ممكن اديك نمرته وتحاول تخليه يظبطك .. معلومة انا لسه راجع من4 ايام من هناك
 
عرض العطلة
الفيزا سهلة انا طلعتها من شركة سياحة فى 3 ايام بس لازم تروح السفارة عشان بصمة العين
 
حيدر اباد ....
تعالىاقعد معاياااا ...نصيحه احجز ع طيران الخليج او السعودية وانزل مطار حيدر اباد ..مطار دولى اسمه راجيف غاندى وكبير ...متاخدش تاكسى من المطار فيه باص مكيف ب 200 روبيه ..التاكسى هيشترى ويبيع فيك لو انت مش فاهم النظام ..فى المطار .هيبعولك الددولار بين 40 الى 52 روبيه ..فى حين تمنه الحقيقى 65 روبية النهاردن لذلك حاول تجمع حد رجع من الهند واشترى منه البواقى او ااخد عشرة دولار فكه من مصر لانك لو جاى ب 100 هيقولك مينفعش نفكها
الاكل فى حيدر اباد كويس ومش بهارات كتير وهتلافى عرب كتير الانهم زى الصعيد عندنا ..الاسعار حاليا بقيت مقاربه لمصر بعد موضوع الضرايب ده اللى اتفرضت اخيرا
 
مش حيدر اباد ....انا قريبه من كلكته فى مدينه اسمها رانشى
 
عرض العطلة
بلاش تغير من المطار الريت قليل جدا. حيدر اباد مدينة فيها اغلبية مسلمة في مطاعم حلال كتير جدا المدينة بسيطة الي حد ما بس فيها كل حاجة مولات و مزارات و نايت لايف الاسعار معرفش دلوقتي انا كنت هناك من ٤ سنين
 
عرض العطلة
عرض العطلة
عرض العطلة
أعلى