Safety Reviews !! احكيلنا عن محاولات النصب...

  • بادئ الموضوع بادئ الموضوع Mohamed Fakhry
  • تاريخ البدء تاريخ البدء
عرض العطلة
#21
ف تركيا سواق التاكسي لو اديتو ٥٠ ليرة، اول ما ياخدها يغيرها ويقولك بص انت اديتني ٥ ليرة بس...خليك مصحصح، ويفضل متركبش تاكسي خالص الا ف بعض الحالات القصوى.
اي حد ف تركيا يسألك على عنوان او يحاول يتعرف عليك ويقولك تعالى معايا المكان الفلاني، اوعى...دي نصباية يا معلم.
 
عرض العطلة
#26
ماتغيرش عملة فى صرافات المطارات. راجع شاشة سعر البيع و الشراء كويس الأول و قارن بينها و بين السعر الرسمى على الإنترنت. مكاسب صرافات المطارات فى تغيير العملة مبالغ فيها جدا. غلطت أنا الغلطة دى مرة فى مطار كراكوف - بولندا. خسرت مبلغ 350 ج (70) زلوتى فى تغيير 100 دولار
 
#29
كنت فبالي -اندونسيا وسعر تحويل العملة مليون 300 ل مليون 500 رحت لمكان مكتوب عليه مليون 600 والي قدامي كان سكران الراجل حوله ميت دولار ب 900 الف ولما قاله في غلط في الحساب سحب منه 100 واداله بدالها فكه , دوري بقا اداني مليون 200 قلتله لا انت كاتب مليون 600 قالي ضرايب فمشيت وسبته
 
عرض العطلة
#31
خدعة تصوير الشحاتين : تروح مكان مشهور تلاقي شحاتين زي الالاتية او عازفين موسيقي يضحكلك و يشاورلك انك تصوره او تتصور معاه و بعدين يفاجأك بحق الصورة !!!
 
#33
تركيا ان شباب يقولوا انهم سياح او من مدينة تانيه وتقعد معاهم فكافيه وواحد يمشي وواحد يستأذن يروح الحمام وتتدبس فالفاتورة وارقام مبالغ فيها
الراجل الي كان شغال فالهوستل قالي اي حد يعرض عليك تروح معاه كافية هاته معاك هنا على اساس انك نسيت الفلوس فالهوستل ونقله مش هتطلع غير لو دفعت
 
#35
ميدان دام سكوير فى امستردام فى سرقه عاليه جدا انا اتسرقت هناك كل فلوسى بورقى بفيزى :(
غالبا بتبقى فى التجمعات الكبيره اللى بيتعمل فها العرو ض ولما رحت البوليس لقيت اعداد كبيره جدا هناك حصلهم نفس المشكله الحراميه هناك بروفيشنال جدا بياخدوا شنط كامله من غير ماتحس
اللى حصل معايا كنت واقفه فى عر طلعت الموبيل رفعته عشان اصور والشنطه كروس وقدامى معرفش ايه اللى حصل فى لحظه المحفظه اختفت :(
 
عرض العطلة
#36
الصين ، سواق التاكسي بعد ما تحاسبه ينادي عليك ان فلوسك مزورة ويبدل الفلوس وتاخد المزورة بتاعته وتديله فلوس تاني ويقعد يبدل هو
 
#37
للاسف كنت واخد معايا بالي شويه فلوس مصري وملقتش ولا صرافه تغيرهم وبغبائي مكنتش محولهم دولار لحد مالاقيت صرافه رضت بس طبعا اتاكل عليا حوالي ٥٠٠٠ ج بس كنت مضطر لأني مقدميش حل تاني
 
#38
البوست رمادى والكلام بابن بالعافيه خللى الكلام باللون الاسود
انا اتسرقت فى دبى فى مول كبير 1000درهم وكنت محتاجاهم جدا جدا ودعيت على اللى سرقنى وان شاء الله خير اعتقد زمانه مات
 
#40
مكاتب تغيير العملة فى مطار تركيا نصابين ، أما سواقين التاكسى حدث ولا حرج، بالإضافة انى كنت هتخطف فى تركيا انا واولادى من سواق تاكسى وربنا ستر والجندرمة لحقونا
 
عرض العطلة
عرض العطلة
عرض العطلة
أعلى أسفل
عودة
قائمة