M
Maged Yousry
:: مسافر ::
الفترة اللي فاتت لقيت ناس كتير بتسال عن الفيوم وايه ممكن يتعمل هناك فحبيت اشارك تجربتي هناك وانزل صور من بعض الرحلات اللي روحتها هناك اللي للاسف مكنش معايا كاميرا كويسة في ولا واحدة من دول واللي كان معايا كاميرا فيها الصور كانت افضل وضاعت 
علي العموم مش عايز اطول عليكم...برنامج رحلة الفيوم بيبدا من اول دخول البوابة وتكملة الطريق الي محمية وادي الريان بيكون نفسه متعة لانك شايف علي يمينك وشمالك قري بسيطة ثم بتبدا تلاقي بحيرة قارون علي يمينك والقرة علي شمالك ثم بتلاقي قرية تونس لحد ما توصل لرست عم جمعة وده حيكون اخر رست قبل المحمية وانصحك الوقوف فيه حتي لو مش عايز لان ده بيكون في اسعار اقل من داخل المحمية فجيب معاك مياة لان الجو جاف في المحمية وسلم علي ولاد عم جمعة دول للاسف صورهم مع الصور اللي ضاعت مني علي الكاميرا كنت مصاحبهم قوي وكل مرة بروح بيرحبوا بينا جدا خصوصا يوسف الصغير. بعدها كمل تحرك حتلاقي بوابة المحمية بعد حوالي 100 متر حتدفع الرسوم مبلغ رمزي وبعدها تكمل وسط الصحراء علي الاتجاهين لحد البحيرة الاولي وال 3 شلالات...المكان هناك حلو جدا بس ممكن مش كل الناس يعجبها بسبب الازدحام الشديد حول الشلالات لان كله بيتصور فيها.. هناك حتلاقي ناس بتركب فلوكة بتقعد 10 دقايق بظبط بسبب الزحمة فانا باجلها واركبها في نهاية البرنامح في مكان افضل.. المهم اني بتحرك من الشلالات الي مكان اسمه جبل المدورة وده عبارة عن جبل فوقيه 2 قمة اللي علي اليمين سهل التسلق اللي علي الشمال صعب بس انا طلعته لما كان معايا صحابي وصورت صديق لنا من الفيوم الصورة اللي موجودة تحت دي مع العلم ان الجبل حيكون علي شكل دايرة وتحتيه بحيرة شكلها توحفة يقال عليها البيحرة التانية او المستديرة... بعدها اتحركنا الي اجمل مكان في الفيوم اسمه البحيرة المسحورة ( magic lake ) وده كان اغلب وقت البرنامج فيه لاننا بنوصل هناك حوالي الساعة 2 ونص مثلا.... هناك بنروح الخيمة اللي في الصورة دي نرتاح وبنعمل فقرة رقص خيول وبعدها كل واحد بيستلم بورد عشان تجرب متعة التزحلق علي الرمال وللاسف صوره مش معايا حاليا بس ممتع جدا في الماجيك ليك... بعدها بننزل من علي الجبل نركب فلوكة في البحيرة مع مركبي لذيذ جدا بيقعد يغنلنا وبيفصلنا ضحك.
بعدها بنرجع الخيمة تاني نريح واللي عايز يركب خيل انا كانت تجربتي مع الخيل حلوة جدا هناك لان الصحراء واسعة ومش بيخليك تركب رهوان (2) هناك بيكون حصان بجد ... طبعا الوقت ده بيكون الاكل علي الفحم بيتعمل قدمنا ورحته عمالة تجوع فينا اكتر ما احنا.... الاكل بيجهز وبناكل ويكون الشمس بتغرب فنبدا نولع النار ونحضر الشاي البدوي ونستمتع بالنجوم وسط الصحراء والمارشميلوا علي النار مش حقولكم عليه 3> بعد كدة بنبدا رحلة العودة وفيه ناس بتمشي بدري من الماجيك ليك او بيكتفو بجبل المدورة ويرجعوا يكملوا اليوم في قرية تونس وهناك بيشهادوا طريقة تعليم الفخار ويتغدوا ويركبوا خيل و يولعوا نار بس انا استمتعت اكتر في الماجيك ليك لان المكان طبيعي توحفة.
طبعا الكلام كتير بس حاولت اوضح كل حاجة في الرحلة مع الاسف اني مش بقدر اكتب بطريقة مشوقة
بس اولا احب اعرفكم ان عيوب الرحلة هو اننا بنقعد وقت كبير في الباص خصوصا لاني جي من اسكندرية مش القاهرة بس الموضوع به بتنساه مجرد ما بتشوف كل الاماكن دي في يوم واحد وبتدي كل حاجة حقها علي فكرة مش كروتة.
الجو هناك حار بالليل بارد شوية.
روحت اماكن تانية هناك زي قصر القارون بس مستمتعتش فيهم زي البرنامج ده
الفيوم تتراح مع رحلة مع شركة سياحة او بعربية خاصة وتاخد معاك جايد لان اماكن كتير صعب الوصول اليها من غير محترفين زي الماجيك ليك...مع العلم برضه ان شركات كتير مش حتقدر تخش الماجيك ليك بدون عربيات دفع رباعي بس انا بدخلها باتوبيس بس مدخل خاص مش كل الناس عرفاه.
في رحلات تانية في الفيوم ممتعة جدا بتبدا من اول اليوم لاخره بعربيات جيب والبرنامج بيكون سفاري ويفضل لو حتخيم وتبات بس تكفته عالية ..
سعر البرنامج ده بالانتقلات بالغداء بالدخول المزرات وكل حاجة روحتها ما عدا ركوب الخيل السنة اللي فاتت كان ب 175 من اسكندرية وحوالي 150 من القاهرة اما السنة دي بعد ارتفاع اسعار كل حاجة واولهم النزين الرحلة حتكن حوالي 240جنيه من الاسكندرية شاملة كل حاجة والقاهرة اقل طبعا بس مش عارف كم.
علي العموم مش عايز اطول عليكم...برنامج رحلة الفيوم بيبدا من اول دخول البوابة وتكملة الطريق الي محمية وادي الريان بيكون نفسه متعة لانك شايف علي يمينك وشمالك قري بسيطة ثم بتبدا تلاقي بحيرة قارون علي يمينك والقرة علي شمالك ثم بتلاقي قرية تونس لحد ما توصل لرست عم جمعة وده حيكون اخر رست قبل المحمية وانصحك الوقوف فيه حتي لو مش عايز لان ده بيكون في اسعار اقل من داخل المحمية فجيب معاك مياة لان الجو جاف في المحمية وسلم علي ولاد عم جمعة دول للاسف صورهم مع الصور اللي ضاعت مني علي الكاميرا كنت مصاحبهم قوي وكل مرة بروح بيرحبوا بينا جدا خصوصا يوسف الصغير. بعدها كمل تحرك حتلاقي بوابة المحمية بعد حوالي 100 متر حتدفع الرسوم مبلغ رمزي وبعدها تكمل وسط الصحراء علي الاتجاهين لحد البحيرة الاولي وال 3 شلالات...المكان هناك حلو جدا بس ممكن مش كل الناس يعجبها بسبب الازدحام الشديد حول الشلالات لان كله بيتصور فيها.. هناك حتلاقي ناس بتركب فلوكة بتقعد 10 دقايق بظبط بسبب الزحمة فانا باجلها واركبها في نهاية البرنامح في مكان افضل.. المهم اني بتحرك من الشلالات الي مكان اسمه جبل المدورة وده عبارة عن جبل فوقيه 2 قمة اللي علي اليمين سهل التسلق اللي علي الشمال صعب بس انا طلعته لما كان معايا صحابي وصورت صديق لنا من الفيوم الصورة اللي موجودة تحت دي مع العلم ان الجبل حيكون علي شكل دايرة وتحتيه بحيرة شكلها توحفة يقال عليها البيحرة التانية او المستديرة... بعدها اتحركنا الي اجمل مكان في الفيوم اسمه البحيرة المسحورة ( magic lake ) وده كان اغلب وقت البرنامج فيه لاننا بنوصل هناك حوالي الساعة 2 ونص مثلا.... هناك بنروح الخيمة اللي في الصورة دي نرتاح وبنعمل فقرة رقص خيول وبعدها كل واحد بيستلم بورد عشان تجرب متعة التزحلق علي الرمال وللاسف صوره مش معايا حاليا بس ممتع جدا في الماجيك ليك... بعدها بننزل من علي الجبل نركب فلوكة في البحيرة مع مركبي لذيذ جدا بيقعد يغنلنا وبيفصلنا ضحك.
بعدها بنرجع الخيمة تاني نريح واللي عايز يركب خيل انا كانت تجربتي مع الخيل حلوة جدا هناك لان الصحراء واسعة ومش بيخليك تركب رهوان (2) هناك بيكون حصان بجد ... طبعا الوقت ده بيكون الاكل علي الفحم بيتعمل قدمنا ورحته عمالة تجوع فينا اكتر ما احنا.... الاكل بيجهز وبناكل ويكون الشمس بتغرب فنبدا نولع النار ونحضر الشاي البدوي ونستمتع بالنجوم وسط الصحراء والمارشميلوا علي النار مش حقولكم عليه 3> بعد كدة بنبدا رحلة العودة وفيه ناس بتمشي بدري من الماجيك ليك او بيكتفو بجبل المدورة ويرجعوا يكملوا اليوم في قرية تونس وهناك بيشهادوا طريقة تعليم الفخار ويتغدوا ويركبوا خيل و يولعوا نار بس انا استمتعت اكتر في الماجيك ليك لان المكان طبيعي توحفة.
طبعا الكلام كتير بس حاولت اوضح كل حاجة في الرحلة مع الاسف اني مش بقدر اكتب بطريقة مشوقة
بس اولا احب اعرفكم ان عيوب الرحلة هو اننا بنقعد وقت كبير في الباص خصوصا لاني جي من اسكندرية مش القاهرة بس الموضوع به بتنساه مجرد ما بتشوف كل الاماكن دي في يوم واحد وبتدي كل حاجة حقها علي فكرة مش كروتة.
الجو هناك حار بالليل بارد شوية.
روحت اماكن تانية هناك زي قصر القارون بس مستمتعتش فيهم زي البرنامج ده
الفيوم تتراح مع رحلة مع شركة سياحة او بعربية خاصة وتاخد معاك جايد لان اماكن كتير صعب الوصول اليها من غير محترفين زي الماجيك ليك...مع العلم برضه ان شركات كتير مش حتقدر تخش الماجيك ليك بدون عربيات دفع رباعي بس انا بدخلها باتوبيس بس مدخل خاص مش كل الناس عرفاه.
في رحلات تانية في الفيوم ممتعة جدا بتبدا من اول اليوم لاخره بعربيات جيب والبرنامج بيكون سفاري ويفضل لو حتخيم وتبات بس تكفته عالية ..
سعر البرنامج ده بالانتقلات بالغداء بالدخول المزرات وكل حاجة روحتها ما عدا ركوب الخيل السنة اللي فاتت كان ب 175 من اسكندرية وحوالي 150 من القاهرة اما السنة دي بعد ارتفاع اسعار كل حاجة واولهم النزين الرحلة حتكن حوالي 240جنيه من الاسكندرية شاملة كل حاجة والقاهرة اقل طبعا بس مش عارف كم.