السلام عليكم عندي سؤال بخصوص السفر لاوربا انا...

[Peter Shehata]

السلام عليكم
عندي سؤال بخصوص السفر لاوربا
انا مسافر ان شاء الله و معايا تاشيرة فرنسا بس ناوي ازور المانيا الاول فهل فيه مشكلة في المطار ؟ وشكرا

 

[Moustafa Nassar]

دخلت بيها فرنسا قبل كده و لا أول مرة؟

 

[Peter Shehata]

لا اول مرة

 

[Moustafa Nassar]

بلاش تروح اى بلد قبل فرنسا طالما مدخلتش بنفس الڤيزا فرنسا قبل كده...بص الموضوع عاملهم ارتكاريا لدرجة انهم ممكن يمنعوك من الدخول و كمان يلغوا الڤيزا...لو انت داخل المانيا بتاخد الفيزا من فرنسا ليه؟ طبعا لو عدت معاك مش حيسيبك الا لما تقنعه انك رايح فرنسا بعد كده كإقامة أساسية ليك فى الرحلة كلها

 

[Antonio Berbatov]

لو مجرد ترانزيت. فعادي وريله البوردينج او هو هيكون شايف التذكرة بالفعل فهتعدي ، اما لو نازل في المانيا مش ترانزيت فظابط الجوازات في المانيا ، ف أيده انه يلغيلك التاشيرة ويرجعك ، وممكن بزضه تعدي انت وحظك ، بس الأفضل انك بلاش تخاطر

 

[محمد احمد قدري]

لازم تدخل من فرنسا أول مرة واتحرك براحتك بعدها


مينفعش تطلعها من دولة تدخل من بلد ثانية الكلام الفيزا السياحة لا ،first entery

 

[يارب ارحمنا]

لتجربتي الشخصية لازم اولا فرنسا اول مرة لابد من دخول البلد التي أصدرت التأشيرة لها وربنا يوفقك

 

[Walid Shabana]

وانا من رأى الزملاء عن تجربتى الشخصيه تحجز طيران مباشر الى فرنسا ولا تحاول الدخول قبلها اى دوله للأمان

 

[Mohamed Adam]

خليك في الامان احسن واحجز ذهاب وعوده لفرنسا ، ديه المانيا بالذات ممكن ترجعك من المطار هما مشددين اوي في الموضوع ده ، بالتوفيق ان شاءالله وسفرية موفقه

 

[Sam Salah]

الالمان اكتر ناس فى اوروبا بيركزوا على شرط الاقامه فى الفيزا الشنجن ومطارات المانيا اكتر مطارات فى اوروبا فيها تشديد على كل حاجة عموما.. فانت لو رايح المانيا بفيزا شنجن من دوله تانية غير المانيا ومفيش معاك ما يثبت انك حتزور الدوله ال اصدرتلك الفيزا بعد زيارتك لالمانيا وحتقيم فى الدوله دى عدد ايام اكتر من زيارتك لالمانيا حيرفضوا دخولك ....

 

[Adel Samir]

بلاش . ادخل من فرنسا وريح دماغك علشان حتي لو خلت من المانيا وسمحولك وجيت بعدين تقدم على فيزا تاني شنجن من فرنسا مش هيدوهالك علشان مادخلتش من هناك , خليك فى السليم وده رأيي

 

[Ashraf Alhalabi]

مشكلة كبيرة جداا لازم لازم تدخل البلد اللي أصدرت منها التاشيرة الاول وبعد كدة السفر لأي دولة من دول الشجن بدون ختم الباسبور اكنك domestic

 

[Mohamed Hamdy]

الاول تدخل فرنسا

 

[Noha Said Moawed]

لاول مرة تشجن لازم تدخل من فرنسا

 

[Ghada Abdalla]

لو قاعد فى فرنسا اكتر من المانيا ومعاك اثبات لكده ممكن تدخل بيها المانيا الاول

 

[Sherif Esam Elbadaly]

طيب يا جماعه معلش انا سافرت فرنسا الاول ورجعت مصر ومن مصر هطلع على فرانكفورت هل فيها مشكله ؟

 

[جمال توكل الزعويلى]

عن تجربه شخصيه انا ختها من فرنسا رحت هولاندا الاول والخروج كان من فرنسا ومحصلش اي مشكله

 

[Mahmoud Shedeed]

بلاش تعمل كده في العموم,والمانيا خصوصا

 

[Amgad El Abasy]

المانيا بالذات هيرجعك من المطار ،ادخل و اخرج من فرنسا و في النص روح مطرح ما أنت عاوز

 

[Kariman Ahmad]

لا افضل تدخل فرنسا الاول و بعدين تطلع علي المانيا