استفادوا اي لما سافرتوا !! ✈ اي اللي اتغير...

[Iman Haroun]

بصى يا سيتى مع انى مسفرتش الا بلد واحدة و كانت جورجيا اولا اى بلد فيها الحلو و الوحش هناك فيه بردة شحاتين و البلد فقيرة بس من اول ما حتيت رجلى لاقيت ان الناس من بدرى فى المواصلات علشان تروح شغلها و فى الشوارع الكناسين و منهم سيدات بيشتغلوا بضمير و من بدرى لدرجة انى وقتها قررت انى احمد ربنا على وظيفتى حتى لو مش عجبانى الحاجة التانية الاستفدت منها لما قعدت فى هوستيل كان لزوجين من جنسيات تانية و اتعلمت منهم كتير اد ايه انهم متشاركين فى كل حاجة من اعمال النظافة و المتابعة و قلبهم على بعض و حسيت بالمشكلة الحقيقية الفى عرفنا و هى العادات هما بيتهم فتحوا للعمل و المطبخ بتاعهم يا دوب فيه ادوات على ادهم و العفش بسيط مناسب للهوستيل و احنا هنا لازم كل واحد يجهز شقة شاسعة و يشترى عشرات اطقم حلل و صينى و كؤس و صالونات و كم موبيليا مبيستخدمش
مع احترامى لكل الاراء المفروض اننا بنسافر علشان نكتسب خبرات جديدة فى الحياة مش علشان ننقم على عيشتنا و نكره البلد مفيش مكان كامل انما النقص فى رضا النفوس حاولوا ترضوا و اتعلموا البلاد الاجنبية افضل مننا فيه حقيقى برة الناس بتشتغل بضمير

 

[Ahmed Abd Elhamed]

مخترع الشطافة يستحق نوبل

 

[Mo'men Seleim]

ريحة الشراب

 

[Reham Nour]

اننا نتحط قى نواقف لازم نتصرف فيها لوحدنا و نعتمد على نفسنا

 

[Magdy Goda]

عرفت نفسي وانا لوحدي لما بيكون قدامك كل حاجة متاحة وانتي اللي بتختاري علشان دا اختيارك مش الناس والعادات والتقاليد بس
عرفت الاصحاب بجد بتعرفي الناس في السفر لان في مواقف ما بنتعرضش ليها في الايام العادية في السفر بنقابلها
بتعرفي ان بلدك حلوة لكن محرومة من الحلاوة دي وبتقدري تفكري هي ممكن تبقي احسن ازاي
بتعرفي ان الناس رغم اختلافها انما عايشين متعايشين مع بعض لو حد معارض رايك او اتجاهك مش معناه انك غلط وهو صح مش معناه انك هاتخشي النار وهو لا

 

[AH M ED]

الغربه علمتني . انت بطل روايتك الوحيد ...

 

[Eman Ghoneim]

F

 

[Sbaey Hamdy]

اكتر سفري كان في البحر
كنت شغال بحري ع سفينة بضائع
الي اتعلمته
أنك لازم تصخر الموارد المحدوده في خدمتك
بالبلدي البحرية بتعلمك تدهن الهوا دوكو

 

[Mai Hasan]

لما سافرت عرفت ان بردو البلاد اللي بنشوفها و بنسمع عنها مش مثاليه زي ما بيتهيألنا اه عندهم نظام و نظافه و امانه و كله لكن بردو في شحاتين و حراميه و نصابين و بيستغلو السياح و ناس كشريه ما تحبش تساعد و في العكس طبعاً بس الواحد بيشوف الفرق بينا و بينهم ايه فا زي ما عندهم الحلو عندهم بردو الوحش و اهم و اول حاجه بتعرفها لما بتسافر ان تصرفاتك بتتصرفها عشان الناس ولا عشان ربنا يعني قدامك الصح و الغلط و انت بتختار و بتعرف نفسك صح انك ممكن تعمل حاجه غلط لمجرد انها متوفره قدامك و ان مفيش حد يعرفك ولا انك انت اللي مش عايز ده غير انك بتشوف ناس مختلفه و ثقافه مختلفه و هكذا

 

[Hameed Mohamad]

كرشي بس هو اللي كبر

 

[Ragia Fawzy]

سعادتك و احلامك مش واقفة علي حد

 

[Ayman M Naguib]

بترجع نفسيتك غير تماما

 

[Marie Yaness]

يوم ما ساغرنا بره، عرفت اني حامل

 

[Amd Mfa]

ان الناس بره ناجحة لاسباب بسيطة وسهلة جدا....
عندهم ضمير وأمانة
وقت العمل للعمل فقط ووقت الاجازة للاجازة فقط
المحافظة علي النظافة والجمال بشكل عام
الاحترام المتبادل
تسليط الضوء علي الأمثلة الناجحة ودعمها لتخرج افضل ما عندها وتصبح قدوة لغيرها....
واكيد طبعا عندهم نسبة فساد ولكن بنسب ضئيلة جدا
وبازعل لان عندنا المقومات اللي تخلينا زيهم وافضل منهم بس للاسف مش قادرين نستغلها لأسباب كلنا عارفينها

 

[Amr El Gamal]

مكتئب وبحب الوحده

 

[Yasser Fathi]

سافرت كثير وعشت في بلاد كثير واتعلمت من ناس حاجات كتير .....أكبر استفادة من السفر انك تشوف في الناس الثقة في الاخر تشوف مجتمعات لاتعنيها السياسة التي اهلكتنا ،، نهائيا .
ومجتمعات مختلفة ونفوس مختلفة ورضى من أبسط الامور ...شقة 40 متر
بيركب مواصلات مايشتكيش
بيسافر بلاد كل يوم عشان شغلة ماتسمع لة حس
بيتزوج واحدة وهم لا يملكون حتى حق طعام الشهر المقبل .
بيحافظوا على نظافة شوارعهم ومستعدين يمسحها بلسانة
النظافة الشخصية تهم جدا
مساعدة الغير والاحساس بالغير حاجة تفوق الخيال

 

[Shimotota Hosni Eid]

اتعلمت حب الحياه

 

[Pakinam Ahmed]

عرفت إن مصر بلد تقتل الفكر و الإيجابية و كل حاجة حلوة في الإنسان
عرفت أد ايه مجتمعنا مريض
عرفت أد ايه الحياه بالخارج بسيطة و ممتعة و مفرحة
عرفت أد ايه الناس في مصر سطحيين، مهتمين بالمظاهر بس
عرفت أن مصر دولة مميتة

 

[Mohamed Kamal]

كسرت حاجز الملل 20 يوم ورجعتله واخدني بالحضن

 

[Islam Ashraf]

سفر اية .. لا أنا لسه متغدتش