صبااااح الخير عليكم انا رايحة شرم الشيخ اربع...

[Saied Dardery]

اول يوم بالليل هتقضيه في نعمه و تركبي مكروباص للسوق القديم تتفرجي علي المسجد وتتصوري وتقضي بفية الليل. و ترجعي
تاني يوم رحلة بحر و غطس او بحر بس ..ده لجزيرة تيران بيكون من الصبح للمغرب و فيها وجبة غدا .. لو هاتغطسي احجزيه قبليها يعني لو هاتغطسي احجز بحر و غطس عشان لو جيتي تحجزيه من ع المركب في الرحله هايستغلوكي ..
بالليل لما ترجعي انزلي الغندق غيري و اتعشي و انزلي سوهو سكوير .. ده مكان كبير محلات وكافيهات وعروض حفلات و كده
تالت يوم الصبح بحر والعصر رحلة سفاري موتوسيكلات و حفلة عشا بدوي و رقص و اغاني و كده ..
رابع يوم هاتفطري و شويه ع البحر و تطاعي تلمي الشنطه و تسافري

 

[Ali Adora]

تحت أمرك

 

[Mohamed Gamal Sila]

كاتدرائية السمائيين في حي النور حوالي ٥ دقائق من نعمة وجامع الصحابة في السوق القديم حوالي ١٠ دقايق من نعمة
اركبي ميكروباص بجنيه وربع هوديكي الأماكن دي وابعدي عّن التاكسيات
كمان soho square جميل جدا فيه النافورة الراقصة وأماكن جميلة جدا للتصوير هتروحي سوهو برده بميكروباص ب ٣ جنيه ونص
وهوليوود كمان جميلة بس تيكيت الدخول ب ٥٠ جنيه
عايزة تشتري حاجة يبقي من السوق القديم ده بالنسبة لبليل
بالنهار ممكن تعملي سفاري بحوالي ١٠٠ جنيه من غير عشا
١٥٠ بالعشا عشان محدش يضحك عليكي في الأسعار
كمان تعملي رحلة بحرية باليخت شاملة الغدا لتيران او راس محمد ودي بحوالي ١٢٠ جنيه والدايفنج ب١٢٠ برده
فيه كمان الاكوا بارك بس اللي ع الهضبة مَش اللي في نعمة ودي ب ٢٥٠ جنيه بتشتغل من ٩ ل ٥ المغرب وفيها ألعاب كتيرة وجميلة
كمان في الألعاب المائية زي البانانا والتيوب والباراشوت والجلاس بووت والغواصة ودي هتلاقيهم ع البحر
ده بالنسبة لداخل شرم
ممكن تطلعي رحلات لكاترين والبلو هول برده

 

[Mikamo Harry]

لفى كل البلد متعة

 

[Shahd Khaled]

ماتاخدينى معاكى طيب

 

[Ahmed Moataz]

أفضل مكان هو سوهو سكوير فى كافيهات ونافورة راقصة وجو لطيف للسهر باليل

 

[Mohamed Anwar]

معلش يا جماعة.. انا رايح بطفل سنة ونص ينفع اعمل سفاري.. انا سمعت ان ميش شرط يكون بيتش باجي فية عربية 4x4 يعني ممكن مراتي تشيل الطفل وانا اسوق اية رأيكم

 

[Sameh Hassan]

الفكره التراب الكتير