الاسبوع اللي فات هجوم منظم على الاهرامات واللي...

  • بادئ الموضوع بادئ الموضوع Ahmos Elmohager
  • تاريخ البدء تاريخ البدء
عرض العطلة
A

Ahmos Elmohager

:: مسافر ::
#1
الاسبوع اللي فات هجوم منظم على الاهرامات واللي بيحصل فيها من الجماله وغيرهم...ومع الاسف مصريين ادولو بدلوهم بالباطل...هيصه وهوسه وحسسونا اننا لازم نلخج معانا اسلحه متنوعه للتعامل مع بلطجيه هناك...والحقيقه هي:

فيه رزاله من الجماله ...صح
فيه فهلوه زي انا اللي لازم اوديك...ممنوع يابه العربيه لازم جمل...صح
فيه نصب في التعريف والاجره....صح

لكن...مافيش جبر على شيئ...لو اتفقت بالتفصيل كل شيئ هيكون تمام....وفي الاخر حضرتك بتدفع ملاليم يعني خمسين دولار...تهيس بيهم طول النهار ركوب خيل وجمال وخلافه...ولك ان تتخيل ان فقط رسوم دخول البتراء في الاردن يفوق الخمسين دولار

يعني انا اخذت ولادي ورحت واللي بتقولوا عليهم نصابين التصوير...صورني انا وولادي بتاع مائه صوره بالكاميرا بتاعتي...فيهم كل ما تتخيلوا من خدع تصويريه واخد عشرين جنيه...يعني دولار واحد تقريبا....

انتم عاوزين ايه من مصر...يعني ناس بتحاول تشتغل بطريقه شريفه وبادور على اكل عيشها قصاد ملاليم بالنسبه للعالم وكمان بتهجموهم...بصراحه عيب كده اوي
 
#2
هو التعريف الجبر عند حضرتك ايه معلش !!
لما خمسه سته يفضلوا زي ضلك ويتكلموا بطريقه سرسجيه من اول ما تخطي هناك .... ولا بتوع الجمال اللي يقولي مش هنختلف مش هنختلف وبعد ما اركب يقولي الجوله المتوسطه ب350والصغيره ب250!!.المفروض ده نسميه ايه ...لما المفروض الامن اللي موجود هناك عشان حمايه المصريين قبل الاجانب نروح نشتكيله من التحرش والمعاكسات وميتحركلوش ساكن ..يبقي ايه بردوا ..!
 
#3
خلي الاعضاء اللي بتسافر بره و بتتعامل مع أماكن سياحيه بتحترم السائح هيا اللي ترد على حضرتك و تعرفك اذا اللي بيحصل ده صح و بيحصل في دول متحضره !!! , و لا شغل البلطجه و التسيب ده موجود في مصر , و احنا لا نقبله
و الله مستعد أدفع ال 50 دولار بس محسش أن كل واحد عاوز يعمل عليا مصلحه , يكون فيه مكان محترم أقطع من التذكره و أدخل بكرامتي و أخرج بكرامتي زي أقل مكان سياحي في اي حته في العالم
 
#5
بص هو بعيدا عن ان المكان جميل بس يعني لما واحد جه يزورني في مكتبي في الشغل و اعرف انه ادى بقشيش للراجل بتاع الحصان 30$ و دافع 80$ في لفة بالحصان لا تتعجى 15 دقيقة يبقى ده أسميه ايه؟ و كمان الراجل بيقول له ده قليل ... بص يا افندم ... لو احنا عندنا نظام محترم يجبر الجميع يمشي عليه ما كانش بقى فيه نصب ولا كان في حد اشتكى من النصابين في الأماكن الأثرية
 
عرض العطلة
#6
احنا بندفع اكتر من كدة برا بس بتاخد خدمة واحترام وحماية وماحدش يقدر يضايقك نهائي والحق معاك على طول وخصوصا انت صاحب بلد مش سايح احنا مش بنعرف نودي ولادنا الهرم يشوفو حضارتنا بسببهم
 
#8
حضرتك بتهزر صح؟؟ يا راجل ده انا كنت راكبة اوبر و رايحة حدايق الاهرام و عديت اخر شارع الهرم.. الناس البلطجية دي بتوع الهرم كانوا واقفين في نص الشارع و قعدوا يخبطوا على ازاز العربية و يقفوا قدامنا و لولا ان السواق عرف يتصرف الله اعلم كانوا هايعملوا ايه.. والكلام ده كان في عز النهار..
حضرتك اي دولة بتروحها فيها احترام مش ناس جاية تبلطج عليك عشان مصلحة.. لو فيه تعريفة محددة يبقى تمام انما مش الغوغائية دي..
 
#10
اسف لحضرتك بس بوست ردئ دفاع عن الباطل
اللي هو البتراء في الاردن اغلي من 50 دولار يبقي اتسرقوا وادفعوا 50 دولار واحمدوا ربنا ؟؟

اللي هو منطق الحكومة .. المستشفيات في بعض الدول فيها اهمال يبقي ليه زعلانين لو دكتور نسي مقص او فوطه في بطن مريض او قطع شريان بالغلط ما تحمدوا ربنا ان في دكتور اصلا :D
 
عرض العطلة
#11
هو اننا نوعي الناس و نتكلم في حاجة حقيقة بتحصل و ناس مبتعرفش تتعامل معاها و بتبقى رايحة بحسن نية و بتصدق يبقى دا اسمه هجوم منظم !
 
#12
في مكان ادخل في وانا عارف مسبقا" ان تعريفته 100 دولار وادخل وادفع واطلع مبسوط حتي لو المكان بتقييمي مش بيستاهل المبلغ ده ,, فيه مكان في دولة الغابه ادخل واتقلب في (ملالييم ) واسلوب زباله واطلع كاره المكان وكارة البلد .

من الاخر حضرتك فاهم الوطنية غلط المفروض اللي يخاف علي بلدة يصحح الغلط مش يدافع عنه بالحماس ده .
 
#14
عجبتني الحتة بتاع انتم عاوزين ايه من مصر...
انتو مين ؟
هو انت عاوز تمشينا ع مزاجك ؟
وتفرض علينا كلنا وجهة نظرك اللي بتبرر للبلطجه والسرقه ؟
 
عرض العطلة
#16
انت قول تحيا ماسر ٣ مرات والناس دي تختفي من حياتك وتكمل استمتاع بالهرم ب ٥٠ دولار من غير بلطجة وسيبهم هما يروحوا الهرم بتاعهم اللي فيه بلطجة ونصب
 
#17
يعني المصريين نفسهم بيتنصب عليهم من البلطجية اللي في الهرم، طب نتخيل بقى السياح نفسهم،

اخرة مرة زرت الهرم، نفس الشخص اللي بتقول بيركبك الخيل ويلففك ماشي ورا اتنين سياح عندهم بتاع فوق ال 60 سنة عشان يركبوا، بيزهق فيهم وياريت جات على كده بيضربهم بالعصاية اللي ايده على كتفهم عشان كل شويه يسبوه ويمشوا، تخيل نفسك انت في بلد غير مصر وواحد بيعملك كده انت والأولاد حتى لو بيحاول يعملك خدمة بدولار بس انت مش عايز.
 
#18
فيه رزاله من الجماله ...صح
فيه فهلوه زي انا اللي لازم اوديك...ممنوع يابه العربيه لازم جمل...صح
فيه نصب في التعريف والاجره....صح

==============

يعنى لو انا سائح او شخص ماليش فى الفصال والتناحة او مجموعة بنات وقلقانين من الاسلوب بتاعهم او طريقتهم فى المعاملة او مثلا انا شخص خبرتى قليلة فى التعامل فى المواقف دى == يبقى الاحسن مروحش الاهرامات اللى هى مكان سياحى فى بلدى او انى زائر اجنبى بلاش اروحها لأن الديفولت فى الاهرامات انك تبقى فهلوى وابن بلد وتعرف تجيب القرش من بوق الجمل

كان من الأفضل تلوم على شرطة السياحة او الحكومة او اى كان المسئول عن المكان انه سايب الزرالة والفهلوة والنصب هما اللى يتحكموا فى المكان ;)
 
#20
انتا اللي عايز ايه
و ايه الكلام الفارغ دا ؟؟
حضرتك بتدافع عن ايه؟؟
لو عايز تعالج مشكله يبقى تعترف بوجودها الاول مش تدفن راسك في الرمل و تيجي تقولي الاردن و بترا ؟؟؟
لا معلش حضرتك اللي بيحصل في الاهرام وساخه و سفاله و بلطجه علينا و على الاجانب
احنا عايزين من مصر ايه ؟؟؟
و انتا عايز ايه و بتتكلم كدا ازاي اصلا ؟؟؟؟
هوا انتا من بتوع المصلحة و تحيا ماسر شكلك ؟؟
يا راجل دانا زعلان عالدقيقتين اللي كتبت فيهم الرد عالكلام التافه دا
 
عرض العطلة
عرض العطلة
عرض العطلة
أعلى أسفل
عودة
قائمة