مقابلة في السفارة الامريكية بالقاهرة:...

[Marwan M. Osman]

مقابلة في السفارة الامريكية بالقاهرة:
القنصل:اسمك مروان علي؟
انا:ايوه تمام مروان علي
القنصل:رايح أمريكا ليه؟
انا:رحلة شغل تبع شركتي الي شركةsolar turbines لحضور tests بعد العمرة للتربينة في ورش شركة solar turbines
القنصل:طلبك مرفوض
السؤال لماذا يرفض الطلب بدون أي مبرر واضح مع العلم بأني أملك invitation letter من شركة solar turbines والتي لم يطلب القنصل رؤيتها ولا رؤية اي ورق .هل الرفض يكون علي حسب الحالة المزاجية أم ان هناك شروط معينة؟؟

 

[Mesro Omer]

م

 

[Atef Ahmed Elkholy]

F

 

[وكفي بالله وكيلا]

م

 

[David Devo]

معاك تأشيرات سابقة كتير ؟؟

 

[Adm Harris]

القنصل في السفارة الامريكية بيبقي دارس علم نفس ولغة الجسد ومن كل حركة بتعملها ومن نظرة عنيك بيقدر يفهم اللي في دماغك واذا كنت ناوي تعمل خلعون في بلاد العم سام او لاء.. جسمك بيعمل حركات لا اراديةالقنصل بيترجمها ذي ما درسها.. .ممكن حركة عنيك وانت بتجاوب عليه تبين كذبك.. ممكن لو هرشت بصباعك علي مناخيرك حتي لو ثانية بتبين كذبك.. . وساعتها اي حركة بتعملها او حركة ايد معينة ممكن تجيبلك رفض فوري حتي لو كان معاك اوراق بملايين

 

[Kævën Tæwêüqê]

امريكا بأرتياح القنصل ليك فقط ويكون ربنا رايدلك غير كده ولا اي حاجه تفرق..

 

[Marwan M. Osman]

هما شكلهم كده طمعوا في ال ١٦٥ دولار بتوع المقابلة

 

[Ahmed Kadry]

علم نفس ايه و بتنجان ايه
تحب اقولك على 100 واحد اعرفه معرفة شخصية راح و كسر الفيزا هناك ؟؟؟
لولا الفضايح كنت منشنتهم
اه و بالمناسبة بيبقو داخلين و تقريبا مش معاه ولا ورقة تثبت اي موقف ليه

بلد بنت 60 وسخة رخصتنا لحد ما وصلنا للمرحلة دي

 

[Mohamed Mohamed]

مع ان اسم الشركة الرايح لها مش قليل يعني بس هل كنت مختار اصلا الفيزا الصح ؟ يعني زيارة عمل مش سياحة والمدة منطقية اسبوع او 10 ايام مثلا ولا ايه

 

[Yasser Mahmoud]

ده ذنب الباندا اللي انت مغفله في الصوره ده
قدم تاني وان شاء الله تتقبل

 

[David El Almany]

طب اللى معاه المانيا وانجلترا يقدم ولا ضعيفه برضه؟

 

[Amira Hamed]

Eng Mahmoud

 

[Alaa Taref]

عموما مع اي سفارة، لو الفيزا مش عمل مينفعش تقول رايح شغل، لازم رايح training او meeting او workshop لو تبع الشغل

 

[Belal Ibrahim]

مزاج مزاج مزاج
الأمريكان دول بالذات بالمزاج
وخاصة لو الراجل العجوز الليً هو القنصل شخصيا!

 

[Alhussain Tawfiq]

سوال اهم ليه موجهتش سؤالك للقنصل

 

[Mhmd Ashrii]

السفارات في مصر رخمه وصعبه ومتعرفش لامهم مله انا خدت فيزا كندا من دبي بسهوله جدا بمعني لما تقدم علي فيزا لدول اوربا او امريكا قدم من اي سفاره خارج مصر

 

[Hossam Fayez]

Hend Tantawy
Ahmed T. Nabarawy

 

[Mena Fayz]

حد رايح امريكا يقدم على اسبوع
بالله عليك دا انت بتوصل من الطيارة هتاخد يومين
١- الشركة مديالك كام يوم اجازة
٢- طيب انت مقدم المقابلة قبل ميعاد السفر باد اية
٣- صيغة hr letter اية
٤_ سنك كام سنة

 

[Walid Mekky]

فى حاجه غير مفهومه فى البوست ده. انت معاك business invitation ودى لوحدها ٨٠٪‏ قبول الفيزا و الباقى امنى. خاطب الشركه الداعيه و فهمهم ان الدعوه بتعتهم تم الاستهانه بها. هم حبيتصرفوا. دى شركه توربينات يعنى مش محل لعب.