H
Haytham Sleem
:: مسافر ::
المعلومات الوثيقة للولادة في أمريكا .
كلام مهم:
الموضوع ده انا كاتبه من زمان ، واتنشر قبل كده بس للاسف كأننا بنكتب لنفسنا او الناس اللي حتخوض التجربة محتاجة حد يضحك عليها او يستفيد ماديا من وراها !
قلنا بلاش ناخد المديكيد (التأمين المجاني). يرد واحد لأ عادي . انا عملته ومحدش كلمني .!وجاري عملوا وجدد الفيزا!
تفاجأ بنفس الشخص بعد كده وهو راجع من هناك بان الجوازات الغوا فيزته في المطار لانه خالف الشروط!
انتم أحرار..
End of text
..................
هل الولادة بغرض اكتساب الجنسية شيء مخالف للقانون الامريكي ؟
الاجابة : لأ .
طيب..ايه المخالف للقانون .؟
المخالف للقانون هو عدم.دفع تكاليف الولادة . لان المستشفيات هناك بتقبل اي حالة ولادة طارئة بغض النظر عن جنسية او اقامة او توفر مصاريف الولادة. فناس كتير جدا استغلت وبتستغل ثغرة التعامل بانسانية ورقي مع المريضة في التهرب من سداد تكاليف الولادة.
ببساطة لأن محدش بيطلب منك فلوس ابدا قبل الولادة الطارئة.
معني الكلام ده ان اي شخص معاه فيزا سياحة او دراسة من حقه الولادة هناك..
طبعا
. ليه مثلا ميصدرش قانون يلغي اكتساب الجنسية بالولادة ويريحوا دماغهم من وجع الدماغ ده؟
الاجابة بسيطة جدا وهي جملة في اعلان الاستقلال الامريكي تعتبر حجر الأساس في الدستور الامريكي .
(جميع البشر خلقوا متساوين، وأنهم وهبوا من خالقهم حقوق غير قابلة للتصرف، وأن من بين هذه الحقوق حق الحياة والحرية والسعي وراء السعادة).
يعني ولا طرامبو (علي رأي الفاضلة فيفي عبده). أو أي رئيس تاني يقدر يلغي الحق ده .
تكاليف الولادة:
الاجابة علي السؤال ده صعبة جدا لأن مفيش قاعدة للموضوع ده . كل مستشفي لها سعر مختلف تماما . فيه ولادة بتكلف 60 الف دولار. ايوا انت قريت الرقم صح . ونفس المدينة بتلاقي مستشفي تانية ب 8000 دولار .
ومتفتكرش ان فيه فرق في الخدمة او الجودة. الموضوع ده استاندرد عندهم .يعني التمريض قمة في الأداء. والرعاية علي اعلي مستوي.
بس فيه ناس مبتدفعش وبتولد ببلاش .ايه الكلام الفارغ ده .فلوس ايه ودولارات مين.
احنا بتوع الاتوبيس.
الولادة ٍببلاش ٍ دي حاجة ممكن تدفع تمنها غالي جدا لو جيت تقدم علي فيزا بعد.كده
لو عليك اي مديونيات او فواتير مش مدفوعة. بيكون عليك مطالبات قانونية بيها. عادي جدا وانت مسافر يوقفوك هناك لوجود مطالبات من شركة تحصيل .
يا سيدي ملكش دعوة. ازاي نولد ببلاش؟
انتي حرة.. لو عايزة تولدي ببلاش عندك طريقتين .
الطوارئ :
الاولي هي الاتصال بالطوارئ والاسعاف تودي حضرتك علي المستشفي تولدي بالسلامة وتروحي علي بيتك.
مفيش حد ابدا حيقولك هاتي فلوس. كل اللي حيعملوه انهم حيبعتولك الفواتير علي العنوان البريدي .
الحل ده بيضمن لك رفض الفيزا عند التجديد .وكمان بيضمنلك ملاحقة شركات التحصيل في اي وقت.
طيب مفيش حاجة ابوبلاش ومفيهاش بهدلة كده؟
طلبك عندي..
الميدكيد: (التأمين الصحي المجاني للمقيمين).
ده تأمين صحي للام والطفل المنتظر . يغطي تكاليف الولادة والتحاليل والدكتور. والإقامة وطبيب الأطفال والطهارة.
نسيت اقولكم ان كل بند من دول بيتدفع لوحده بفاتورة مختلفة غالبا.
ودي من الاشكاليات والطلاسم هناك..
التقديم علي الميديكيد ده مش في اي ولاية .بعض الولايات بس اللي بتقبل تعمله للي معاهم فيزا سياحة . لكن مش حوار صعب اوي. بيحتاج بس وجود الام قبل الولادة بفترة مش اقل من شهرين تقريبا.
الميزة في الميديكيد انه مش بيكون عليكي مطالبات قانونية .لان تكاليف الولادة اتدفعت من شركة التأمين.
المخاطرة في حال تجديد الفيزا انهم لو عرفوا الموضوع في السفارة حيطلبوا منك دفع كامل التكاليف واحضار فواتير بكده .
او حرمان من الفيزا حتي اشعار اخر.
وفيه ناس عملوه ومحدش اتكلم معاهم. هي حظوظ. بس الاغلبية بيتعرفوا دلوقتي.
للأسف مش حقدر أقول عن تفاصيل اكتر عنه او كيفية الحصول عليه . لان انا شايف انه نوع من التحايل والحصول علي حق غير مشروع .
يعني حرام علي بلاطة. لان حضرتك متحايل علي القانون .
بالاضافة لانه :
)أحد اسباب الحرمان من دخول البلد وتجديد الفيزا . مثبت بتجارب حديثة لاعضاء معانا ).
الولادة بشكل قانوني :
وده فيه طريقتين .
الاولي اني اراسل مستشفي هناك .واتفق معاها علي (باكدج ولادة كامل وشامل ). وده بيكون فيه تخفيض بيوصل ل 60 او 70% من سعر الولادة المعلن عندهم.
ده بيكون بشروط أهمها دفع كامل المبلغ كاش قبل الولادة بفترة . وتكون الولادة بدون أي مفاجآت غير متوقعة تحتاج لتدخل جراحي او ادوات اضافيه ..
السعر بيختلف تماما هنا. ممكن اساسا سعر الخدمات الاضافية دي تفوق تكلفة باكدج الولادة بمراحل.!!
السعر للاوبشن ده بيتراوح ما بين 6000 دولار ل 8000 دولار في المتوسط.
الطريقة التانية:
الداية .او midwife.
او الولادة في البيت .عن طريق ممرضات محترفات .
طبعا السعر ارخص بس لو الولادة فيها مشاكل او قيصرية بتتحول لمستشفي فورا والله اعلم التكلفة بتكون كام.
السعر حوالي 3000 ل 4000 دولار.
الايبودرال:
نصيحة لأي واحدة ناوية تولد هناك . ده نظام تخدير رائع للولادة الطبيعية بيخلي الولادة تجربة مريحة جدا . حقنة الايبودرال غالية وسعرها بيكون اقل حاجة 500 دولار تقريبا . وكتبر بتكون متضمنة في باكدج الولادة اللي اتكلمنا عليه.
تفاصيل استخراج شهادة الميلاد .والجواز. المدة .
ازاي اطلع جواز سفر والاب مش موجود في امريكا؟
.
سؤال وجواب،
●الفيزا . لو انا حامل وشكلي باين جدا. اقدم ازاي ع الفيزا ؟
تراسلي مستشفي هناك او دكتور وتتفقي معاهم علي التكاليف وتروحي للسفارة .حيسالك سبب الزيارة . قوليله بكل وضوح رايحة ...أولد هناك.
تقريبا دي حتكون من المرات القليلة اوي في انترفيو في السفارة الامريكية اللي القنصل هو اللي حيرتبك . وحيسأل حضرتك تاني وهو بيسلك ودنه . (x كيوز me ).؟
تستغلي حضرتك الارتباك ده وتقوليله انك مراسلة مستشفي هناك . وتوريلو كل الورق والمراسلات . مع شييت مكتوب متوضح فيه المصاريف المتوقعة هناك .
الكلام ده فيه ناس اعرفها في بلاد افقر من مصر بياخدوا بيه الفيزا عادي جدا . لأن القنصل بيحترم صراحتهم.
●الطيران . امتي اخر وقت اقدر اسافر فيه،؟
كل شركة طيران لها سياسة مختلفة في الموضوع ده اللي سمعته بيقول نجيب جواب مضروب . طيب . شركة زي طيران الخليج مثلا بتشترط اجراء كشف طبي في مستشفي تابع ليهم لو الحامل تخطت الشهر السابع مثلا،
الحل هو معرفة سياسة شركة الطيران قبل الحجز . وعموما مينفعش ابدا اي حامل تطلع طيارة بعد 3 اسبوع في الشهر الثامن للحمل.
●ايه ممكن يحصل لو ظابط الجوازات في المطار هناك عرف اني حامل وسأل .جاية تولدي هنا ؟
ده موضوع خطير.. لأنك لو كدبتي .مصيرك غالبا حيكون الترحيل .مش عشان حامل . عشان كدبتي .
افكركم ان الادلاء بمعلومات غلط بتدي الحق لموظف الجوازات في الترحيل فورا.
الحل:
بلاش كدب ابدا .
حامل؟ اه حامل
حتولدي هنا؟ ايوا حتنيل اولد هنا ومراسلة مستشفي ومعايا فلوس كفاية ومش حاخد ميديكيد او تأمين.
● فيه شركات عربية هناك بتساعد في موضوع الولادة وتخلص الإجراءات؟
صحيح. بس اغلب الشركات دي او الافراد بيعملوا تأمين صحي غير مستحق ( راجع الجزء الأول تحت).
يعني حضرتك بتدفعي فلوس للشركة دي عشان تولدي بتأمين مجاني.
الشركات اللي بتساعد فعلا من غير تأمين بتكون تكاليفها عالية جدا .
● ايه اللي بيحصل بالظبط لما بروح المستشفي اول زيارة؟
بيعملوا تحاليل وسونار وطبعا مكلفة جدا . فالأفضل ان التحاليل كلها تكون واخدنها معانا عشان مندفعش فلوس كتير.
بس ثانية واحدة..واخدنها معانا فين .في الشنطة .؟ الشنطة اللي ممكن تتفتش في المطار ؟ اكيد انتي قصدك انك تخديها معاكي علي فلاشة . او ع الايميل. اه. برافو عليكي وقعتي قلبي.
وبالمناسبة دي بوجه نداء لكل فتاة مسافرة. أرجوكي بلاش تخدي لبس اطفال وكوافيل وبزازات معاكي في الشنطة. اشتري من هناك. الشنط بتتفتش والله.
● ازاي ممكن نختار المستشفي. والدكتور. ؟
سؤال صعب ومحرج . الحل الوحيد فيه انك تعملي سيرش كويس جدا للمستشفيات اللي عندها باكدج ولادة.
عشان اوفر عليكم المستشفيات الرخيصة . في فلوريدا وتكساس واريزونا.
اللي مسافر بجد. ومعاه الفيزا اكيد ممكن اديلو معلومات اكتر دقة )
الباكدج بيتراوح سعره بين 6000 ل 8000 تقريبا.
طبعا من عوامل اختيار المستشفي المدينة نفسها واسعار الايجار فيها . واهم حاجة وجود اي قريب او صديق فيها يساعد لو حصل اي مشكلة.
اقولكم علي معلومة حلوة . ؟
فيه فنادق اسمها extended Stay اسعارها رخيصة ومعقولة . لو الايجار اكتر من 30 يوم بتتشال الضريبة للمدة كلها وبتوفري مبلغ محترم.
● بعد الولادة .ايه الإجراءات؟
يوم الولادة بتعدي عليكي مسؤولة تسجيل المواليد في المستشفي. بتجبلك فورم يتكتب فيه اسم المولود واسم الاب والام . الورقة دي بتتبعت علي مكتب زي السجل المدني عندنا كده عشان يطلعوا (شهادة الميلاد ).....ولنا هنا وقفة .
♢♢ ♢♢♢♢♢♢انتباه ♢♢♢♢♢♢♢♢♢
لازم تتاكدي ان طلب اصدار الشهادة انبعت في نفس اليوم
ولازم تكون البيانات صحيحة مليون في المية
ولازم نعرف شهادة الميلاد بتصدر في كام يوم عشان في ولايات بتصدرها بعد شهر وولايات تانية بعد اسبوع.
ازاي اقدر اعرف ان الشهادة صدرت؟
فيه موقع علي النت بتدخلي تشيكي فيه . ولما بتصدر بتلاقي اسم المولود موجود عليه. في الحالة دي بتروحي هناك المكتب لاستلام الشهادة استعدادا لاصدار جواز السفر الامريكي الجديد.
ازاي اقدر اتصرف لو شهادة الميلاد اتاخرت ؟
تروحي عاصمة الولاية اللي انتي فيها ( ممكن يكون سفر طويل جدا) ومن هناك بيطلعوا الشهادة وانتي واقفة بدون انتظار تحويلها علي المدينة محل الميلاد.
● ازاي استخرج جواز السفر؟
الدخول علي ويب سايت مركز اصدار الجواز في الولاية وتعبئة ابليكيشن . وبعدين تحديد ميعاد من خلال رقم تليفون محدد.
● لازم وجود الاب في امريكا وقت اصدار جواز السفر؟
يفضل وجود الاب طبعا .بس لو مش موجود بيروح السفارة الامريكية في القاهرة ويعمل تفويض او تصريح لمراته باصدار الجواز. عند notary السفارة او المحلفين.
♢ ♢♢♢♢♢♢انتباه ♢♢♢♢♢♢♢♢♢
خد بالك من حاجتين هنا . انت رايح السفارة الامريكية بنفس ذات نفسك عشان تعمل لمراتك تفويض عشان ولدت في امريكا وانت قايل انك رايح سياحة ( ضحكة رقيعة بصوت وفاء عامر).
بس عادي مفيش مشكلة والله. اهم حاجة انك لازم تاخد ميعاد بدري في السفارة لان المواعيد محجوزة لشهرين. فلازم تاخد الميعاد ده مع ال notaryقبل مراتك متولد كمان. عشان الوقت. بعد متستلمه تبعته بالبريد السريع.
● ايه اللي حيحصل في مركز اصدار جواز السفر وايه الورق المطلوب؟
زي مقلنا حتاخد ميعاد وغالبا المواعيد متاحة خلال اسبوع او اقل .
لازم تصوير الطفل صورة بمواصفات معينة ودي حاجة حتطلع عينيك. اقنع طفل عنده اسبوع انه يقعد ويفتح عينه عشان التصوير. .ماساااة.
اماكن التصوير بتكون في الهايبرماركت زي وول مارت .
حتروح هناك مع المدام والطفل والصورة وشهادة الميلاد .
( لو الزوج غايب بتقدم الزوجة التفويض) حيطلب منك تحلف القسم. وتقسم وطبعا جواز السفر اصداره بياخد شهر .
شهر ازاي وانت مسافر وعايز تحجز وترجع .. سهلة دي اوي . سعادتك حتاخد معاك تذكرة سفرك وتقول للموظف انك عايز الجواز مستعجل لانك مسافر .وبكده تكون استلمت الجواز في نفس اليوم.
شكرا.
،،،،،،
كلام مهم:
الموضوع ده انا كاتبه من زمان ، واتنشر قبل كده بس للاسف كأننا بنكتب لنفسنا او الناس اللي حتخوض التجربة محتاجة حد يضحك عليها او يستفيد ماديا من وراها !
قلنا بلاش ناخد المديكيد (التأمين المجاني). يرد واحد لأ عادي . انا عملته ومحدش كلمني .!وجاري عملوا وجدد الفيزا!
تفاجأ بنفس الشخص بعد كده وهو راجع من هناك بان الجوازات الغوا فيزته في المطار لانه خالف الشروط!
انتم أحرار..
End of text
..................
هل الولادة بغرض اكتساب الجنسية شيء مخالف للقانون الامريكي ؟
الاجابة : لأ .
طيب..ايه المخالف للقانون .؟
المخالف للقانون هو عدم.دفع تكاليف الولادة . لان المستشفيات هناك بتقبل اي حالة ولادة طارئة بغض النظر عن جنسية او اقامة او توفر مصاريف الولادة. فناس كتير جدا استغلت وبتستغل ثغرة التعامل بانسانية ورقي مع المريضة في التهرب من سداد تكاليف الولادة.
ببساطة لأن محدش بيطلب منك فلوس ابدا قبل الولادة الطارئة.
معني الكلام ده ان اي شخص معاه فيزا سياحة او دراسة من حقه الولادة هناك..
طبعا
. ليه مثلا ميصدرش قانون يلغي اكتساب الجنسية بالولادة ويريحوا دماغهم من وجع الدماغ ده؟
الاجابة بسيطة جدا وهي جملة في اعلان الاستقلال الامريكي تعتبر حجر الأساس في الدستور الامريكي .
(جميع البشر خلقوا متساوين، وأنهم وهبوا من خالقهم حقوق غير قابلة للتصرف، وأن من بين هذه الحقوق حق الحياة والحرية والسعي وراء السعادة).
يعني ولا طرامبو (علي رأي الفاضلة فيفي عبده). أو أي رئيس تاني يقدر يلغي الحق ده .
تكاليف الولادة:
الاجابة علي السؤال ده صعبة جدا لأن مفيش قاعدة للموضوع ده . كل مستشفي لها سعر مختلف تماما . فيه ولادة بتكلف 60 الف دولار. ايوا انت قريت الرقم صح . ونفس المدينة بتلاقي مستشفي تانية ب 8000 دولار .
ومتفتكرش ان فيه فرق في الخدمة او الجودة. الموضوع ده استاندرد عندهم .يعني التمريض قمة في الأداء. والرعاية علي اعلي مستوي.
بس فيه ناس مبتدفعش وبتولد ببلاش .ايه الكلام الفارغ ده .فلوس ايه ودولارات مين.
احنا بتوع الاتوبيس.
الولادة ٍببلاش ٍ دي حاجة ممكن تدفع تمنها غالي جدا لو جيت تقدم علي فيزا بعد.كده
لو عليك اي مديونيات او فواتير مش مدفوعة. بيكون عليك مطالبات قانونية بيها. عادي جدا وانت مسافر يوقفوك هناك لوجود مطالبات من شركة تحصيل .
يا سيدي ملكش دعوة. ازاي نولد ببلاش؟
انتي حرة.. لو عايزة تولدي ببلاش عندك طريقتين .
الطوارئ :
الاولي هي الاتصال بالطوارئ والاسعاف تودي حضرتك علي المستشفي تولدي بالسلامة وتروحي علي بيتك.
مفيش حد ابدا حيقولك هاتي فلوس. كل اللي حيعملوه انهم حيبعتولك الفواتير علي العنوان البريدي .
الحل ده بيضمن لك رفض الفيزا عند التجديد .وكمان بيضمنلك ملاحقة شركات التحصيل في اي وقت.
طيب مفيش حاجة ابوبلاش ومفيهاش بهدلة كده؟
طلبك عندي..
الميدكيد: (التأمين الصحي المجاني للمقيمين).
ده تأمين صحي للام والطفل المنتظر . يغطي تكاليف الولادة والتحاليل والدكتور. والإقامة وطبيب الأطفال والطهارة.
نسيت اقولكم ان كل بند من دول بيتدفع لوحده بفاتورة مختلفة غالبا.
ودي من الاشكاليات والطلاسم هناك..
التقديم علي الميديكيد ده مش في اي ولاية .بعض الولايات بس اللي بتقبل تعمله للي معاهم فيزا سياحة . لكن مش حوار صعب اوي. بيحتاج بس وجود الام قبل الولادة بفترة مش اقل من شهرين تقريبا.
الميزة في الميديكيد انه مش بيكون عليكي مطالبات قانونية .لان تكاليف الولادة اتدفعت من شركة التأمين.
المخاطرة في حال تجديد الفيزا انهم لو عرفوا الموضوع في السفارة حيطلبوا منك دفع كامل التكاليف واحضار فواتير بكده .
او حرمان من الفيزا حتي اشعار اخر.
وفيه ناس عملوه ومحدش اتكلم معاهم. هي حظوظ. بس الاغلبية بيتعرفوا دلوقتي.
للأسف مش حقدر أقول عن تفاصيل اكتر عنه او كيفية الحصول عليه . لان انا شايف انه نوع من التحايل والحصول علي حق غير مشروع .
يعني حرام علي بلاطة. لان حضرتك متحايل علي القانون .
بالاضافة لانه :
)أحد اسباب الحرمان من دخول البلد وتجديد الفيزا . مثبت بتجارب حديثة لاعضاء معانا ).
الولادة بشكل قانوني :
وده فيه طريقتين .
الاولي اني اراسل مستشفي هناك .واتفق معاها علي (باكدج ولادة كامل وشامل ). وده بيكون فيه تخفيض بيوصل ل 60 او 70% من سعر الولادة المعلن عندهم.
ده بيكون بشروط أهمها دفع كامل المبلغ كاش قبل الولادة بفترة . وتكون الولادة بدون أي مفاجآت غير متوقعة تحتاج لتدخل جراحي او ادوات اضافيه ..
السعر بيختلف تماما هنا. ممكن اساسا سعر الخدمات الاضافية دي تفوق تكلفة باكدج الولادة بمراحل.!!
السعر للاوبشن ده بيتراوح ما بين 6000 دولار ل 8000 دولار في المتوسط.
الطريقة التانية:
الداية .او midwife.
او الولادة في البيت .عن طريق ممرضات محترفات .
طبعا السعر ارخص بس لو الولادة فيها مشاكل او قيصرية بتتحول لمستشفي فورا والله اعلم التكلفة بتكون كام.
السعر حوالي 3000 ل 4000 دولار.
الايبودرال:
نصيحة لأي واحدة ناوية تولد هناك . ده نظام تخدير رائع للولادة الطبيعية بيخلي الولادة تجربة مريحة جدا . حقنة الايبودرال غالية وسعرها بيكون اقل حاجة 500 دولار تقريبا . وكتبر بتكون متضمنة في باكدج الولادة اللي اتكلمنا عليه.
تفاصيل استخراج شهادة الميلاد .والجواز. المدة .
ازاي اطلع جواز سفر والاب مش موجود في امريكا؟
.
سؤال وجواب،
●الفيزا . لو انا حامل وشكلي باين جدا. اقدم ازاي ع الفيزا ؟
تراسلي مستشفي هناك او دكتور وتتفقي معاهم علي التكاليف وتروحي للسفارة .حيسالك سبب الزيارة . قوليله بكل وضوح رايحة ...أولد هناك.
تقريبا دي حتكون من المرات القليلة اوي في انترفيو في السفارة الامريكية اللي القنصل هو اللي حيرتبك . وحيسأل حضرتك تاني وهو بيسلك ودنه . (x كيوز me ).؟
تستغلي حضرتك الارتباك ده وتقوليله انك مراسلة مستشفي هناك . وتوريلو كل الورق والمراسلات . مع شييت مكتوب متوضح فيه المصاريف المتوقعة هناك .
الكلام ده فيه ناس اعرفها في بلاد افقر من مصر بياخدوا بيه الفيزا عادي جدا . لأن القنصل بيحترم صراحتهم.
●الطيران . امتي اخر وقت اقدر اسافر فيه،؟
كل شركة طيران لها سياسة مختلفة في الموضوع ده اللي سمعته بيقول نجيب جواب مضروب . طيب . شركة زي طيران الخليج مثلا بتشترط اجراء كشف طبي في مستشفي تابع ليهم لو الحامل تخطت الشهر السابع مثلا،
الحل هو معرفة سياسة شركة الطيران قبل الحجز . وعموما مينفعش ابدا اي حامل تطلع طيارة بعد 3 اسبوع في الشهر الثامن للحمل.
●ايه ممكن يحصل لو ظابط الجوازات في المطار هناك عرف اني حامل وسأل .جاية تولدي هنا ؟
ده موضوع خطير.. لأنك لو كدبتي .مصيرك غالبا حيكون الترحيل .مش عشان حامل . عشان كدبتي .
افكركم ان الادلاء بمعلومات غلط بتدي الحق لموظف الجوازات في الترحيل فورا.
الحل:
بلاش كدب ابدا .
حامل؟ اه حامل
حتولدي هنا؟ ايوا حتنيل اولد هنا ومراسلة مستشفي ومعايا فلوس كفاية ومش حاخد ميديكيد او تأمين.
● فيه شركات عربية هناك بتساعد في موضوع الولادة وتخلص الإجراءات؟
صحيح. بس اغلب الشركات دي او الافراد بيعملوا تأمين صحي غير مستحق ( راجع الجزء الأول تحت).
يعني حضرتك بتدفعي فلوس للشركة دي عشان تولدي بتأمين مجاني.
الشركات اللي بتساعد فعلا من غير تأمين بتكون تكاليفها عالية جدا .
● ايه اللي بيحصل بالظبط لما بروح المستشفي اول زيارة؟
بيعملوا تحاليل وسونار وطبعا مكلفة جدا . فالأفضل ان التحاليل كلها تكون واخدنها معانا عشان مندفعش فلوس كتير.
بس ثانية واحدة..واخدنها معانا فين .في الشنطة .؟ الشنطة اللي ممكن تتفتش في المطار ؟ اكيد انتي قصدك انك تخديها معاكي علي فلاشة . او ع الايميل. اه. برافو عليكي وقعتي قلبي.
وبالمناسبة دي بوجه نداء لكل فتاة مسافرة. أرجوكي بلاش تخدي لبس اطفال وكوافيل وبزازات معاكي في الشنطة. اشتري من هناك. الشنط بتتفتش والله.
● ازاي ممكن نختار المستشفي. والدكتور. ؟
سؤال صعب ومحرج . الحل الوحيد فيه انك تعملي سيرش كويس جدا للمستشفيات اللي عندها باكدج ولادة.
عشان اوفر عليكم المستشفيات الرخيصة . في فلوريدا وتكساس واريزونا.
اللي مسافر بجد. ومعاه الفيزا اكيد ممكن اديلو معلومات اكتر دقة )
الباكدج بيتراوح سعره بين 6000 ل 8000 تقريبا.
طبعا من عوامل اختيار المستشفي المدينة نفسها واسعار الايجار فيها . واهم حاجة وجود اي قريب او صديق فيها يساعد لو حصل اي مشكلة.
اقولكم علي معلومة حلوة . ؟
فيه فنادق اسمها extended Stay اسعارها رخيصة ومعقولة . لو الايجار اكتر من 30 يوم بتتشال الضريبة للمدة كلها وبتوفري مبلغ محترم.
● بعد الولادة .ايه الإجراءات؟
يوم الولادة بتعدي عليكي مسؤولة تسجيل المواليد في المستشفي. بتجبلك فورم يتكتب فيه اسم المولود واسم الاب والام . الورقة دي بتتبعت علي مكتب زي السجل المدني عندنا كده عشان يطلعوا (شهادة الميلاد ).....ولنا هنا وقفة .
♢♢ ♢♢♢♢♢♢انتباه ♢♢♢♢♢♢♢♢♢
لازم تتاكدي ان طلب اصدار الشهادة انبعت في نفس اليوم
ولازم تكون البيانات صحيحة مليون في المية
ولازم نعرف شهادة الميلاد بتصدر في كام يوم عشان في ولايات بتصدرها بعد شهر وولايات تانية بعد اسبوع.
ازاي اقدر اعرف ان الشهادة صدرت؟
فيه موقع علي النت بتدخلي تشيكي فيه . ولما بتصدر بتلاقي اسم المولود موجود عليه. في الحالة دي بتروحي هناك المكتب لاستلام الشهادة استعدادا لاصدار جواز السفر الامريكي الجديد.
ازاي اقدر اتصرف لو شهادة الميلاد اتاخرت ؟
تروحي عاصمة الولاية اللي انتي فيها ( ممكن يكون سفر طويل جدا) ومن هناك بيطلعوا الشهادة وانتي واقفة بدون انتظار تحويلها علي المدينة محل الميلاد.
● ازاي استخرج جواز السفر؟
الدخول علي ويب سايت مركز اصدار الجواز في الولاية وتعبئة ابليكيشن . وبعدين تحديد ميعاد من خلال رقم تليفون محدد.
● لازم وجود الاب في امريكا وقت اصدار جواز السفر؟
يفضل وجود الاب طبعا .بس لو مش موجود بيروح السفارة الامريكية في القاهرة ويعمل تفويض او تصريح لمراته باصدار الجواز. عند notary السفارة او المحلفين.
♢ ♢♢♢♢♢♢انتباه ♢♢♢♢♢♢♢♢♢
خد بالك من حاجتين هنا . انت رايح السفارة الامريكية بنفس ذات نفسك عشان تعمل لمراتك تفويض عشان ولدت في امريكا وانت قايل انك رايح سياحة ( ضحكة رقيعة بصوت وفاء عامر).
بس عادي مفيش مشكلة والله. اهم حاجة انك لازم تاخد ميعاد بدري في السفارة لان المواعيد محجوزة لشهرين. فلازم تاخد الميعاد ده مع ال notaryقبل مراتك متولد كمان. عشان الوقت. بعد متستلمه تبعته بالبريد السريع.
● ايه اللي حيحصل في مركز اصدار جواز السفر وايه الورق المطلوب؟
زي مقلنا حتاخد ميعاد وغالبا المواعيد متاحة خلال اسبوع او اقل .
لازم تصوير الطفل صورة بمواصفات معينة ودي حاجة حتطلع عينيك. اقنع طفل عنده اسبوع انه يقعد ويفتح عينه عشان التصوير. .ماساااة.
اماكن التصوير بتكون في الهايبرماركت زي وول مارت .
حتروح هناك مع المدام والطفل والصورة وشهادة الميلاد .
( لو الزوج غايب بتقدم الزوجة التفويض) حيطلب منك تحلف القسم. وتقسم وطبعا جواز السفر اصداره بياخد شهر .
شهر ازاي وانت مسافر وعايز تحجز وترجع .. سهلة دي اوي . سعادتك حتاخد معاك تذكرة سفرك وتقول للموظف انك عايز الجواز مستعجل لانك مسافر .وبكده تكون استلمت الجواز في نفس اليوم.
شكرا.
،،،،،،
