M
Mohamed Elnjjar
:: مسافر ::
البوست دا هيعجب البنات ويبهرهم جدا
عمرك فى حياتك شفت كنز حقيقى من الكنوز ال بنسمع عنها فى الحكايات والاساطير ؟؟
فى اسكندرية تقدر تروح تتفرج على كنز اسطورى بس فى الحقيقة وب 10 ج بس
دهب / لؤلؤ/ ياقوت / مرجان/ الماظ/ ماس/ زمرد/ كريستال / عقيق ......
فى المكان دا اقل حاجة عينك ممكن تقع عليها هى الدهب ال هتحس من كتره انه حاجة اقل من العادية
ال ادامكم دى صور من قصر المجوهرات الملكية بالاسكندرية وتحديدا فى زيزينيا وال يعتبر بقاله سنة بس مفتوح بعد الترميمات الاخيرة
المتحف فى الاصل هو قصر فخم جدا للاميرة فاطمة حيدر وال اهدته لها والدتها بمناسبة زواجها وطبعا منطقة زيزينيا معروفة بانها من اجمل وارقى مناطق الاسكندرية. وحاليا القصر بقاعاته اتحول لمتحف سواء كمبنى اثرى فخم او كقطع معروضة من مقتنيات الاسرة المالكة. من اكسسوارات لالعاب لادوات زينة لحتى ادوات السفرة. وطبعا كل المقتنيات ال بنتكلم عنها دى مصنوعة بالكامل من الذهب المرصع بالماس والزمرد والياقوت.
يعنى مثلا هتلاقى عندك فى الصور طاقم الصبغة وفرش الشعر للاميرات مصنوع من الذهب الخالص المرصع بالماس. كمان هتلاقى ادوات الصيد ومعدات حجر الاساس للملك مصنوعة من الذهب المطعم بالمينا والياقوت. وهتلاقى الشخشيخة بتاع الملك فاروق وهو طفل وهى من الذهب المرصع بالماس. وطبعا الشطرنج التحفة الوهمية ال معمول باشكال هندية من الذهب والماس المطعم بالمينا الملونة.
وانت فى القصر جوا هتعدى من الحمام الخاص بالاميرة وال يعتبر لوحده قطعة فنية وهمية وخصوصا ارضيته لانها معمولة من الفوسيفساء بقطع الذهب.
عندك كمان ادوات السفرة للملك هتلاقيها كلها من الكريستال والبلور والذهب. وفى الصور عندك فى طقم اظرف زى الكاسات كدا مصنوعة من الذهب الخالص بفصوص الماس ودى كانت مخصصة لوضع البيض فيها على السفرة
اهم حاجة عندك فى المتحف كمان حاجة تخليك تفرح وتحزن فى نفس ذات الوقت. اه والله ، هتلاقى قاعة كاملة وتحديدا قاعة الجيمانيزيوم. معروض فيها قطعتين اتنين بس. بس مش اى قطعتين. قطعة منهم عبارة عن كاس كبير من الذهب الخالص وزنه تقريبا ١٦ كيلو من الذهب ودا كان مصر فازت بيه فى مسابقة عالمية للسياحة على مستوى العالم. وحصلت عليه مصر ايام الملكية بمناسبة حصولها على لقب افضل دولة سياحية على مستوى العالم اه والله زى ما بقولكم كدا.
المتحف عموما مكان حلو جدا ممكن تخطفلك فيه ساعة من زيارتك للاسكندرية وممكن تروحه عن طريق الترام لانه بيعدى من ادامه على طول ولو انت هتركب تاكسى السواق هيكون عارف العنوان. ولو انت جاى من الكورنيش تعالى من عند سان ستيفانو على البحر وادخل من جمبه هتلاقى نفسك على شريط الترام وهناك انت كدا فى زيزينيا اسال اى حد هناك هيدلك عليه
القصر مفتوح يوميا من ٩ ص الى ٤ م
الدخول ب ١٠ ج للمصريين و ٥ للطلبة ولو عاوز تصور جوا القصر فى تكت تصوير ٥٠ ج
التقرير دا من تصويرى واعدادى
#مصر_التى_لا_تعرفونها
عمرك فى حياتك شفت كنز حقيقى من الكنوز ال بنسمع عنها فى الحكايات والاساطير ؟؟
فى اسكندرية تقدر تروح تتفرج على كنز اسطورى بس فى الحقيقة وب 10 ج بس
دهب / لؤلؤ/ ياقوت / مرجان/ الماظ/ ماس/ زمرد/ كريستال / عقيق ......
فى المكان دا اقل حاجة عينك ممكن تقع عليها هى الدهب ال هتحس من كتره انه حاجة اقل من العادية
ال ادامكم دى صور من قصر المجوهرات الملكية بالاسكندرية وتحديدا فى زيزينيا وال يعتبر بقاله سنة بس مفتوح بعد الترميمات الاخيرة
المتحف فى الاصل هو قصر فخم جدا للاميرة فاطمة حيدر وال اهدته لها والدتها بمناسبة زواجها وطبعا منطقة زيزينيا معروفة بانها من اجمل وارقى مناطق الاسكندرية. وحاليا القصر بقاعاته اتحول لمتحف سواء كمبنى اثرى فخم او كقطع معروضة من مقتنيات الاسرة المالكة. من اكسسوارات لالعاب لادوات زينة لحتى ادوات السفرة. وطبعا كل المقتنيات ال بنتكلم عنها دى مصنوعة بالكامل من الذهب المرصع بالماس والزمرد والياقوت.
يعنى مثلا هتلاقى عندك فى الصور طاقم الصبغة وفرش الشعر للاميرات مصنوع من الذهب الخالص المرصع بالماس. كمان هتلاقى ادوات الصيد ومعدات حجر الاساس للملك مصنوعة من الذهب المطعم بالمينا والياقوت. وهتلاقى الشخشيخة بتاع الملك فاروق وهو طفل وهى من الذهب المرصع بالماس. وطبعا الشطرنج التحفة الوهمية ال معمول باشكال هندية من الذهب والماس المطعم بالمينا الملونة.
وانت فى القصر جوا هتعدى من الحمام الخاص بالاميرة وال يعتبر لوحده قطعة فنية وهمية وخصوصا ارضيته لانها معمولة من الفوسيفساء بقطع الذهب.
عندك كمان ادوات السفرة للملك هتلاقيها كلها من الكريستال والبلور والذهب. وفى الصور عندك فى طقم اظرف زى الكاسات كدا مصنوعة من الذهب الخالص بفصوص الماس ودى كانت مخصصة لوضع البيض فيها على السفرة
اهم حاجة عندك فى المتحف كمان حاجة تخليك تفرح وتحزن فى نفس ذات الوقت. اه والله ، هتلاقى قاعة كاملة وتحديدا قاعة الجيمانيزيوم. معروض فيها قطعتين اتنين بس. بس مش اى قطعتين. قطعة منهم عبارة عن كاس كبير من الذهب الخالص وزنه تقريبا ١٦ كيلو من الذهب ودا كان مصر فازت بيه فى مسابقة عالمية للسياحة على مستوى العالم. وحصلت عليه مصر ايام الملكية بمناسبة حصولها على لقب افضل دولة سياحية على مستوى العالم اه والله زى ما بقولكم كدا.
المتحف عموما مكان حلو جدا ممكن تخطفلك فيه ساعة من زيارتك للاسكندرية وممكن تروحه عن طريق الترام لانه بيعدى من ادامه على طول ولو انت هتركب تاكسى السواق هيكون عارف العنوان. ولو انت جاى من الكورنيش تعالى من عند سان ستيفانو على البحر وادخل من جمبه هتلاقى نفسك على شريط الترام وهناك انت كدا فى زيزينيا اسال اى حد هناك هيدلك عليه
القصر مفتوح يوميا من ٩ ص الى ٤ م
الدخول ب ١٠ ج للمصريين و ٥ للطلبة ولو عاوز تصور جوا القصر فى تكت تصوير ٥٠ ج
التقرير دا من تصويرى واعدادى
#مصر_التى_لا_تعرفونها