S
Shady Mohamed Safwat
:: مسافر ::
انا نفسى افهم الناس بتتكلم فى ايه..فضلنا نتكلم عن مطار ١ وسوء المعاملة..عملوا مطار جديد..اول انطباع لاى اجنبى هو المطار..انا نزلت عليه مخدتش ٥ دقايق كنت برا..وخدت اوبر ومشيت..مش فاهم ياجدعان ليه الناس مش عاجبها حاجة وبقوا بينتقدوا بس...حاجة مش طبيعية بجد ! الواحد شاف مطارات فى العالم كله وصالة ٢ دى مش حلوة بس..دى حلوة جدا جدا جدا !
Z
Zezo Soliman
:: مسافر ::
للاسف واللهى قصاد عينى يفتقروا لاساسيات التعامل شوفت واحده ست فوق الستين معاها شنط تقيله الامين قالها روحى حطيها على السير وهناك يبقى حد يساعدك الست قعدت تحاول تشيلها والموظف واقف حاطط ايده فى جيبه لحد ما الركاب اخدوا بالهم وخاولوا يساعدوها وشاب بيقولوا ما تساعدها دى زى والدتك الموظف شتمه ولم باقى زمايله وقعدوا يتخانقوا ويزعقوا ويهددوا الرجل اللى كان بيساعدها لولا ان الست اترجتهم يسيبوه
M
Mohamed Badawy
:: مسافر ::
المطار فعلا كتصميم ممتاز بس هتكلم من ناحية تانية وهي حاجة في علم الإدارة إسمها Business Process Re-Engineering وبها ثلاث مكونات رئيسية People, Technology and Business Model Re-Design. المكون الأهم وهو الناس أي الموظفين محتاجين يتم تدريبهم على أشياء كثيرة من ضمنها اللغة واللي لازم نعترف أن معظم المصريين عندهم ضعف شديد حتى مع اللغة الأساسية وهي الإنجليزية، خدمة العملاء دي نقطة تانية والقدرة على التعامل مع التكنولوجيا الخ.
المكون الثاني وهو Business Model ودي فيها نقاط كثيرة من أول تسهيل عملية دخول الجراج والبوابة الخارجية لصالة السفر إلى التفتيش والوصول الي مكتب الحجز (مثال عدد المكاتب، زمن تنفيذ الإجراءات، الخ)، طرق نقل الحقائب، المحلات المختلفة في السوق الحرة ومنطقة مطاعم وحمامات والمسجد ومنطقة المدخنين، الخ يجب النظر في أماكنهم وكيف يمكن رفع كفاءة التشغيل ورفع الربحية مع رضاء المسافرين. المكون الأخير وهو technology enabler هل يتم النظر إلى أنظمة الكمبيوتر المستخدمة وحديثا مع الجواز الاكتروني والتسجيل بنظام ال Radio Frequency Identification RFID، ربط أنظمة فنادق المطار بأنظمة المطار. كل هذا ممكن ويساعد على التخطيط لتوسعة مدروسة وكذلك يرفع من تصنيف مصر على الأقل من ناحية جودة خدمات المطار.
المكون الثاني وهو Business Model ودي فيها نقاط كثيرة من أول تسهيل عملية دخول الجراج والبوابة الخارجية لصالة السفر إلى التفتيش والوصول الي مكتب الحجز (مثال عدد المكاتب، زمن تنفيذ الإجراءات، الخ)، طرق نقل الحقائب، المحلات المختلفة في السوق الحرة ومنطقة مطاعم وحمامات والمسجد ومنطقة المدخنين، الخ يجب النظر في أماكنهم وكيف يمكن رفع كفاءة التشغيل ورفع الربحية مع رضاء المسافرين. المكون الأخير وهو technology enabler هل يتم النظر إلى أنظمة الكمبيوتر المستخدمة وحديثا مع الجواز الاكتروني والتسجيل بنظام ال Radio Frequency Identification RFID، ربط أنظمة فنادق المطار بأنظمة المطار. كل هذا ممكن ويساعد على التخطيط لتوسعة مدروسة وكذلك يرفع من تصنيف مصر على الأقل من ناحية جودة خدمات المطار.
S
Samaa Ragab Ali
:: مسافر ::
علي فكرة انا سافرت مطارات كتير في العالم البهرجة ده مالهاش اي لزمة الأهم الصيانة و المتانة و الحفاظ علي الوضع أطول وقت ممكن بالإدارة المحترمة الجادة الخاضعة للقوانين انما بالبلدي يافرحتي بكل ده بذخ و كمان يومين حيبقي عشة فراخ و قدر و مليان حشرات و العربيات حاملة الحقائب مكسرة و قذرة
S
Shady Mohamed Safwat
:: مسافر ::
الموضوع ياجماعة بسيط جدا..هل هتاخد البلد كلها كباكيدج واحد وتربط كله ببعضه..ولا هتشوف حاجة تقول حلوة..المطار حلو وتصميمه جميل وانطباعه جميل على اى اجنبى...ونقطة هنا..مجبتش سيرة موظفين ولا طلبت من محللين السلوك والاداء وخدمة العملاء يحللوا..حضرتك هتنزل فى مكان نضيف وهتعدى جوازات تاخد شنطتك..وهتنفض لاى حد بيقولك كل سنة وانت طيب..وهتركب عربيتك وتمشى..اصل مش كل حاجة هتتغير فى لحظة..بس شئ متغير وحلو ياجماعة والله..ده مطار ١ كان عزبة..قولوا حلو كدة تلات مرات يمكن تشوفوا الحلاوة