مينفعش تقارن حاجه جمالها طبيعي ب حاجه كلها مصتنعة . من رأي كوالامبور احلي ك مكان وجو . لكن عاوز تروح مكان luxury ورفاهيته عبارة عن مولات وشوبنج ومباني ضخمه وشوارع نظيفة وعربيات تحفة ومنظره من الاخر يبقي دبي
الاتنين زي بعض جدا ف المقارنة صعبة
بس طقس كوالالمبور احسن.. غير ان زي ما فيه مدينة في احلي مناظر طبيعية ممكن تشوفها ف حياتك..ف لو حابب الطبيعة والجو المدني الراقي يبقي كوالالمبور
لما تحب حد يفيدك شوف اللي راح دبي واللي راح ماليزيا
انما ما تاخدش كلام من اللي بيوصفلك بالسمع او اللي عاش في دبي بس
من الاخر ماليزيا وتايلاند والبلاد دي احلى من دبي مليون مره وجوها حلو وجزرها خلابه والطبيعه فيها تجنن
في رأيي طبعا كوالا، الجميل في كوالا انها قريبة من دول كتير جميلة في الأجازات زي تايلاند واندونيسيا، وسهل تروح أي جزيرة في الويكإند بأسعار تذاكر رخيصة، لو بتحب السفر والفسح والطبيعة فأكيد كوالالمبور
بالرغم من اني مروحتش الاتنين بس انا هجاوب عشان انا مصريه وبطبعنا نحب نفتي
دبي مفيهاش روح كلها مولات وشكرا
اما كوالالمبور فيها المولات وفيها الطبيعه اللي تجنن
