هو انا محتاج اطلع تصريح سفر بعد ما اخد اعفاء...

[Amr Wahied]

هو انا محتاج اطلع تصريح سفر بعد ما اخد اعفاء نهأي من الجيش ؟

 

[Hend Salem]

لا
لو لسه ما أثبتش الاعفاء النهائى فى الباسبور بتسافر بشهادة الاعفاء النهائى و تخلى صورة منها معاك

 

[Jqo Jqo]

لاء بس ممكن تحتاج تصريح امنى حسب الدولة اللى هتسافرها

 

[Mohamed Sobhi]

بتسافر بي شهادة الاعفاء لو لسة مغيرتش باسبور مش بتحتاج تصريح سفر نهائيا في بعض دول لزم تصريح أمني دة حاجة تانية

 

[Ahmed Taha]

باسبورك مكتوب فيه اية ?

 

[Mohamed Soliman]

التصريح الامني لو مسافر تركيا او نازل ترانزيت فيها

 

[Kaiim Saied]

بعد الاعفاء النهائي بتروح تعمل بسبور و معاه الاعفاء فا بيتكتب في الباسبور غير مطلوب للتجنيد

 

[Mohamed Wafik]

لا الختم النهائي يكفي

 

[Osama Hamdy Eldrieny]

لا بس الباسبور بتاعك لو مكتوب فيه مطلوب للتجنيد يبقي لازم تاخد شهاده الاعفاء معاك ، لو كان مكتوب فيه عير مطلوب للتجنيد يبقي مش محتاج تصريح سفر

 

[Ahmed Gbr]

لا

 

[Mohammed Sayed]

بعد ما تاخد الاعفا النهاىية بتطلع جواز السفر بصورة من شهادة الجيش بس خد الاصل معاك علشان يطلعوا عليها
بعد كده الباسبور بيبقي مكتوب فيه غير مطلوب للتجنيد يعني مش هتحتاج اذن سفر لاي دولة وربنا يوفقك في حياتك ان شاء الله

 

[Mohamed Hossam]

شهادة الإعفاء النهائية بعد ما تخلص فترة ذمة قوة الاحتياط بتطلع منين و ازاى لو حد عنده معلومة