الحمد لله ع نعمة زيارة إسطنبول _ تركيا سياحة...

  • بادئ الموضوع بادئ الموضوع Bebo Ahmed
  • تاريخ البدء تاريخ البدء
عرض العطلة
B

Bebo Ahmed

:: مسافر ::
#1
الحمد لله ع نعمة زيارة إسطنبول _ تركيا سياحة ..
وصلت القاهرة اليوم بعد زياراتي بإسطنبول..

مدينة جميلة ولكنها مزدحمة جدا ولولا وجود الترام والمترو ما كنت استمتعت ..
اليوم الأول ذهبت الي السلطان أحمد مكان الإقامة ونظرا لموقع فندقي امام ساحة السلطان أحمد والترام ولكنهوفندق صغير ولكن نضيف جدا وانا من الناس اللي بيقتنعوا ان الفندق للنوم فقط ...
منطقة السلطان أحمد منطقة حيوية وعكس ما سمعت انها بتقفل بادري بالعكس التمشية بالليل لغاية ٢ الصبح والناس ماشية وبعض المطاعم والسوبر ماركت فاتحيين ..
فجأة لقيت نفسي ف امينونو...بدون ترام وما أجمل حواريكي يا إسطنبول...
اليوم الثاني روحت سوق الفاتح يوم الأربعاء خضروات وملابس.
اليوم الثالث روحت زيتون بورنو..
اليوم الرابع روحت بورصا يوم كامل
اليوم الخامس روحت سوق findizade
اليوم الخامس صابنجا ومعشوقية وراحت تكسيم شارع الاستقلال بالليل..

وعندك kadikoy..
ملحوظات كده:

اشتري دولار من هنا واصرف هناك مكاتب الصرافة كثيرة والدولار ٣.٥ ليرة ..لما سحبت بالفيز ا البنك حسب لي الليرة ب ٥.٨٠ جنيه يعني الدولار اصبح أكثر من ٢٠ جنيه ..

كارت المواصلات مهم جدا جدا ليسهل كل حاجه وركز ع الترام والمترو ....البلد هناك زحمة جدا ...

اكتشف إسطنبول بنفسك ولا تقلق مفيش اجمل من انك تتوه هناك طالما معاك كارت المواصلات الخريطة إسطنبول...

بلاش تشتري خط تركي نت ومكالمات .. انت رايح تعيش حياتك .. ابقي ادخل الصبح من واي فاي الفندق ولما ترجع بالليل ...

هنا في حرية شوية .. تخليك ف حالك :) ..

ابعد عن السكن ف شارع الاستقلال واللهي زحمة ومفيش تصليحات ... السلطان أحمد منطقة راقية وجميلة التمشية..

فيه اسواق شعبية وفيه مول forum of istanbul ده فيه كل حاجه واسعار حلوة ...

الأكل التركي لم يعجبني والحمد لله ان فيه مطاعم سوري في يوسف باشا .. والسوريين جدعان جدا جدا ...

الشاي والقهوة اللي ف مصر برقبة اللي ف تركيا ... فيه ناس من بلاد تانيه بينبهروا لمده بس انا مصري لم انبهر .

ما تعملشي ميزانية وانت رايح تركيا .. احجز الطيارة والفندق ودولاراتك معاك وطير ...
 
  • إعجاب
التفاعلات: Josep
#3
الشاي التركي المخمر ده متعه جدااا والاكل التركي اللي شبهه اكلنا زفت جدا جدا عندك حق خصوصا المحشي اللي بيقولوا عليه ضلمه وبيتاكل ساقع حاجه استغقر الله العظيم
بس الاكل التركي نفسه بديع خصوصا اسكندر والمشاوي واكل السمك علي البسفور
عموما تركيا تتزار اكتر من مره واكتر من مدينه وحتي اسطنبول مش كفايه عليها اسبوع لان واضح ان حضرتك من عشاق الاماكن مش الحاجات الشهيره
اما عن الانبهار فدي كمان عندك حق فيها
 
عرض العطلة
#7
إحنا حجزنا فى فندق رايموند فعلا ممتاز وقدام الترام بتاع جولهانه وكان كل حاجه حوالينا بنتمشى بس ومحطه مترو بس فعلا الشوارع الداخليه بينامو بليل يعنى من 9 كده بره على البحر لحد الصبح عادى سهرانين. تقسيم معجبتنيش خالص معرفش زحمه جدا وناس شكلها غريب احلى حاجه فى تركيا النهار طويل يعنى لحد 7 ونص بليل لسه النهار طالع والدنيا ماشيه اسطنبول عشق فعلا مينفعش فيها اسبوع بس لأن الوقت بيجرى ولسه متكونش اكتشفت باقى المزارات ياريت كنت روحت مسجد الصحابى ايوب وركبت التلفريك هناك كنت كمان هتستمتع جدا
 
عرض العطلة
#12
بأكد عكلامك خصوصا بأفضلية منطقة السلطان أحمد على تقسيم...

واللغة أبدا مو عائق، قبل ما تسافر اقرأ وتعرف عالمناطق وعلاقتها ببعض، يعني يكون عندك خطة مبدئية وهناك العرب كتار وحتى لو تهت بس اذكر اسم المنطقة للاتراك بدلوك..

وكرت اسطنبول متل هويتك ببلدك، ما تتجول الا وهو معك ومشحون..

السياحة في اسطنبول سهلة وجميلة،، تستحق التجربة!
 
#14
حاجة كمان بالنسبة للطيران ... طيران بيجاسوس اقتصادي مفيش اكل ومحسيناش بالوقت ..
مطار الغردقة جميل ونضيف وبيبقي معاك اجانب ..كنت انا ومراتي المصريين بس اللي عليه ...
اتكلفنا ثلاث تذاكر انا ومراتي وابني ٦٠٠ دولار...
تابعوا اسعار البيجاسوس وحتلاقوا اسعار جميلة ...
شغل أوروبي بصراحة لأني شوفت كده لما سافرت اوروبا وتنتقل طيران داخلي ..هو نفس الطريقة ...
وفرووا الفلوس والفندق نوم فقط وتشتروا الملابس بتبقي outlet اسعار تحفه ...
 
عرض العطلة
#20
سمعت انه من سن 18الي 40 سنة
لو مكتوب في جواز السفر في خانة المهنة :حاصل على او طالب
لازم يكون نوع الفيزا زيارة وليس سياحة .هل هذا صحيح Bebo Ahmed
 
عرض العطلة
عرض العطلة
عرض العطلة
أعلى أسفل
عودة
قائمة