M
Mohamed H. Kamel
:: مسافر ::
لا باس عليكم ! كل شي مزيان؟
مكنتش أتخيل إن المغرب بلد رائع بهذا الحد وإني هتقابل بكل هذه الحفاوة وهذا الترحاب من أهل المغرب الأصيل . بيموتوا في عادل امام وتسمع أم كلثوم وعبدالحليم في كل مكان ، لما روحت كنت عامل حسابي على أسبوع ولكن من جمال البلد أنا قعدت ١٧ يوم وزرت ١٠ مدن بدأت بمراكش -الصويرة - تماراغت " قرية أمازيغية خالصة " قريبة من تغازوت وقريبة برضه من أجادير وبعدين رحت فاس - افران -شفشاون - طنجة - الرباط- المحمدية - كازابلانكا ومنها طلعت على تونس . الشعب المغربي أصيل وبيحبوا المصريين بزاف ، أكثر اقاماتي كانت في هوستلز بمتوسط ١٠ يورو في الليلة والأكل ملوش حل وأكل الشارع واو ومضمون .ادخل اي مطعم تلاقي فيه اهل البلد وانت هتتكيف واتكلم مصري اتأكد انك هيتعمل معاك الًاجب وهتتسأل أهلاوي ولا زملكاوي ، انا كنت مسافر لوحدي وعملت صداقات كتير وكنت حاسس اني في بلدي الثاني . الناس بتتكلم مصري برابنط وبالذات الأخوات اللي قاعدين قدام الأفلام المصرية والمسلسلات . .
المواصلات :
أنا تنقلت بالقطار وفي الجنوب في اجادير مكنش فيه قطار فيه اتوبيسات رائعة اسمها السوبراتور بتحجز منها تذكرة القطر والاتوبيس مرة واحدة . القطارات الدرجة الاولى حلوة والسبراتور سياحي زي جو باص عندنا في مصر .وممكن تاخد طاكسي اه هما بيكتبوها بالطاءبس منصحكش لو انت حجمك كبير زي حالاتي فكنت باخد الكرسي الامامي لوحدي .لو عاوز تختصر الرحلة روح الصويرة ومراكش واي حاجة في الجنوب زي احادير او سيدي افني . أو تمسك الشمال، طنجة حلوة قوي وتتطوان وشفشاون متفكرونيش ، كازا زحمة زي كايرو وفيها شوبنج شوية مش للاستجمام خالص. المغرب بلد ثري بثقافته وعندهم الفصول الأربعة في نفس الوقت .
لو عندكو اسئلة انا تحت أمركم . اتهلوا في راسكم بقي
مكنتش أتخيل إن المغرب بلد رائع بهذا الحد وإني هتقابل بكل هذه الحفاوة وهذا الترحاب من أهل المغرب الأصيل . بيموتوا في عادل امام وتسمع أم كلثوم وعبدالحليم في كل مكان ، لما روحت كنت عامل حسابي على أسبوع ولكن من جمال البلد أنا قعدت ١٧ يوم وزرت ١٠ مدن بدأت بمراكش -الصويرة - تماراغت " قرية أمازيغية خالصة " قريبة من تغازوت وقريبة برضه من أجادير وبعدين رحت فاس - افران -شفشاون - طنجة - الرباط- المحمدية - كازابلانكا ومنها طلعت على تونس . الشعب المغربي أصيل وبيحبوا المصريين بزاف ، أكثر اقاماتي كانت في هوستلز بمتوسط ١٠ يورو في الليلة والأكل ملوش حل وأكل الشارع واو ومضمون .ادخل اي مطعم تلاقي فيه اهل البلد وانت هتتكيف واتكلم مصري اتأكد انك هيتعمل معاك الًاجب وهتتسأل أهلاوي ولا زملكاوي ، انا كنت مسافر لوحدي وعملت صداقات كتير وكنت حاسس اني في بلدي الثاني . الناس بتتكلم مصري برابنط وبالذات الأخوات اللي قاعدين قدام الأفلام المصرية والمسلسلات . .
المواصلات :
أنا تنقلت بالقطار وفي الجنوب في اجادير مكنش فيه قطار فيه اتوبيسات رائعة اسمها السوبراتور بتحجز منها تذكرة القطر والاتوبيس مرة واحدة . القطارات الدرجة الاولى حلوة والسبراتور سياحي زي جو باص عندنا في مصر .وممكن تاخد طاكسي اه هما بيكتبوها بالطاءبس منصحكش لو انت حجمك كبير زي حالاتي فكنت باخد الكرسي الامامي لوحدي .لو عاوز تختصر الرحلة روح الصويرة ومراكش واي حاجة في الجنوب زي احادير او سيدي افني . أو تمسك الشمال، طنجة حلوة قوي وتتطوان وشفشاون متفكرونيش ، كازا زحمة زي كايرو وفيها شوبنج شوية مش للاستجمام خالص. المغرب بلد ثري بثقافته وعندهم الفصول الأربعة في نفس الوقت .
لو عندكو اسئلة انا تحت أمركم . اتهلوا في راسكم بقي
