السلام عليكم... موقع booking حراااامية حجزت...

[عمرو مختار]

السلام عليكم...
موقع booking حراااامية
حجزت على جاز دهبية بدهب عن طريقة
و إدانى السعر النهائى للدفع لما اوصل الفندق و كان 5236 جنية...لما وصلت الفندق لاقيت موظف الاستقبال بيقولى عايز منى 5900 جنيه
ليه كده؟
قالى عشان الموقع مش بيقولك على ضريبة القيمة المضافة الا لما بتوصل....بيعملى مفاجأه يعنى...و لاقيت الفندق ما يعلم بيه إلا ربنا كمان
روحت مكنسل الحجز فورا مع موظف الاستقبال المحترم إللى هدانى و كان محترم جدا
و الموظف قالى ان booking عمل كده فى الاسعار قبل 4/10 إللى فات...انما دلوقتى الاسعار المعروضة على صفحتهم هى الاسعار النهائية
حجزت على فندق اكسبرينس سى برييز فى شرم الشيخ
و روحت فعلا بعد ما حجزت تانى على بوكينج و قالى سعر نهائى 4380 جنيه. و روحت على الفندق لاقيت الموظف بيقولى عايز 5600 جنيه
ليه كده....قالى كل الضرائب مش مدفوعه من booking و انى انا إللى بتحملها.. .. و دفعت و نزلت بالفندق

 

[Amr Waleed]

حصلت معايا

 

[Nesma Adel]

الكلام دة معروف لو مش كاتبلك علي الحجز تمن الضريبة بتدفعها في الفندق الموقع ملوش علاقة

 

[Amr Waleed]

حصلت معايا

 

[Beshoy Sabry]

مكتوب فى بوكنج السعر المشمول و الغير مشمول جواه من ضرايب و اللذي منه

 

[Muhamet A. Shawki]

بوكينج بيقولك غير شامل وشرحنا الكلام دا قبل كدا

 

[Mhmd Tahoun]

مكتوب فى الحجز أنة excluding VAT 14%

 

[Hany Taher Elakkad]

هو بيبقى مكتوب ع فكرةا فى شروط الحجز ع ليمين بس ممكن مخدتش بالك منها

 

[Karim Alaa]

لازم تخلي بالك بوكينج بيبقي موضح اذا كان السعر شامل الضرائب ولا لاء عمتا الحجز عن طريق شركه السياحه ائمن و اسهل علشان بتبقي عارف انت رايح علي ايه بالظبط واي حاجه غلط الشركه اللي تتحملها

 

[Emad Eldin Fouad]

بصراحه م بوكينج اللي نصاب اللي نصاب الفنادق في مصر ، لانهم الاسعار الموجوده على الموقع للاجانب اما الفنادق لما بتعرف ان العميل مصري بترفع السعر مباشرة وميقدروش يعملوا الموضوع ده مع اي واحد اجنبي

 

[Moemen Salah]

انا بستخدم booking على طول فى السعودية المبلغ المكتوب هو اللى بدفعة فى الفندق مافيش زيادة ولا ضرائب

 

[David El Almany]

ياجماعه قولنا نصيحه قبل كده احنا جوه مصر يعنى ممكن نتصل بالفندق دايركت اكتر امانا واوفر مش لازم يعنى نعمل كل ده لو بره مصر هقولك ماشى مع انك برضه ممكن تحجز مع الفندق دايركت..بس ماشى هنقول ان احنا مش عارفين نوصلهم...يارييت نستخدمه بره مصر بس

 

[Mohamed Mattar]

الحقيقة انا حاجز من خلاله قبل كدا وبيكتب السعر
وبعد كدا فى تفاصيل الفاتورة بتلاقى بند القيمة المضافة
بدون اى نصب او خداع
حتلتقى حضرتك لم تقرأ كافة التفاصيل عن السعر

 

[Eslam Gamal Mostafa]

بيكون مكتوب فالحجز كل حاجه احنا اللي مش بنقرأ

 

[Ahmed Ali]

حضرتك عندك مشكلة مش Booking.com

 

[Hossam Mahmoud]

الموقع بيكون كاتب أن السعر لا يشمل الضريبة ،ممكن حضرتك تكون مختش بالك من الباند ده

 

[Mohamed Ahmed]

يا جماعة الخير
بوكينج هايحمل النزيل قيمة الحجز كله
الاول كان بيحمل ضريبة الخدمة 12% مع السعر
دلوقت فصلها
يعني النزيل هايتحمل الاتي
ضريبة الخدمة 12 %
ضريبة القيمة المضافة 14 %
ضريبة المدينة 1%
و كمان بيحسبها علي سعر الدولار مش الجنيه

 

[Abdullah Ramadan Oraby]

لازم تاخد بالك شامل الضريبه ولا لا

 

[Sarah Mohamed]

بوكينج بيكون كاتب السعر شامل الضريبة ولا لا وغالبا بيكون غير شامل الضريبة وبيكون محدد ان الضريبة هتكون في حدود مثلا 13% ثانيل ممكن تشوف رأي النزولاء قبلكم في الفنادق من علي بوكينج

 

[Mohamad Elshafey]

انا حجزت منه في مصر ودفعت نفس المبلغ في شهر اغسطس اللي فات