I
Islam Ibrahim Mohamed
:: مسافر ::
فيه حاجه دايما كنت خايف منها اني اسافر لوحدي خصوصا انها اول مره اسافر فيها ان الموضوع يبقي ممل واحس كاني ماشي تايه في الشوارع وخلاص ومستمتعش بالرحله واعتقد ان ناس كتير فكرت نفس التفكير ده واترددت كتير في انها تسافر للسبب ده... لكن الغريب لما سافرت ميونخ/المانيا ان حسيت العكس تماما حسيت ان استكشاف مكان جديد لوحدك في حد ذاته ممتع وفكره انك تتفسح لوحدك بيخليك تركز في كل لحظه بتقضيها في المكان الجديد ده وبيخليك عايز تجرب كل حاجه جديده في المكان ده.
قبل ما اسافر كانت عندي مخاوف اني اتوه ومعرفش اوصل للفندق او اني معرفش اوصل للاماكن الي حابب اروحها لكن لقيت الموضوع اسهل بكتير من الي كنت متخيله طالما معاك موبايل و Google Maps مستحيل تتوه ومستحيل متعرفش توصل للمكان الي انت عايز تروحه خصوصا لو في اوروبا مثلا... فعلي سبيل المثال فيه ميزه في الجوجل مابس مش موجوده في مصر بس جربتها في اوروبا انك ممكن تعرف تروح المكان الي عايز تروحه ازاي بالمواصلات العامه يعني تلاقي الجوجل مابس بيحددلك تركب مترو رقم كذا وتنزل كمان كام محطه والمحطه اسمها كذا وتركب اتوبيس من المحطه كذا وتنزل في المحطه كذا.
قبل ما اسافر كانت عندي مخاوف اني اتوه ومعرفش اوصل للفندق او اني معرفش اوصل للاماكن الي حابب اروحها لكن لقيت الموضوع اسهل بكتير من الي كنت متخيله طالما معاك موبايل و Google Maps مستحيل تتوه ومستحيل متعرفش توصل للمكان الي انت عايز تروحه خصوصا لو في اوروبا مثلا... فعلي سبيل المثال فيه ميزه في الجوجل مابس مش موجوده في مصر بس جربتها في اوروبا انك ممكن تعرف تروح المكان الي عايز تروحه ازاي بالمواصلات العامه يعني تلاقي الجوجل مابس بيحددلك تركب مترو رقم كذا وتنزل كمان كام محطه والمحطه اسمها كذا وتركب اتوبيس من المحطه كذا وتنزل في المحطه كذا.
