انا كل ما اشوف بوست في الجروب ده أجيب تراب...

[Mo Ha Med]

انا كل ما اشوف بوست في الجروب ده أجيب تراب واحطه علي دماغي ده انا يوم ماروحت أسوان حسيت اني رحت المريخ
انتو ليه بتحسسوني بالعجز يا اخوانا
السؤال هنا هو انا ممكن ييجي عليا يوم واعمل للبلد دي باي باي من الطيارة

 

[محمد فؤاد ابويوسف]

لست وحدك ..كلنا هذا الشخص

 

[محمد فؤاد ابويوسف]

انا ببقا قاعد اتفرج عالشنجن والبنجن والحوارات دى احس ان انا مش من هنا .

 

[Mohamed H Hathout]

لازم تلف بلدك الأول ... لازم تعشق السفر و المغامره ...
لما تحب السفر ... حيبقى عندك العزيمه أنك تحوش فلوس و تحوش أجازاتك و تبتدى تفتح النت و تشوف أسعار الطيران و الفنادق و الفسح ... لما يبقى عندك الحب الحقيقى للسفر و رؤية الآخرين و حياتهم و حضارتهم و بلادهم ... حيبقى عندك العزيمه ...

 

[Khaled Mohamed]

انا رحت شرم ودهب ويوم ما ركبت الطيارة لقيت نفسي ف السعوديه

 

[Nada Mohamed]

نفس احساسي والله حاجه بؤس

 

[Tour-guide Hanan Ezzat]

انا اول رحله رحتها كنت بحوش في ظرف ٢٠ و ٥٠ جنيه علي فكره ....و بعدين بلدنا حلوه سافر جواها الاول ...و علي فكره الجروب دا للسفر و تبادل المعلومات يعني الناس ما غلطتش في حاجه

 

[راجية الجنه]

اسوان اجمل من بلاد ياما فعلا فيها اثار وطبيعة

 

[Hany Adel]

اوعي تيأس فيه ناس كانت زيك و دلوقتي بقوا رحالة و لفوا العالم

 

[Ashraf Gawdat]

لف مصر واتفسح فيها كويس واستمتع بيها على قد ما تقدر .. علشان يوم ما تسافر بره هتيجي بعدها هتقرف تروح أي حتة فيها ومش هتستمتع بأي مكان تروحه

 

[Omnia Safie]

سفرية أسوان كلفت كام؟

 

[Seham Amr]

لو معايا تاشيرة دراسة بس مسافرتش قبل كده ممكن يرجعوني من مطار ؟

 

[Yasser Ali]

انا زيك بس لحسن حظى ان شغلى هو اللى بيخلينى اسافر بره مصر انما لولا الشغل كان زمانى قاعد اتفرج على البوستات بتاعة السفر واشوف الصور والفيديوهات كأنى سافرت واهو حاجة وخلاص أصبر بيها نفسى لان السفر خارج مصر حاليا بعد غرق الجنيه المصرى اصبح فى متناول تاجر المخدرات المحترم
اما بخلاف الماديات فيه حاجة صغيرة تانيه اسمها التأشيرات B| ....السفر سهل جدا لكل الجنسيات العربيه اللى انا اعرفها ما عدا المصريين ههههههههههههه اقسم بالله العلى العظيم اكتر من 80 % من سفارات العالم بتخاف من المصريين حتى الدول العربيه الاشقاء هتلاقى اكتر جنسيه مكروهة عندهم هى الجنسيه المصريه مش عارف ليه !!!

على فكرة انا بتعامل كويس الحمد لله فى اى مكان خارج مصر بس انا بتكلم على اللى بيحصل مع الغالبيه العظمى من المصريين مش كلهم عشان محدش ياخد الكلام على نفسه B|

انت بس صفى النيه وسيبك من تشجيع الترجى والنجم الساحلى وشيل الاهلى من دماغك وساعتها ربنا هيكرمك وهيكرم الزمالك

 

[Amira Helmy]

ده تشجيع عشان تشوف الدنيا

 

[Ahmed Salem]

انا عايش في نيويورك و حاسس بالعجز برضوا

 

[Ahmed Ali]

واحدة واحدة ، المرة دي أسوان ، المرة الجاية أوروبا

 

[Hasnaa Gamal]

واحنا الي اقصي طموحتنا اسكندريه ويوم واحد بعد السكاشن ما تخلص Esraa

 

[Ashraf Alhalabi]

عزيزي صدقني السعادة الحقيقية مش للبلاد وكل حاجة في وقتها وكلنا سافرنا بعد تعب وجهد وتحويش التكلفة وربنا يرزقك لسفريات كتيرة تحقق احلامك

 

[Mohamed Atta]

يا عم احمد ربنا و بوس ايدك شعر و دقن
انا من اسوان نفسها و مروحتهاش ولا مرة و انا كبير و مروحتش مصايف في حياتي و المكان الوحيد اللي روحته سفر يعني كان الاسماعيلية و كان عشان شغل كمان
احمد ربنا ده انا بقالي سنة بخطط عشان اسافر بلدي و اسافر اسكندرية و اقول اتعشت على كدة اروح ادفن نفسي بقى

 

[Ghada Abdalla]

قول يا رب