اللى فاهم يعرفنى اعمل ايه بالظبط .... اول...

[Mohamed Osama Elbaz]

اللى فاهم يعرفنى اعمل ايه بالظبط ....
اول مقابله فى سفاره امريكا كانت يوم ٢٦-٩-٢٠١٦...
رايح تعمل ايه: سياحه
سافرت فين قبل كده : لبنان تركيا ماليزيا دبى
بتشتغل ايه rofessional photographer
كنت كاتب انى رايح ملبورن فلوريدا.....اشمعنى ملبورن....there is a great resort over there so iam going there to get some rest
فطبعا الست استغربت قالتلى فى ملبورن؟؟ قلتلها اه
خدت الحساب البنكى و كان كويس جدااا....وبعدها ادتنى رفض ...
تانى مره كانت فى ١٦-١١-٢٠١٦....
رايح تعمل ايه:سياحه
سافرت فين قبل كدا: كانوا نفس البلاد برده بالظبط فى المقابله اللى قبلها
بتقبض كام فى الشهر:قلتلها رقم عالى عشان انا شغال شغل حر فى التصوير والحساب البنكى بيوضح كدا فاستغربت و خدت كشف الحساب و برده ادتنى رفض

تالت مره امبارح:يوم ٤-١٠-٢٠١٧
الاساله كدا بالظبط:
انت شغال photographer وعندك الاستوديو بتاعك؟؟ قلتلها اه انا director of photography and owner of photography studio
سافرت فين قبل كدا:
قلتلها تركيا مرتين
ماليزيا مرتين
لبنان مرتين
دبى مرتين
اندونيسيا مرتين
الهند
الصين
هونج كونج
والسفريات دى كانت منفصله ياجماعه مش ورا بعضها
....بتقبض كام فى الشهر قلتلها there is no constant range for my income because iam working at seasons and wedding begins from july to november
قالتلى انت سافرت تركيا مرتين ....مره السنه اللى فاتت ومره السنه دى
رديت قلتلها اه مره فى رمضان ٢٠١٦ ومره فى فبراير ٢٠١٧
المره بتاعت ٢٠١٧ دى كانت يومين عشان روحت صورت سيشن هناك ورجعت بس دا مقلتولهاش
قالتلى تمام انت مش مقبول للفيزا ...

انا عاوز حل اكيد ويكون حد عارفه اعمل ايه....للعلم انا معايا سجل تجارى و بطاقه ضريبيه و السجل بقاله كتير وحساب البنك كويس .....
خطيبتى بتدرس هناك ومش هينفع تنزل لمده سنتين فانا لازم اروح اشوفها ....وارجع تانى عشان شغلى هنااا فحد يقولى اعمل ايه ....شكراااا

 

[Samara Mostafa]

Up

 

[Abdel Hamid Elbeltagi]

بص يا باشا لازم إجاباتك تكون متوافقة تماماً مع ال انت كاتبه في الابلكيشن لو فيه حيود ولو مللي مش هتاخد الفيزا . هل ده حصل ال انت كتبه تماماً هو ال قلته في المقابله

 

[Mary Emad]

لأن ملبورن مش من البلاد السياحية فى فلوريدا ف اكيد استغربت اشمعنى ملبورن.. لو كنت قلتلها أورلاندو يمكن كانت اقتنعت لانها بلد سياحية وفيها ديزنى وseaworld وresorts كتير

 

[Lina Elmelegy]

ركز في الي كتبه في ابلكيشن اوي و ركز ان عندك استديو في مصر بتاعك و لو اي حاجه باسمك حط ورقها قول هقعد 10 ايام هتقلك ليه قلها امريكا كبيره و انا مركز علي زياره كذا و كذا وكذا ومش هينفع اكتر عشان مرتبط بحجوزات افراح اتكلم بثقه اعمل سرش ع اماكن انا مش من واقع تجربه بس متابعه كويس عاوزه اقدم عليها

 

[Mai SaȜed Salama]

بعتلك انبوكس

 

[Marmora Hamed]

ممكن تقول انك هتروح كذا مكان فامريكا وتعمل plan وتعرضها عليهم ممكن مقتنعتش ان المكان يستحق انك تروحله المشوار ده كله وانك مش هتروح اي اماكن غيره فمكنش ردك منطقي بالنسبه لهم

 

[Mohamed Abo EL Ela]

قولهم تبع المستشار محمد ابوالعلا يا فركش

 

[Ahmed Aboelela]

Mahmoud Elwetidy

 

[Mohamed Elgayyar]

انا رأي بصرف النظر عن اسباب الرفض المتكرر .. ممكن تكون محتاج تطلع شنجن وتروح اوروبا الاول مرتين ولا حاجه وبعد كدا تفكر تاني في امريكا.. ودا ما يمنعش بردو ان لازم الابلكيشن كورق ومقابله يكون مظبوط ومتسق ومقنع