السلام عليكم. اتمني اذا احد من حضراتكم يفيدني...

[Hmk Elsayed]

السلام عليكم.

اتمني اذا احد من حضراتكم يفيدني بموضوع السياحة العلاجية .

بمعني : والدتي ست كبيرة بالسن وعنده القلب + جلطه بنصفها اليسار .
وبصراحه تعبت جدا من المستشفيات المصرية. بفضل الله بحاول ادخلها افضل مستشفيات وبلاقي الحالة مش بتتحسن اخدها واطلع مستشفي تاني. اتفاجئ يقولي العلاج ده كله غلط وأثر عليها بالسلب ويكتبلي علاج غيرة برضوا نفس القصه اروح لدكتور تاني يقولي اللي قبلي غلط وهكذا !!!!! .

احد إلاصدقاء نصحني ابحث عن مصحات علاجية بالهند اتمني لو احد من حضراتكم عنده اي إفادة في الموضوع سواء الهند او اي مكان تاني . ودعواتكم بالشفاء .

تحياتي .

 

[Miky Abdelaal]

دكتور محمد مندور في كليوباترا. و رامز الجندي في القاهرة التخصصي.
شوفهم الاول قبل ما تعمل اجراآت السفر
انا ماما كانت بتتعالج عندهم. و فعلا انضف اتنين اتعاملت معاهم في مصر و فاهمين

 

[Nody Metawe]

اللهم اشفها شفاءً ليس بعده سقماً أبداً .
اللهم البسها ثوب الصحة والعافية عاجلاً غير أجلاً يا أرحم الراحمين.
اللهم اعفو عنها وعافيها يارب العالمين .
هي وكل مريض اللهم امين .

 

[Manal Afifi]

الهند والصين لتجاره الاعضاء البشريه لكن الطب عندهم مش اللي هو احسن من مصر خالص وخصوصا التمريض عندهم من اسؤ ما يكون ...مصر فيها ناس ممتازه متدورشي علي الغالي دور علي الشاطر والناس الثقه ولازم يكون حد مجربهم ومعروفين بسمعتهم الكويسه لان في دكاتره كتير مشهوره وهم فعلا فاشلين وخصوصا اي حد بيظهر في التلفزيون او تلاقي حواليه ضجه اعلاميه اهرب منه فورا....شافاها الله وعافاها ورد عليها صحتها وعافيتها علي احسن ما يكون

 

[إلهام زروق]

ربي يشفيها و يعافيها و يفضلهالك نتصور اذا تعمل حجامة تبقى احسن ناس كتير بتبقى كويسة او العلاج بالمياه الطبيعية السخنة مفيدة جدا

 

[Khaled Shaath]

شوف المستشفى الامريكي بتايلاند

 

[Ahmed Abdelhalim Ibrahim]

لو عندك المقدرة ...يبقى المانيا ..المدينة الطبية فى آخن ...بس العلاج الطبيعى بيحتاج وقت ده لازم تعرفه ....وفعلا انا عذرك فى انك تدور بره للاسف انا ليا تلات سنين بتعالج من التهاب لثه ادى الى جيوب ولو سافرت عالجتهم بره مكنتش خدفع ربع اللى دفعته عند الدكاترة اللى بتصدعنا فى التليفزيون

 

[Ibtisam Al-Farah]

عندي صديقه اخذت والدتها الهند وهي مازالت هناك. لو تحب ممكن اعرفك عليها و تسالها. هي دكتورة اكاديمية في اجازة حالياً مرافق لوالدتها في الهند.

 

[Ahmed Soliman]

انا قرأت بعد التعليقات فى موضوع العلاج عند دكاترة هما بيرشحهوم وده فى مصر فا لو حضرتك ان شاء الله هاتكمل فى الموضوع مع آراءهم يبقى تمام ، ولو لسة محتاج معلومات عن موضوع العلاج فى الهند انا اعرف واسمع عنه بس مش متاكد من نتائجه لانى معرفش حد جربه الا زمايل فى الشغل هنود ، بس ممكن اجيبلك التفاصيل واسم مراكز بتعمل كدة لو حابب.
ربنا يشفيها ويعفو عنها ويشفى كل مريض يارب