م
مصطفى طلبة
:: مسافر ::
السلام عليكم ورحمة الله وبركاته
أمس تكلمنا عن مكاتب التشغيل النصابة التي ورطت بعض الشباب بعد سرقة أموالهم وسفرتهم ماليزيا أو ربما دول أخرى على أمل العمل والإقامة والحياة الكريمة لكنهم فوجئوا بالواقع الأليم ولم يحصلوا على العمل ولا الراتب الذي سافروا من أجله!
اليوم معلش هنكمل معاكم وبنتكلم بسرعة عن مشكلة أخرى تواجه العرب في ماليزيا وهي الحصول على إقامة سواء عمل أو فيزا طالب أو إقامة دائمة أو إقامة علاجية و ....
أولاً: بخصوص الإقامة الدائمة دي فأي حد ينشر إعلانات عنها إياك تصدقه ومفيش استثناء لشخص أو مكتب لأنه طريق هذه الإقامة الدائمة السليم إما الزواج الحقيقي وطبعًا بعد مدة واستقرار بتحصل على الإقامة الدائمة أو مشروع ماليزيا بيتي الثاني وده بيتطلب إجراءات محددة موجودة على الموقع الرسمي الحكومي وهذا هو الرابط
/Malaysia My Second Home Official Portal - MM2H Official Portal
طبعًا في ناس بتقولك أنا عندي إستعداد أعملك الفيزا دي بدون أي إجراءات فقط تدفع مبلغ كذا ويعطيك أحلام وإنه عنده داتو (زي أمير كده) وعنده نفوذ ووسائط اعمل حسابك حتى لو قدر يعملها فستظل مضروبة وغير قانونية لأنه بأقل تحقيق حول وضعك سوف يتم اكتشاف أنها غير سليمة!
انتهينا من موضوع الإقامة الدائمة ندخل على إقامة العمل
بالتجربة العملية من أصعب الأشياء في ماليزيا هي الإقامة والحصول عليها وتقريبا ده من أكبر التحديات للجالية العربية أو الناس التي تنوي في السفر إلى ماليزيا.
وبسبب انتشار مكاتب النصب والاحتيال في ماليزيا صارت الثقة شبه منعدمة للأسف وعشان لا أطيل عليكم بكلام كثير هاقولكم نصيحة كنت كتبتها قبل كده وخير الكلام ما قل ودل!
أي شخص يعرض خدمات الإقامة ويقولك عندي مكتب أو شركة اعمل حسابك إنه هذه ليست ضمانة إنه شخص موثوق وتسلم له بسهولة لأنه من أسهل الأمور هنا في ماليزيا إنك تفتح مكتب أو تأجر مقر ولذلك المكتب ووجود مقر ليست ضمانة عشان تترك جواز سفرك مثلا أو تدفع مبالغ كبيرة مهما كانت لدى هذا الشخص من تراخيص وأوراق.
وطبعًا في ناس بتصدق بسرعة الإعلانات وأنا عارف إنهم معذورين بسبب ضغوط الحاجة للإقامة وبيتعلقوا بأي شخص يكتب منشورات عن إقامات لكن المؤمن كيس فطن ولازم تعرف إنه في الغربة مفيش حاجة اسمها ثقة بسهولة وعشان كده في طريقة مجربة للتأكد من مصداقية هذا المكتب بكل سهولة والكشف عن النصابين وهذا حقك كعميل وأي شركة ترفض ذلك هي حرة بس أيضًا يجب أن تشك فيها والخطوة الأولى إنك تطلب أولا تشوف إقامة هذا الشخص نفسه كإثبات مبدأي إنه أصلا مقيم بشكل شرعي!
الخطوة الثانية تسأله ما هي الشركة التي سوف تكون عليها إقامتي عشان هتطلب منه إثبات إن الشركة أصدرت إقامات سابقة لأي شخص آخر وتشوف الإقامات بعينك والإثبات مش صورة على الواتساب ولا ورقة مطبوعة بل تشوف الإقامة نفسها على باسبوره الشخصي ومعها على الأقل إقامات شخصين آخرين وتشوفهم بنفسك!
عارف إنه في ناس كثيرة مش هتقدر تعمل الكلام ده ومتفهم جدًا إنها إجراءات محرجة عشان كده في طريقة أخرى سليمة وسهلة أيضًا وهي إنك تتعامل مع المكتب عادي بس لا تدفع أي مبالغ صغيرة أو كبيرة حتى تحصل على الموافقة من الهجرة والجوازات وتذهب بنفسك تتأكد منها في الإيميجريشن وإياك ثم إياك تدفع أي فلوس لأنه في النهاية هيضمن حقه كاملاً منك لأنك إنت اللي محتاج له وخلي في علمك حتى لو أعطاك ورقة بالمبلغ لو مش عاوز يعطيك فلوسك أو الإقامة ولا هتعمل حاجة لأن معظم الناس دي بتغير المقر أو بتسافر بعد ما تجمع مبلغ كبير قوي وابقى قابلني!
عارف إن الكلام ده ممكن يزعل ناس خصوصًا اللي عندهم مكاتب لكن بعد انتشار النصب مفيش وسيلة الناس تقدر تطمئن بيها لشخص أول مرة تتعامل معاه وخصوصا في الغربة غير دي وأي شخص لا يفعل ذلك هو حر بس مش عاوزين نشوفه في الجروب بعد ما يتنصب عليه بيشتكي من فلان ولا علان اللي نصب عليه لأنه وافق يتنصب عليه ولم يتحقق وأنا شخصيًا بدأت أفقد التعاطف مع الناس اللي منصوب عليهم صراحة من كثرة ما الناس بتنصح وهم يتجهون للنصابين ويسلمون أموالهم إليهم ببساطة!
أنا والله بانصح فقط واللي عاوز يأخذ بنصيحتي فأهلا وسهلا واللي مش عاوز فهو حر أيضًا وربنا ينجينا من النصابين وأسف لو طولت عليكم!
أمس تكلمنا عن مكاتب التشغيل النصابة التي ورطت بعض الشباب بعد سرقة أموالهم وسفرتهم ماليزيا أو ربما دول أخرى على أمل العمل والإقامة والحياة الكريمة لكنهم فوجئوا بالواقع الأليم ولم يحصلوا على العمل ولا الراتب الذي سافروا من أجله!
اليوم معلش هنكمل معاكم وبنتكلم بسرعة عن مشكلة أخرى تواجه العرب في ماليزيا وهي الحصول على إقامة سواء عمل أو فيزا طالب أو إقامة دائمة أو إقامة علاجية و ....
أولاً: بخصوص الإقامة الدائمة دي فأي حد ينشر إعلانات عنها إياك تصدقه ومفيش استثناء لشخص أو مكتب لأنه طريق هذه الإقامة الدائمة السليم إما الزواج الحقيقي وطبعًا بعد مدة واستقرار بتحصل على الإقامة الدائمة أو مشروع ماليزيا بيتي الثاني وده بيتطلب إجراءات محددة موجودة على الموقع الرسمي الحكومي وهذا هو الرابط
/Malaysia My Second Home Official Portal - MM2H Official Portal
طبعًا في ناس بتقولك أنا عندي إستعداد أعملك الفيزا دي بدون أي إجراءات فقط تدفع مبلغ كذا ويعطيك أحلام وإنه عنده داتو (زي أمير كده) وعنده نفوذ ووسائط اعمل حسابك حتى لو قدر يعملها فستظل مضروبة وغير قانونية لأنه بأقل تحقيق حول وضعك سوف يتم اكتشاف أنها غير سليمة!
انتهينا من موضوع الإقامة الدائمة ندخل على إقامة العمل
بالتجربة العملية من أصعب الأشياء في ماليزيا هي الإقامة والحصول عليها وتقريبا ده من أكبر التحديات للجالية العربية أو الناس التي تنوي في السفر إلى ماليزيا.
وبسبب انتشار مكاتب النصب والاحتيال في ماليزيا صارت الثقة شبه منعدمة للأسف وعشان لا أطيل عليكم بكلام كثير هاقولكم نصيحة كنت كتبتها قبل كده وخير الكلام ما قل ودل!
أي شخص يعرض خدمات الإقامة ويقولك عندي مكتب أو شركة اعمل حسابك إنه هذه ليست ضمانة إنه شخص موثوق وتسلم له بسهولة لأنه من أسهل الأمور هنا في ماليزيا إنك تفتح مكتب أو تأجر مقر ولذلك المكتب ووجود مقر ليست ضمانة عشان تترك جواز سفرك مثلا أو تدفع مبالغ كبيرة مهما كانت لدى هذا الشخص من تراخيص وأوراق.
وطبعًا في ناس بتصدق بسرعة الإعلانات وأنا عارف إنهم معذورين بسبب ضغوط الحاجة للإقامة وبيتعلقوا بأي شخص يكتب منشورات عن إقامات لكن المؤمن كيس فطن ولازم تعرف إنه في الغربة مفيش حاجة اسمها ثقة بسهولة وعشان كده في طريقة مجربة للتأكد من مصداقية هذا المكتب بكل سهولة والكشف عن النصابين وهذا حقك كعميل وأي شركة ترفض ذلك هي حرة بس أيضًا يجب أن تشك فيها والخطوة الأولى إنك تطلب أولا تشوف إقامة هذا الشخص نفسه كإثبات مبدأي إنه أصلا مقيم بشكل شرعي!
الخطوة الثانية تسأله ما هي الشركة التي سوف تكون عليها إقامتي عشان هتطلب منه إثبات إن الشركة أصدرت إقامات سابقة لأي شخص آخر وتشوف الإقامات بعينك والإثبات مش صورة على الواتساب ولا ورقة مطبوعة بل تشوف الإقامة نفسها على باسبوره الشخصي ومعها على الأقل إقامات شخصين آخرين وتشوفهم بنفسك!
عارف إنه في ناس كثيرة مش هتقدر تعمل الكلام ده ومتفهم جدًا إنها إجراءات محرجة عشان كده في طريقة أخرى سليمة وسهلة أيضًا وهي إنك تتعامل مع المكتب عادي بس لا تدفع أي مبالغ صغيرة أو كبيرة حتى تحصل على الموافقة من الهجرة والجوازات وتذهب بنفسك تتأكد منها في الإيميجريشن وإياك ثم إياك تدفع أي فلوس لأنه في النهاية هيضمن حقه كاملاً منك لأنك إنت اللي محتاج له وخلي في علمك حتى لو أعطاك ورقة بالمبلغ لو مش عاوز يعطيك فلوسك أو الإقامة ولا هتعمل حاجة لأن معظم الناس دي بتغير المقر أو بتسافر بعد ما تجمع مبلغ كبير قوي وابقى قابلني!
عارف إن الكلام ده ممكن يزعل ناس خصوصًا اللي عندهم مكاتب لكن بعد انتشار النصب مفيش وسيلة الناس تقدر تطمئن بيها لشخص أول مرة تتعامل معاه وخصوصا في الغربة غير دي وأي شخص لا يفعل ذلك هو حر بس مش عاوزين نشوفه في الجروب بعد ما يتنصب عليه بيشتكي من فلان ولا علان اللي نصب عليه لأنه وافق يتنصب عليه ولم يتحقق وأنا شخصيًا بدأت أفقد التعاطف مع الناس اللي منصوب عليهم صراحة من كثرة ما الناس بتنصح وهم يتجهون للنصابين ويسلمون أموالهم إليهم ببساطة!
أنا والله بانصح فقط واللي عاوز يأخذ بنصيحتي فأهلا وسهلا واللي مش عاوز فهو حر أيضًا وربنا ينجينا من النصابين وأسف لو طولت عليكم!